1 Reyes 4:33 - Biblia Dc en Mixe de Quetzaltepec

³³ Ojts tnikäjpxy tnimëtyä'äky wi'ix ja aay kepy y'ixë'atën, mëti'ipë jam Líbano; yë'ëpaat ja aay ujts potsykyijxypyë yonyën; ojts näjyëtu'un tnikajpxtaay ja aayjëyujk ujtsjëyujk, mëjatypë ets pixkënpë, mëti'ipë naaxwiinye'eytyëpën, mëti'ipë naaxjotyën, mëti'ipë nëëjotyën, kepyjotyën ets mëti'ipë kääkjëtijtëpën.

Biblia Mixe de Quetzaltepec

³³ Ojts tnikäjpxy tnimëtyä'äky wi'ix ja aay kepy y'ixë'atën, mëti'ipë jam Líbano; yë'ëpaat ja aay ujts potsykyijxypyë yonyën; ojts näjyëtu'un tnikajpxtaay ja aayjëyujk ujtsjëyujk, mëjatypë ets pixkënpë, mëti'ipë naaxwiinye'eytyëpën, mëti'ipë naaxjotyën, mëti'ipë nëëjotyën, kepyjotyën ets mëti'ipë kääkjëtijtëpën.

1 Reyes 4:33 ပူးပေါင်းရင်းမြစ်များ

Salmos 92:12

Yë oyjyä'äytyëjk jëtu'un yaj'ixtë tä kumpëjyën, ets jëtu'un yontë jyiitstë tä ajë kepyën mëti'ipë yajpatëpën ma ja Líbano itjotmën.

Salmos 51:7

Yajwatskës yë njot nwinma'any mëët yë po'tn ets jëtu'un wa'ats nwë'ëmëtyës, pujkës ets poop nwë'ëmëtyës tä tsajp o'pkyën.

2 Reyes 19:23

Mëët ja ja'ay mëti'ipë mtukmëkäjxëpën ja m'aaw m'ayuk yë'ë mëët ja Wintsën ëxaty të xy'ënëëmë. Të m'ëna'any: Mëëtës ja mmaypyujxn wintëkäämpë, mëti'ipës nmëtsiptuunpyën, ¿tiijës xykyamayëp? Ëjts oyës muum tunkëjxm kopkkëjxm mpäta'anëty, oy jënu'un tyimtsipëty jam Líbano. Xymyäyëpës yë npuxëty nka'atsëty yë kepy oyëtypë mëti'ipës ntimtsyojkpyën, tä yë tsiinën ets ajë kepyën. Ëjts jampaatës nja'ty ma ja këjxmëtypë ja kopkën, ma janty yenyëtypë kepyën mëti'ipë oyëty këxë'kpën tä yë ujtskam pëjykyamën.

Hebreos 9:19

Ojts ja Moisés ja mayjyä'äy tuk'ëwaanë ja Dios ja y'ënä'ämën; ok ojts tu'uk ja tsapts ukpyë ja kupixyny jëmk tpëjkë'ëky mëët tu'k'ooxy ja ujts apity ets tyajxo'ky ma ja tsajpkaa ne'pynyën ets ma ja tsajppax ne'pynyën xëpinypë mëët ja nëë, ets ojts tuknixijkxy ja noky mëti'ipë myëët'ajtypyën ja ënä'ämën ets ni'ëmukë ja ja'ay näjyëtu'un.

Éxodo 12:22

Yë ne'pny jap xyaj'axä'kxëtëty ma tu'uk yë tsimën ëkë pokën ets yë'ë mtukpatijë'ëktëp yë kepyxye'enty tu'k'atsumy mëti'ipë xyëëwajtypyën hisopo ets ënät ja mtëjk'aaw xytyukkoytyëty. Ma miitsëtyën ni pën mëpaat kyapëtsëmy tëja'p ma ënety ka'ap xyiinyënëm.

1 Reyes 4:32

Jä'ä t'oytyuuny tëkëëk mil ja käjpxy mëtyä'äky mëti'ipë mëj këjääjëty niwijpën ets tu'uk mil ja mëkoxk ja oyëtypë ja aaw ayuk.

1 Reyes 4:34

Oymyaatsowëty ma wiinkëtypë naax kajpnën, tëkokyë ja ja'ayëty mëti'ipë nyija'awëtyën ja Salomón ja wyijy'ajtën, maajëty ojts muum tnitsoontë ets tnimiintë tmëtoow'itë ja Salomón ja kyäjpxy myëtyä'äky.

Cantares 4:8

Tsojk ntso'onëmë yaa Líbano, to'oxytyëjk mëti'ipës mpëkäämpyën; tsojk yaa Líbano ntso'onëmë. Najts'ixë yë joyjyot ma Amaná kopkën, jam m'ijxtsoonëty ma Senir kopkën ets jampaat ma Hermón kopkën, ma kaa aankën, ma kuuyxyëpëjy aankën.

Cantares 5:15

yë tyekpyoonty jëtu'un yë'ë tä yë jaam tsaajën ets kyëxwä'äky ma pu'ts pujxnën; yë wyiin jyëjp jëtu'un yaj'ixy tä yë Líbano kepyën, mëti'ipë aak ajë kepyën;