1 Reyes 4:21 - Biblia Dc en Mixe de Quetzaltepec

²¹ Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

Biblia Mixe de Quetzaltepec

²¹ Yë Salomón wäänë mëj ijty muum ja kyutujkën yajnikäjpxy, këtiinëm jyëtu'unëty ja wiinkëtypë ja kutujkëntëjk; jampaat ja kyutujktakn y'ëwtijty ma nëëjoy yajtijyën Éufrates ets nyäxy ma ja filistejë ja'ayëtyën; tyimja'ty jam Egiptë. Tëkokyë ja ja'ayëty aak ayajk aak ako'onëtyëp ijty mapaat ja Salomón yajkutujkyën.

1 Reyes 4:21 ပူးပေါင်းရင်းမြစ်များ

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

2 Samuel 8:2

Ojts näjyëtu'un tyajkutëkoy ja Moab ja'ayëty: Ka'ap tyaj'oky ni'ëmukë, je'eyë ojts tkijpxy mëët tu'uk yë tejpxy; mëti'ipë wyinnajxypyën ja tejpxy jä'ä yaj'o'k e mëti'ipë naje'eyë patëpën ja tejpxy jä'ä juuky yajwë'ëm. Jëtu'un'äämpy ja Moab ja'ayëty ja David ka'ap yajmëta'akëtë ets ojts tyuk ënä'ämëtë nyäkyukëpätëtëty.

2 Samuel 8:6

Ojts yë David jam tyajwë'ëmy yë tsyiptuunpëtëjk ma ja Damaskë ja y'itjotmën, jëtu'un'äämpy ja sirië ja'ayëty ojts ja David tmëmëtowtë ets ojts yajtuknipëktë nyäkyuyakëtëty. Tä yaj'ixy ko ja Wintsën pyutëjkëp ja David oy maa tyimnëjkxy.

1 Reyes 12:4

Yë mteety mëk ojts tyuny ma ëëtsëtyën; tyam mijts mpatëp ets wäänë xyaj'oyëty ets xyajyu'unkëty ja tuunk mëti'ipë ojts ëëts yë'ë xytyuknipëktën, ënätnëm ëëts jotkujk näjyawëtëty ets myajmëtunëty.

1 Reyes 3:13

Ëpëky näjyëtu'un nmo'oja'any ja wit meeny ets mëj'ajtën oyajtën ets winëjaty mëti'ipë ka'ap të xy'amëtoyën, ka'ap pën mmëpaatëtëty tä mijts tyam myajkutuka'anyën.

1 Reyes 4:22

Ja jyi'kxy pyiky ja Salomón jä'ä ijty xëmë jyä'ty winjëpom, i'px majk tu'ts yë tsajpmokway ets tëtujk mil ja tëtujk mëko'px ja tëkë'px mëjtsim ja jo'oypyë;

1 Reyes 4:24

Ko jëtu'un winë nyipety, yë'ëkyëjxm ko ja Salomón aakyë'ë ënety y'ënä'ämtääpy tëkokyë ja naax kajpn mëti'ipë jam yajpatëpën matsow xëëw kyëtä'äkyën ma yajtijyën Éufrates, tsyo'ontä'äky jam Tirsá, tyimja'ty jampaat Gaza, aak ojts yë Salomón ya'atë ënä'ämpëtëjk tmëmëtakta'ay ets ko ënety nimay mëët ja näykyajpx'oyë të tuny.

2 Reyes 17:3

Yë Salmanasar, jampë y'ëne'emyën Asiria, ojts tnitëkë yë Oseas jam kyajpnjotm ets ka'ap tyajmëtäky, paaty yë Oseas jam ijty kyëpety ets yë'ë ojts tmëmëtoy yë Salmanasar.

2 Crónicas 17:5

Paatykyëjxm ja Wintsën t'ëwatsy ja ja'ay ja jyot wyinma'any ets tu'ukyë y'itëty ets t'oyjyawëtëty ja Josafat ma y'ëne'emyën ets ma yajkutukyën; tëkokyë yë Judá ja'ayëty winë ijty tjanty nyamo'otë ets mëj këjää ojts yë wit meeny tpaaty t'ixy ets mëj'äämpy ojts nyäxy.

