1 Reyes 3:7 - Biblia Dc en Mixe de Quetzaltepec

⁷ Mijts, Wintsën, mëti'ipës n'ëwtajtypyën, mijtsës të xypyëjktä'äky etsës n'ënä'ämëty nyajkutukëty tä ijty tyunyën ja nteetyës David, oyës n'ëk mutsknëmëty ets ka'apës tii oy njaty nnijawë.

Biblia Mixe de Quetzaltepec

⁷ Mijts, Wintsën, mëti'ipës n'ëwtajtypyën, mijtsës të xypyëjktä'äky etsës n'ënä'ämëty nyajkutukëty tä ijty tyunyën ja nteetyës David, oyës n'ëk mutsknëmëty ets ka'apës tii oy njaty nnijawë.

1 Reyes 3:7 ပူးပေါင်းရင်းမြစ်များ

1 Crónicas 29:1

Ok ja yajkutujkpë t'ënëmaay ja mayjyä'äy: Yë n'u'unkës Salomoon, ja tu'ukyëpë ja Wintsën të twin'ixyën, mutsknëm yë oy, e ja tuunk mëti'ipë të tyuka'ayën mëjwiin këjää yë'ë, jä'ä ko ka'ap jyëtu'unëty tä ja'ay kutujkëntëjk je'eyë tkoyën, yë'ë Wintsën jyëën tyëjk kyojanëp.

Jeremias 1:6

Ënätës n'ëtsooy: Wintsën. Ëjts tim ëna'knëmës, ka'apës ntukjaty n'ëwëty nkajpxëty.

Juan 10:9

Ëjts jëtu'un ijxtëm ja kemy aawën. Pën tëjkëp ma ëjtsën yë'ë nitso'okaanp. Jëtu'un nyaxa'any ijxtëm ja kupixyny tyëkëtën pyëtsëmtën ets jap jyi'kxypyaatë.

Daniel 5:21

Yajjëëwijt jam ma ja ja'ayëtyën ets jëtu'un y'awinpijty aayjëyujk ujtsjëyujkën; ojts mëët tsyënaaymyuky yë krukts ets tsajpkaa ets aayjëyujk ujtsjëyujk ëwa'anëtypë, ojts ja jyot nyini'kx nyimaaniky, koonëm t'ijxpaty yë Dios Ni'ik këjxmëpë, mëti'ipë myëët'ajtypyën yë kuttujkën ets mëk'ajtën ma naaxwiinyëtë ja'ayëtyën ets ko yë'ë myoopy ja kuttujkën ja ja'ay mëti'ipë yë'ë y'a'ijxëpën.

Daniel 5:18

Yë Dios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Daniel 4:32

Myajjuutaanp yam ma mayjyä'äyën ets nëjkx mjuuky'äty mëët yë aayjëyujk ujtsjëyujk; wëxtujk jëmëjt m'ujts jë'kxëty tä tsajpkaa y'ujts okyën, koonëm xynyijawëty ko yë Dios Ni'ik mëk yë'ë ets yë'ë y'ënä'ämtääpy yë naax kajpn naaxwiinyëtë apëtsëmy ets yë'ë pyëjktäkpy kë'ëm pën yajkutukëpën.

Daniel 4:25

Mijts yajkutujkpë myajwoowpëtsëmaanp ma ja mayjyä'äyën ets myajwoownëjkxa'any jam aayjyotm ujtsjotm ma mjuuky'atëtyën tä aayjëyujk ujtsjëyujk jyuuky'atën; yë'ë m'okëp yë mëëy tä yë tsajpkaa myiiy'okyën ets nëjkxëp yë mjot mnini'kx nyimaanikyë. Jëtu'un nëjkx mjuuky'äty mijts yajkutujkpë wëxtujk jëmëjt, koonëm xynyijawëty ko yë Dios Ni'ik yë'ë myëët'ajtyp yë kuttujkën ma tëkokyë yë naaxwiinyëtë ja'ayën ets yë'ë yaj'ëne'empy yajkutujkpy mëti'ipë yë'ë tyuknipëjktakëpën.

