1 Reyes 4:20 - Biblia Dc en Mixe de Quetzaltepec

²⁰ Judá ets Israel, aak mëj aak këjääjëty ënety tmëët'atë ja nyaax kyajpnëty, ka'ap tjëkyepy nmëtsyo'owmëty; jëtu'un ja jyä'äyëty nyimay'ajtë tä nëë ajinën. Ma tääpë kajpnëtyën jë'kxy pëky ka'ap ënety y'ëmaaytyä'äky, aak akujk jotkujk ja ja'ay yajpaatë.

Biblia Mixe de Quetzaltepec

²⁰ Judá ets Israel, aak mëj aak këjääjëty ënäty tmëët'atë ja nyaax kyajpnëty, ka'ap tjëkyepy nmëtsyo'owmëty; jëtu'un ja jyä'äyëty nyimay'ajtë tä nëë ajinën. Ma tääpë kajpnëtyën jë'kxy pëky ka'ap ënäty y'ëmaaytyä'äky, aak akujk jotkujk ja ja'ay yajpaatë.

1 Reyes 4:20 ပူးပေါင်းရင်းမြစ်များ

Génesis 13:16

Ëjts nyajnimayëjäämpy ijxtëm naaxwayën yaa naaxwiiny, jëtu'un tä ka'ap tjëkyäpëtyën yajmëtyowëty tä naaxwayën.

Génesis 15:5

Ënet ojts yë Wintsën yë Abram tyajnëjkxy ëpëky ets t'ënëmaay: Ëk'ix yë mëtsa'a tsajpjotmëpë, ëkmëtyow pën y'ëkjëkyejpy xymyëtyoowëty. Timjëtu'un myäy'ata'any yë m'u'unk m'ok jëtu'un ijxtëm yë mëtsa'a myäyëtyën.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Génesis 32:12

Mijts jëtu'un të m'ëna'any koos oy mëk xyajwinpita'any ets ko may ja n'u'unk n'ëna'kës xymyo'oja'any. Jëtu'un xyajnimayëja'any tä nëë'ajinën, ka'apë tjëkyepy yajmëtyowëtyën.

1 Reyes 3:8

E tyamtsës nyajpaaty ma ja mnaax mkajpnën mëti'ipë mijts të xywyin'ixyën: ma ja kajpn mëjpë ets ma ja ja'ay janty nimaypyë yajpaatyën; ko njamëtsyowa'anmëty ka'ap xymyä'äymyëty.

1 Reyes 4:29

Yë Wintsën ojts mëk tkënu'kxy yë Salomón mëët ja wijyajtën kujk'ajtën ets ja ijxkujk ja'aykyujkën mëjwiinpë këjääpë mëti'ipë ka'ap pën tmëpaatëtyën.

1 Reyes 5:9

Yë ntuunpës yë'ë jam myëtsoontëp Líbano ets tmëja'tëty jam nëëmejy ëkë'ëm, jamts yajnëëkutsëmëty ets yë'ë myënëjkxëtëty ma ënety mijts xynyikäjpxyën. Ma ënety jyä'tyën jam mijts xytsyëëmë'ëkëty. Mëti'ipë tëy mijts mtunëp, yi'iyë myakëp ja ka'ayën ukën ets ja jë'kxy pëky mëti'ipës nyajtuntëpën maas ja nkutujkëntëjkëtyën.

2 Reyes 18:31

këtii xymyëpëktëty. Yë Asiria yajkutujkpë paatyës të xykyexy ets miits n'ënëëmëtëty ets xytyuntëty tu'uk yë näykyajpx'oyë mëët yë'ë ets m'ëna'antëty ko ka'ap ntsiptuna'antë ets tu'k'ëtëyë je'eyë jam mtimnyäykyuwanëtëty ma Asiria ja'ayëtyën; jëtu'un ja mkam mtu'ujëty je'eyëm xymyëët'atëty ets xyjyë'kxtëty xypyëktëty ja mëti'ipë të xypyän të xykyojtën.

