1 Reyes 4:31 - Biblia Dc en Mixe de Quetzaltepec

³¹ Ni'ik wijy ojts y'ity këtiinëm jyëtu'unëty ja ja'ayëty mëti'ipë xyëëwajtën: Etán, ja Sera ja y'u'unk y'ok; Hemán, Calcol ets Dardá, ja y'u'unk y'ëna'këty ja Mahol. Akäjpxy ojts y'ity oymyaajëty.

Biblia Mixe de Quetzaltepec

³¹ Ni'ik wijy ojts y'ity këtiinëm jyëtu'unëty ja ja'ayëty mëti'ipë xyëëwajtën: Etán, ja Sera ja y'u'unk y'ok; Hemán, Calcol ets Dardá, ja y'u'unk y'ëna'këty ja Mahol. Akäjpxy ojts y'ity oymyaajëty.

1 Reyes 4:31 ပူးပေါင်းရင်းမြစ်များ

1 Crónicas 15:19

Ja Hemán, Asaf ets Etán, yë'ë ojts yajtuknipëktë ets tyaj'ëna'antëty ja pujxn mëti'ipë yaj'akojxmujkpën.

1 Crónicas 2:6

Yë Zérah y'u'unk y'ëna'k jä'ä xyëëwajtë: Zimri, Etán, Hemán, Calcol ets Dardë, nimëkoxk nyiwinë'ajtë.

1 Reyes 3:12

tyamës ntunëty tä të xy'amëtoyën: nmo'ojäämpy ja wijy'ajtën kujk'ajtën ets ja ixpëkyajtën këtiinëm jyëtu'un'atë mëti'ipë të jyuuky'atën ets mëti'ipë juuky'atantëpnëm.

Lucas 11:31

Ko nëjkx ja naaxwiinyëtë ja'ay yajpaye'eytyë, minaanp ja yajkutujkpë to'oxytyëjkpë mëti'ipë ëpa'tkë'ëmtsow tsoonaanpën ets tëytyuna'any ja ja'ay, jëtu'un ijxtëm tëëyëp ojts ja Salomón nyiminyën ja to'oxytyëjk mëti'ipë jëkäm tso'onpën ets tmëtoow'ita'any ja Salomón ja wyijajtën; e mëti'ipë tyam yaa yajpatpën wäänë mëj'äämpy yë ni'ik këtiinëm ja Salomón.

Mateo 12:42

Näyjyëtu'un ko nëjkx ja naaxwiinyëtë ja'ay yajpaye'ey, tso'okaanp ja To'oxytyëjk yajkutujkpë jampë y'ëne'emyën ëpa'tkë'ëmtsow; jä'äkyëjxm ko jëkäm tsyo'ony ets ja Salomón tnimiiny ets tmëtoow'ita'any ja ëëwij kajpxwijën mëti'ipë wijy Salomón nyimëtyäkpyën ets mëti'ipë tyam yaa yajpatpën mëj'äämpy ni'ik këtiinëm jyëtu'unëty ja Salomón.

1 Crónicas 6:33

Ja mëti'ipë jam yajpatëpën mëët ja y'u'unk y'ëna'k yë'ë ënety jam'ajtëp ja Quehat y'u'unk y'ok. Yë Hemán, yë'ë tyeety'ajt Joel; e yë Joel, yë'ë tyeety'ajt Samuel,

Colosenses 2:3

Kristë mëët yajnijawë tu'kë'ëyë ja wijyajtën kejyajtën ets ja'aykyujkën mëtoowkujkën.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Salmos 88:1

Wintsën mëti'ipës nWintsën'ajtypyën ets mëti'ipës xyajnitsokpën, jopy ux mijts n'amëtoy npëjktsoy yë putëjk pupäjtën,

2 Crónicas 9:23

Tëkokyë ja yajkutujkpëtëjk aak myëtoowta'ajantëp ënety ja wyijajtën ja Salomón mëti'ipë ja Wyintsën të myo'oyën,

1 Crónicas 15:17

Ja Leví ja'ayëty ojts tuknipëktë ja Hemán, yë Joel yë myaank; tääts yë Asaf, yë Berequías myaank, nän yë'ë myëku'uk yë Hemán; nän yë'ë Merarí jyä'äy ets aak tu'kmëku'uk y'ijtë, tääts ja Etán näjyëtu'un, ja Cusaías ja myaank;

1 Reyes 10:6

Paaty t'ënëmaay ja yajkutujkpë: Mëti'ipës ëjts të nmëtoy'ätyën ko myajnikäjpxy myajnimëtyä'äky wi'ix winë xytyunyën ets wi'ix mkuwijyëtyën janty tëyajtën yë'ë.

1 Reyes 10:1

Ja to'oxytyëjk mëti'ipë jam Sabá yajkutujkpën ojts tmëtoy'äty ko ja Salomón mëj'äämpy ja'ay nyikäjpxyë oy tyimmaajëty, mëët ko ja Wintsën ënety jëtu'un të tuknipëjktaakë; ënät tnitso'ony ets tninëjkx jam Jerusalén ets t'ëk'ixa'any wi'ix ja Salomón wyijyëtyën, ojts tuknipëjktaakë tsipëtypë yajtë'ëwën. Ko jyäjty mëj'äämpy jyä'äjty may ja tyuunpëtëjk, ets tmëmiiny may'äämpy ja ujts mëti'ipë pa'akxu'kpën ets tsowëtyën, may näjyëtu'un tmëmiiny ja pu'ts pujxn ets ja tsaa oyëtypë. Ko jam jyä'äjty ma Salomón yajkutukyën, ojts tyajtëëwta'ay tëkokyë winë mëti'ipë ënety të tnimay të tnitajën.

1 Reyes 5:7

Ko ja Hiram tmëtooy wi'ix ja Salomón ja ayuk tyuknikäjxën, janty jotkujk nyäjya'awëyë ets y'ënäny: Yë'ë tëy yë Wintsën, janty kënu'kxy mëjjawë mëpaat yë xyëëw nyäxy, jä'ä ko tëë tyajkutuky ets tyëkëty ënä'ämpë tu'uk yë David yë myaank mëti'ipë ixpëkyën ets wijy kujkën, mëti'ipë mayëtëpën wi'ix ja nyaax kyajpn oy twinye'eyëty.

Daniel 1:20

Ma ja jotmayën ets ja winma'any ma tsyokyën ja këpetyajtën ets ja ixpëkyajtën, yë yajkutujkpë xëmë ojts yajtëwëtë ets t'ijxy ko tääpë ja ëna'këty majknipät ijty kyëpety'ajnëtë këtiinëm ja wijyjyä'äytyëjkëty ets ja najtsja'apëtëjkëty mëti'ipë jam tuuntëpën ma ja yajkutujkpën.