1 Reyes 4:30 - Biblia Dc en Mixe de Quetzaltepec

³⁰ Yë Salomón ja wyijy'ajtën ojts twinnajxta'ay ja Egiptë ja'ayëty ets ja ja'ayëty xëëwpëtsëmtsyowpë tsyëënëtën.

Biblia Mixe de Quetzaltepec

³⁰ Yë Salomón ja wyijy'ajtën ojts twinnajxta'ay ja Egiptë ja'ayëty ets ja ja'ayëty xëëwpëtsëmtsyowpë tsyëënëtën.

1 Reyes 4:30 ပူးပေါင်းရင်းမြစ်များ

Génesis 25:6

E mëti'ipë y'u'unk'ajtën mëët ja wiinkëtpyë ja tyo'oxytyëjk, Abraham je'eyë ojts winë tnamo'oy yiinaty wäänaty. E juuky'ajtpnëm ënety ko ojts ja wiinkpë ja y'u'unk tyaj'ëwa'kxyë mëët ja myaank Isaac, jamtsow ojts tnajtskäjxëtyä'äy awinmtsow.

Génesis 29:1

Yë Jacob ojts ja tyu'u tpanëjkxy ets ojts jam jyä'ty ma ja naaxwiinyëtë xëëwpëtsëmtsyowpë.

1 Reyes 10:23

Yë Salomón ni'ik ijty kyumeenyëty ets wyijëty këtiinëm jyëtu'unëty ja yajkutujkpëtëjkëty wiink naax wiinkajpnëpë.

Job 1:3

Wëxtujk mil tmëëtëty yë kupixyny, tëkëëk mil yë jëyujk jëku'ux, mëkoxk mëko'px yë tsajpkaa ets mëkoxk mëko'px yë krukts. May ijty yë myëtuunpë. Mëj kumeenyjyä'äy, jam tsyëënë xëëwpëtsëmtsyow.

Eclesiastés 1:16

Ënätës ojts kë'ëm nämyä'äy nätyajxëty etsës n'ënany: Tyaajës, mëj'äämpyës n'ity, ni'ikës nwijyëty këtiinëm jyëtu'un'ajtë mëti'ipë y'ënä'ämtën tëëyëp yaa Jerusalén; maas winë këkpaat nmëmay nmëtajyën ets n'ijxpëjkta'ay winë winma'anymyëët ets näjyëtu'un tsuu pojës n'ëtë'ëtsy ets jä'äs ntuunpy ka'apë tyuunëtyën ets n'ik'ixa'anyës ko oymyëti'ipë ntimtyu'unmëty aak nëkoopë nyatëkë'aty.

Ezequiel 25:4

E oy ko jyëtu'unëty, miitsëty jam nkë'ëyaka'antë ma ja naax kajpnën mëti'ipë yajpatpën xëëwpëtsëmtsyow, yë'ë nëjkx tjä'äniwa'antë yë mnaax mkamëty, nëjkxëp tpëjkta'aktë yë këwent'ajtpë ets nëjkx tkojtë jyëën tyëjkëty. Nëjkxëp tjë'kxta'atë mëti'ipë të xynyitunëtën ets t'ukta'atëty ja mtsi'tsk nëëjëty.

Daniel 1:20

Ma ja jotmayën ets ja winma'any ma tsyokyën ja këpetyajtën ets ja ixpëkyajtën, yë yajkutujkpë xëmë ojts yajtëwëtë ets t'ijxy ko tääpë ja ëna'këty majknipät ijty kyëpety'ajnëtë këtiinëm ja wijyjyä'äytyëjkëty ets ja najtsja'apëtëjkëty mëti'ipë jam tuuntëpën ma ja yajkutujkpën.

Daniel 4:7

Tä myiintaaytyë ja wijyjyä'äytyëjkëty, ja xëëwmääpyëtëjkëty ja najtsja'apëtëjkëty ets tëkokyë ja ijxpëkyjyä'äytyëjkëty, ënätës ntukmëmëtyaktaaytyë ja nkuma'ayës, je'eyëp ko ka'ap ojts tmëwinma'aypyaatë wi'ix nyiwijyën.

Mateo 2:1

Belén ja Jesús ojts myiny kye'exy, Judea y'itjotm. Herodes ënety jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.

Mateo 2:16

Ko ja Herodes tnija'awëy ko ja matsa'a ixtääpyë ënety tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënety tpamay ja xëëw po'o jëna'a ja matsa'a ixtääpyë të tnikajpxtën.

Hechos 7:22

Tääts ja Moisés t'ijxpëjktaay tu'kë'ëyë ja wijyajtën kejyajtën mëti'ipë ja Egiptë ja'ayëty nyija'awëtëpën; ets mëj'äämpy y'awinpijty ma ja aaw ayukën ets ma winë ttuny tkäjpxyën.

Jueces 6:33

Ënet ja Madián ja'ayëty ets ja Amalec ja'ayëty tëkokyë mëti'ipë ënety jam tsënaaytyëpën awinmtsow tyu'ukmujktaaytyë ets tuknajxtë ja nëë mëti'ipë yajtijpën Jordán ets jam nyäpyëjktakëtë ma txëëwatyën ja joyjyot Jezreel.