2 Crónicas 32:23

Ënet ja mayjyä'äy tmëja'awëtyë ja Wintsën ets ojts tmënëjkxtë may'äämpy ja näy'nyamo'ojë, näjyëtu'un ja Ezequías may ja ja'ay winë nyamooyë, mëët ko ënety ja Wintsën të pyutëkëty, mëti'ipë jam Judá ënä'ämpën yajkutujkpën. Ko jyëtu'un'ajty yë Ezequías mëj'äämpy yë ja'ay yajnajxë oymyaajëty.

Esdras 4:20

jam Jerusalén ojts jam yajkutujkpëtëjk y'itë mëti'ipë mëk yajkutujktën ma it naaxwiinyëtën mëti'ipë yajpatpën ma xëëw pyëtsimyën, ma ja Éufrates mëjnëëjën, yë'ëjëty xëmë ijty myeenyyaktë jam Jerusalén.

Salmos 68:29

Jam këjxm tsyo'ontä'äky ma ja mtsajptëjkën jam Jerusalén, ma ja yajkutujkpëtëjk tyajmintën ja mnänyamo'ojë,

Salmos 76:11

Tuntë yë waantakën ma Tiosën, mëti'ipë m'ëwtajtëpën, je'eyëp ko mkuuytyuntëp jëtu'un. Miitsëty, jënu'un xynyatänëtën mëti'ipë patëpën yajwinkutsë'ëkëty, yë'ë tukmëyoxtë winë.

Éxodo 23:31

Yë mtsëpa'anëty jam tsyoonëty ma mëjnëë jyënäkyën mëti'ipë xyëëwajtypyën Tsaptsmejy ets jam jya'tëty ma myëjnëë nyaxtën yë filistejë ja'ayëty; jam tsyoonëty yë wiinkpë ma të'ëts'itjotmën ets jam jya'tëty ma Éufrates mëjnëëjën. Ëjts nkë'ë'ëjotyës tääpë ja'ayëty të mpëjktakta'atë, mëti'ipë jam tsënaaytyëpën ma tääpë it naaxwiinyëtën ets mijts nëjkx jam xy'ëxkäjxtaaynyë.

Eclesiastés 2:25

Jä'ä ko ¿pën jotkujk yajpaataanp? pën ka'ap yë'ëjëty yë Dios yajjotkujk'aty.

Lamentaciones 1:1

Tukwa'ats yë naax kajpn të wyi'imy ma ijty tëëyëp ja'ay may yajpaatën. Jëtu'un kyëxë'knë yë naax kajpn tä tu'uk ku'ooky to'oxytyëjkën. Atsip tyam myëtuun y'ëyoownë ja naax kajpn mëti'ipë mëk të yajtsoky të yajjawën jëtu'un tä to'oxytyëjkën yajkutujkpë.

Ezequiel 16:13

Nituky ojts mwë'ëmy mëët yë pu'ts pujxn ets poop pujxn; linë wit ojts xywyit'aty, oyëtypë wit myajtuun, kanaak ujkën. Oyjyäty ijty mkay m'uuky, yë'ë uuxpa'ak ets olivë on mjë'kxyp. Janty oy myaj'ijxy, m'awinpijty jëtu'un tä tu'uk to'oxytyëjkën mëti'ipë yajkutujkpën.

Deuteronomio 11:24

Ma ënety miitsëty mnajtswa'akëtën, jam nëjkx mtsënaaytyaknpëktë, yë mtsëpa'anëty jam nëjkx y'ëwtity të'ëts'itjotm, nyaxëty jam Líbano ets tsyoonëty jam ma Éufrates mëjnëë jyënäkyën ets tyimja'tëty ma ja mejyën naax akujkpë.

Josue 1:4

Miits nmo'ojantëp yë it naaxwiinyëtë jampë tsyo'ontä'äkyën ma të'ëts'itjotmën, nyäxy jam Líbano ets jyä'ty jam Éufrates, miits nëjkx xyjyä'ä'ajta'atë yë nyaaxjotëty yë Hit ja'ayëty ets jampaat ma Mejyën naax akujkpyë.

1 Samuel 10:27

E jëtu'un ijxtëm xëmë jyäty kyëpetyën ka'ap ma ja ja'ay tyëkoy'äty mëti'ipë je'eyë wyiin y'aaw myëtitypyën ets mëti'ipë ënantën: ¿Tääpë jëtää ënät xy'ëkyajtsokmëpë? je'eyë ojts nëëxi'ik tukxi'iktë ets ka'ap tyajnikëxë'ktë ja winkutsë'kën ma yë'ëjën; e ja Saúl ka'ap timmyëjpëjktäky oy ja ja'ayëty wi'ix y'ëna'antë.