1 Crónicas 12:39

Tëkëëk xëëw mëët y'ijtë jëtu'un ja David, ku'uxyë kyääytyë y'uktë, jä'ä ko ja myëku'uktëjkëty jëjp'ixy ënety jam tim yaj'itë ja ka'ayën ukën.

1 Crónicas 22:9

E nëjkxëp tu'uk yë mmaank y'ity, mëti'ipë jotkujk yajpaatammpën ets ka'ap tiitsip tpaata'any; ëjts kë'ëm ntuknipëjktaakëjäämpy ets ka'ap nëkoo myëtsip yajjotkëxëtëty. Paatykyëjxm txëëwata'any Salomón. Ma ënety yë'ë tyunyën akujk jotkujk nëjkx ja naax kajpn yajpaaty.

Job 1:18

Tam ënety kyamëtyakta'aynyëm ya'atë ja'ay, ko wiinkpë myiiny ets y'ënäny: Tam ënety yë m'u'unk m'ëna'k xyëëwtuntë ma mmaank yë tyëjkën mëti'ipë kä'äxkopkën,

Proverbios 14:28

Ko tu'uk yë ënä'ämpë yajkutuky ma ja'ay nyimayëtyën, mëj'äämpy nyäxy; e ko tu'uk ënä'ämpë yajkutuky ma ja'ay nyiwäänëtyën, o'ktëy jyäty.

Eclesiastés 2:24

Yi'iyë mëpaat yë naaxwiinyëtë ja'ay mëpaat tuny ets kyäyëty y'uukëty ets tukxoonta'akëty mëti'ipë nyijëtu'unëpën, jä'ä ko yi'iyës të nwinjawë ko tääpë yë'ë Dios yäjkpy.

Isaías 22:13

Tyam xoontaktëp ja ja'ayëty ets äjtstëp pujtëp, janaam jatsojk tjantyaj'ooktë tsajpkaa ets kupixyny, kyäytyë jyë'kxtë ënät ets y'uuktë pyëktë.

Miqueas 4:4

Oy nëjkx jyuuky'atë yë ja'ayëty ets ka'ap nëjkx tsyë'ëkëtë jyawëtë; nëjkxëp yë ja'ayëty pyo'kxtë pyëktë kepypya'tkë'ëy ma higos pa'tkën ëkë ma tsatym kyepy nyinikën. Yë Wintsën, yë'ë kë'ëm të y'ënä'äny, mëti'ipë maaytyääyëpën winë.

Zacarías 3:10

Ko ënety jëtu'un ja xëëw po'o tukja'ty, jotkujk nëjkx mjuuky'atë nixim niyam, ka'ap tiitsip y'ita'any ets nëjkx xytyukxoonta'aktë ja mtsatymkyamëty ets m'higuerë kamëty. Ëjts Wintsën, mëti'ipë maaytyääyëpën winë, ëjts ënaanp.

Zacarías 9:15

Yë Wintsën mëti'ipë maaytyääyëpën winë yë'ë kyuwa'anäämpy mëti'ipë jyä'ä'ajtypyën ets yë'ëjëty jëtu'unyë t'atääna'an tuktääna'antë yë tsaa mëti'ipë jayajtuka'tstëpën ets myëtsip ëxëëk tuna'antë; y'uukanëtëp yë myëtsip yë jyot nye'pnyëty tä yë tsatsymnyëëjën, jëtu'un tä muum tsimjoty yaj'atämën yë ne'pny; jëtu'un tä jam yajkëxtemyën yë ne'pny ma wintsë'këntyakn yë wyajën.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

1 Samuel 30:16

Ets ojts tjantywyoownëjkxy jam ma ënety tääpë ja mä'tspë yajpaatën. Xity ko'ow ënety të nyätyuunta'ajëtë jam kamjotm. Je'eyë jam kyääynyëtë pyëjknëtë ets y'uknëtë pyëjknëtë, tukxëëwtuntë ko ënety ojts të myäätstë jam ma ja filistejë ja'ay ja kyajpnëtyën ets ma ja Judá kajpn näjyëtu'un tnitänën.