Daniel 2:21

Yë'ë yajtëkatsyp yë xëëw jëmëjt; yë'ë pyëjktäkpy ets yë'ë yajkutujkpy mëti'ipë ënä'ämpën yajkutujkpën, yë'ë myoopy yë wijyajtën yë wijyjyä'äytyëjk ets yë'ë yaj'ijxpëkytyäkpy yë mëti'ipë ixpëkyën.

Eclesiastés 10:16

Janty mon janty tuk yajpaaty yë kajpn mëti'ipë kyutujkpë'ajtypyën tu'uk pi'k ëna'k ets mëti'ipë yë myëjja'aytyëjkëty ëmu'ukyëpë kyuxëënyëtën ma xyëëwtun xyëëwkajpxtën.

Salmos 121:8

yë'ë mkëwent'ajtëp ma muum mye'ey mnaxyën oy tyimjëna'ajëty tyam ets xëmëkyëjxm.

2 Samuel 5:2

e tä të y'ityën, oyën ja Saúl ënety jä'ä jya'ënä'ämpë, mijtsyëm ijty mtu'uwinye'eypy ja naax kajpn ko muum tsyippaaty. Tëë kë'ëm ja Wintsën y'ënä'äny ko mijts jëtu'un mwinye'epy ja Israel kajpn ets xy'ënä'ämëty.

1 Samuel 18:16

E ja David aak oyjya'awëyëp ja ja'ay oymyaajëty, jëtu'un jam ma Israel kajpnën ets jëtu'un jam ma Judá kajpnën. Jä'ä ko yë'ë ënety winye'eyëtëp ko nyëjkxtë tsiptuunpë.

Deuteronomio 31:2

Ëjts yë'ëjës yam nikajpxäämpy, ijxtëm miits xy'ixtën xynyijawëtën, ko tëëjës nmëjja'ayënë. Tyamës yë njëmëjtnë mëko'px ja i'px, ka'ap t'ëkjëkyäjpnë nëjkxëtyës xiitsow yaatsow. E ko tëëjës yë Wintsën xy'ënëëmë ko ka'apës nëjkx n'ëktuknajxnë ja Jordán mëjnëë.

1 Crónicas 22:5

David tyaa ënety myäy tyäjy: Yë nmaankës Salomón mutsknëm oy, e ja tsajptëjk mëti'ipë yajkojaanpën, mëj mëpaat yajkojy, jëtu'un oy kyëxë'ëkëty ets y'itëty mëj'äämpy ets akäjpxy y'itëty oymyaajëty. Paaty ja David jëjp'ixy winë tyajwë'ëmtaay ma ënety ka'ap y'ookynyëmën.

1 Crónicas 22:9

E nëjkxëp tu'uk yë mmaank y'ity, mëti'ipë jotkujk yajpaatammpën ets ka'ap tiitsip tpaata'any; ëjts kë'ëm ntuknipëjktaakëjäämpy ets ka'ap nëkoo myëtsip yajjotkëxëtëty. Paatykyëjxm txëëwata'any Salomón. Ma ënety yë'ë tyunyën akujk jotkujk nëjkx ja naax kajpn yajpaaty.

Jeremias 1:7

E yë Wintsën tääjës xy'ënëmaay: Këtii jëtu'un m'ëna'any ko m'ëna'knëmëty. Mijts jam mnëjkxëty ma nkäxa'anyën, yë'ë mkajpxnaxëp mëti'ipë yam ntuk'ënëëmëjäämpyën.

Proverbios 18:12

Ko ja'ay nyämyëjjawëty jää nyäyajtëkoyë, e ko ja'ay yu'unk naxym nyäyaj'ityë, jää wyimpety.