1 Reyes 3:6 - Biblia Dc en Mixe de Quetzaltepec

⁶ Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

Biblia Mixe de Quetzaltepec

⁶ Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Reyes 3:6 ပူးပေါင်းရင်းမြစ်များ

Génesis 24:40

Ënet ojts yë'ë xy'ëtsoyës: Ëjts Wintsënës yë nyë'ë tyu'u të npaye'eyë. Yë'ë kyäxäämpy yë tsajpjotmëtë kukäjpxy ma mijtsën ets oy wyimpëtsëm jyëjpëtsëmëty ma mnëjkxa'anyën. Ets xyajminëty tu'uk ja to'oxytyëjk mëti'ipë najëkäm yajjëëky'ajtp yajmëku'uk'ajtpën ets yë'ë mëët ja n'u'unkës nmaayës pyëkëty y'uukëty.

2 Samuel 22:21

Yë Wintsën yë'ëjës të xykyumay ets ya'atë kuma'ayën xypyatpës jëtu'un ënety mëët ko oyës winë të ntuny,

2 Samuel 22:25

Yë Wintsën yë'ëjës të xykyumay, mëët yë'ëkyëjxm koos oy winë të ntuny të nkäjpxy ma yë'ëjën.

2 Samuel 7:5

Nëjkx jam ma David yajpaatyën ets xy'ënëëmëty koos jëtu'un n'ëna'any: Mijts David, ka'ap mijts mpaatyë ets xykyojëty tu'uk ja tëjk maas ëjts n'itëty ntsëënëtyën.

1 Reyes 1:48

ets të t'ënëëmë: Wintsën, kënu'kxy ets mëjjawë yë mxëëw nyaxëty, mëti'ipë yaj'ëwtajtpën ma Israel ja'ayëtyën, mëti'ipë të t'a'ixën ets tyam tpaatëty ja kyutujktakn tu'uk ja n'u'unk n'okës ets mëti'ipës tëë njaak ixyën.

1 Reyes 15:5

jä'ä ko ja David oy ënety winë të tuny Wintsën wintum, yë'ë ka'ap ojts nijëna'a tja'atyëkoy mëti'ipë ja Wintsën të tyuk'ëne'emyën, tu'k'ok ojts je'eyë tyëkoy ma Urías tyaj'o'kyën, mëti'ipë Hit ja'ayën.

1 Reyes 2:4

Jëtu'un ja Wintsën tyaj'atëwëty ja mëti'ipë të xytyukwinwanënës, ko y'ënäny: Pën ja n'u'unk n'ëna'kës oy ets mëtëy winë tuntë ma yë'ëjën, winë aaw winëjot ets tu'ukyë winma'any tu'ukyë winma'any, ka'ap nëjkx tyëkoy'äty pën ja kuttujkën wyinkuwa'akëpën ma ja Israel ja nyaax kyajpnën.

1 Reyes 3:14

Ets näjyëtu'un, pën mijts mtuumpy tääjës të ni'ënä'ämën winë ets tääjës ja n'ënä'ämën ntëyajtën myinyën, jëtu'un tä ja mteety winë tuunyën oy, yë'ë jëtu'un ja David, mijts jeky nyajjuuky'ata'any.

1 Reyes 9:4

Pën mijts xymyëtuunpës oy tä ja mteetyën David xymyëtuunyënës, winë aaw winëjot ets pën mpatuunpy ja tëyajtën tä myinyën këxja'ay ets pën mëtoow'ijtyp ja n'ayukës,

2 Reyes 20:3

Wintsën tyam mijts n'amëtoy npëjktsoy ets xyjyä'ämatsëtyës, xyjyä'ämyätsëty näjyëtu'un wi'ix mijts oy të nmëtunyën, tëë nmëmëtoy, tëëjës ntuny winë tä mijts xy'oy ixyën. Tääts tyëjkëy jëëpyë yaxpa.

2 Crónicas 1:8

Ënet ja Salomón t'ëtsooy ja Wintsën: Mijts janty'oy ojts xymyëët'aty ja nteetyës David ets tyampaat je'eyëm, ix mijts të xypyëjktä'äkyës yajkutujkpë ma ijty yë'ë yajkutukyën.

Salmos 116:7

Tyam, jyëkyejpy jotkujk nnäjyawëtëtyës, jä'ä ko yë Wintsën janty'oy yë jyot wyinma'any të tyajnikëxë'ëky maas ëjtsën,

Salmos 119:17

Mo'o juukyajtën ya'atë mtuunpë. Ëjts mpatunäämpyës yë m'aaw m'ayuk.

Salmos 13:6

Nkuuy'ëwäämpyës yë Wintsën ko winë oy të tuny ma ëjtsën.

Salmos 15:2

Yë'ë mëti'ipë oy yajxon juukyajtpën, mëti'ipë ka'ap pyokymyëëtëtyën; mëti'ipë aakjä'ä tyuunpyën oypyë, ets mëti'ipë tëyajtën winë nyimëtyäkpyën;

2 Corintios 9:11

Tääts ni'ëmukë xymyëët'attëty ja mjë'kxy mpëkyëty ets tjëkyäpëty xymyo'otëty winë mëti'ipë tii ka'ijtëtëp. Ja näypyutëkë mëti'ipë ënety miits mkäjxtëpën mëët ëëtsëty nëjkxëp ja nmëku'uk'ajtëmë tkukajpxëtë ja Dios.

2 Corintios 9:5

Paatykyëjxmës të n'amëtoy yë mëyajtën yë nmëku'uk'ajtëmë ets nëjkx jëwyiin mni''ixëtë ets mputëkëtëty xyajka'pxtëty ja putëjkën mëti'ipë të xywyaanta'aktën. Jëtu'unts yajnijawëty ko miits xyaktë ja putëjkën tsojkënkyëjxm ko ka'ap pën m'akwanë'atëtë.