1 Reyes 4:26 - Biblia Dc en Mixe de Quetzaltepec

²⁶ Salomón ojts tmëët'aty taxk mil yë këwaaytyënaaytyakn ma tyaj'ityën ja jyëyujk mëti'ipë pujxnwintëkäämpë pyajëtujtëpën ets majkmäjtsk mil ja tsiptuunpëtëjkëty mëti'ipë këwaaytyuk'ënyääytyëpën.

Biblia Mixe de Quetzaltepec

²⁶ Salomón ojts tmëët'aty taxk mil yë këwaaytyënaaytyakn ma tyaj'ityën ja jyëyujk mëti'ipë pujxnwintëkäämpë pyajëtujtëpën ets majkmäjtsk mil ja tsiptuunpëtëjkëty mëti'ipë këwaaytyuk'ënyääytyëpën.

1 Reyes 4:26 ပူးပေါင်းရင်းမြစ်များ

2 Crónicas 1:14

Yë Salomón, may tyajtu'ukmujky yë pyujxnwintëkäämpë ets kwaay. Tu'k mil ja taxk mëko'px ijty yë pujxnwintëkäämpë tmëëtëty ets majkmäjtsk mil yë kwaay. Tëkokyë ya'atë aakjam tkë'ëyajktaay ma ja kajpnën ma ja maypyujxn wintëkäämpë nyipetyën mëti'ipë myëtsiptuuntëpën ets ojts näjyëtu'un tukniwë'ëmy ma ja kyutujktaknën jam Jerusalén.

2 Crónicas 9:25

Salomón jä'ä ijty tmëët'aty taxk mil yë ijtakn ma tyajtänën yë kwaay ets pyujxnwintëkäämpë, majkmäjtsk mil ijty tmëëtëty yë kwaay. Jam tyajktaay ma y'itën mëti'ipë ja tsiptuunpëjk myëtsiptuuntëpën ets jam Jerusalén ma yajkutujkpë ja tsyiptuunpëtëjkëtyën.

2 Samuel 8:4

David, jä'ä ojts jam tmatsy ja tsiptuunpëtëjk niwëxtujk mëko'px, mëti'ipë kwaay tyuk'u'unyääytyëpën ets i'px mil mëti'ipë jëtu'unyë teky'am jëtijtëpën; ëpëky tekytsyujktaay ja këwaaw këtiipë pyëyë'ëktëty mëti'ipë ja pujxnwintëkäämpë jyëtujtëpën; yi'iyë ojts tyajwë'ëmy nitu'kmëko'px ja kwaay mëti'ipë ja pujxnwintëkäämpë tyukpajëtutantëpën.

Salmos 20:7

Tää mëti'ipë yë'ë tyuk'ijxpäjtëp ko tmëët'atë kepy wintëkäämpë mëti'ipë myëtsiptuuntëpën, ets tä wiinkëtypë mëti'ipë yë'ë tyuk'ijxpäjtëpën ko tmëët'atë kwaay, e ëëtsajtëm yë'ë ntuk'ijxpäjtëm ko yajpaaty yë Wintsën mëët ëëtsajtëm.

Deuteronomio 17:16

Ja ja'ay mëti'ipë ënety ënä'ämpën, ka'ap mëpaat nëkooyë kyëwaay tmëët'aty ets ni tkakäxëty yë ja'ay jap Egiptë ets tyajmayëja'anëty ja kyëwaay. Jä'ä ko yë Wintsën tëë m'ënë'ëmxëtë ko ma tääpë në'ë tu'ujën nijëna'a jää mka'ëkwinpijnëtëty.

1 Reyes 4:27

Ja kutuunktëjkëty mëti'ipë ja xyëëw të yajnikajpxtën, yë'ë ënety winë y'ijxtëp tyuuntëp ma winë tyëkoy'ätyën tu'kpo'ojaty ma ja Salomón ja jyëën tyëjkën ets ma ja wyintsëntëjkën ets tyuunpëtëjkën.

1 Reyes 9:19

Ojts näjyëtu'un t'akojëtyä'äy ja naax kajpn maajaty ënety pëjkë'ëky tyaj'ityën ja aaypyajk ujtspajk ets ja jë'kxy pëky ets maa tyaj'ityën ja pujxnwintëkäämpë mëti'ipë myëtsiptuuntëpën, ma ja tsiptuunpë ja'ayëty y'itën mëti'ipë këwaay'ënyääytyëpën ets tëkokyë mëti'ipë ënety të tuknipëjktaakën tkojja'any jam Jerusalén, jam Líbano ets maajaty ja it naaxwiinyëtë tnitänën.