1 Reyes 3:3 - Biblia Dc en Mixe de Quetzaltepec

³ Salomón tsyojkpy jya'ap ënety ja Wintsën ets tyuunpy tä ja David të ënety të tyuk'ëne'emyën, oy jam ja wyintsë'kën xëmë tyäky ma ja tun kopkën,

Biblia Mixe de Quetzaltepec

³ Salomón tsyojkpy jya'ap ënäty ja Wintsën ets tyuunpy tä ja David të ënäty të tyuk'ëne'emyën, oy jam ja wyintsë'kën xëmë tyäky ma ja tun kopkën,

1 Reyes 3:3 ပူးပေါင်းရင်းမြစ်များ

1 Reyes 11:34

E ëjts kajtsës tukë'ëyë ntimpyëjkëja'any ja kuttujkën, njaakyajtunäämpyës ets jyaak yajkutukëty mapaat jyuuky'ätyën, mëët koos ja David n'oyjyawë, mëti'ipës nwin'ijxën ets pyatuun ja n'ënä'ämënës ntëyajtënës.

1 Reyes 11:38

Pën mijts xymyëmëtoowpës ets oy winë xytyuny ets mpatuunpy ja n'ënä'ämënës ntëyajtënës, ijxtëm ja David, ja ntuunpës ojts winë tunyën, ëjts xëmës nyajpaata'any ma mijtsën ets nëjkxëp mëk ja m'ënä'ämën mkutujkën yajpaaty jampaat ma ja m'u'unk m'ëna'k ets m'ok'u'unk m'ok'ëna'k jyuuky'atën, jëtu'un tä ja David ojts ja jyä'ä mëk y'ityën ets ja y'u'unk y'ok ojts y'ënä'ämtën; mijts nëjkxëp ntukë'ëtëjkëtyä'äy ja Israel kajpn.

1 Reyes 11:4

Ko ja Salomón ënety tëë myëjja'ayënë, ojts ja tyo'oxytyëjk tyukupëkyë ets t'ëwtatëty ja ka'apë jeexyë mëpaat t'ëwtatyën, e paaty jëtu'un jyäjty jä'ä ko ka'ap ënety ëmuumtu'ukjot të nyätyukë'ëtëkëty ja Wintsën, tä ja tyeety Davidjën.

1 Reyes 11:6

Paatykyëjxm ja Salomón, ka'ap ojts oy tii tuny ma ja Wintsënën, jä'äkyëjxm ko ka'ap yajxon tmëmëtooy tä ënety të tunyën ja tyeety David.

1 Reyes 14:23

Jä'ä ko yë'ë ojts näjyëtu'un tnimëktä'äky ets ja ja'ayëty t'ëwtatëty mëti'ipë jeexyë ka'ap t'ëwtatën, ojts ja nyitsajptëjk tkojë ja awinax mëti'ipë yajtijpën Aserá, ojts tyajkojy ja awinax tsaapotsypë ets kepy tsetsypë, tpëjktäky jam muum tunkëjxm ets kepypya'tkë'ëm ma muum ja mëj kepy tyänën.

1 Reyes 14:8

Ojtsës ja David ja y'u'unk y'ëna'k ets ja y'ok u'unk y'ok ëna'k npëjkë ja kuttujkën ets mijts nmooy. Je'eyëp ko mijts ka'ap tii winë oy xy'ëktuunë tä ja David winë oy tuunyën, ko ojts tpatuny ja n'ënä'ämënës ntëyajtënës winë aaw winëjot ets aak'oy ojts n'ijxës ja tyuunk;

1 Reyes 15:11

Yë Asá oy ojts winë tuny Wintsën wyintum, jëtu'un tä ja y'apteetyën David.

1 Reyes 15:14

Oy ojts ka'ap tyajkutëkooytyä'äy ja tuuntakn kajpxtakn tunkëjxmëpë kopkëjxmëpë. Yë Asá xëmë oy tmëtuuny ja Wintsën,

1 Reyes 15:3

Abiam nän yë'ë poky ojts tuny mëti'ipë ja tyeey tyuunën, ma ënety ka'ap tyëkënëm yajkutujkpë, ja jyot wyinma'any ka'ap ojts mëtëy tyaj'ity ma Wintsënën ijxtëm ja David, ja y'aptëjk.

1 Reyes 15:5

jä'ä ko ja David oy ënety winë të tuny Wintsën wintum, yë'ë ka'ap ojts nijëna'a tja'atyëkoy mëti'ipë ja Wintsën të tyuk'ëne'emyën, tu'k'ok ojts je'eyë tyëkoy ma Urías tyaj'o'kyën, mëti'ipë Hit ja'ayën.

1 Reyes 22:43

Yë Josafat oy ojts winë tuny, jëtu'un tä ja tyeety Asá ojts winë tunyën. Ja tyuunk oy ojts ja Wintsën t'ixy. Je'eyëp ko ja awinax ets ja nyitsajptëjk ja ka'apë jeexyë t'ëwtatyën, ka'ap ojts jyëwä'äky ets kyutëkoy.

1 Reyes 22:44

Josafat ojts ja nay'ëëw'oy näykyajpx'oyë tuny mëët ja yajkutujkpë jampë y'ëne'emyën Israel.

1 Reyes 3:14

Ets näjyëtu'un, pën mijts mtuumpy tääjës të ni'ënä'ämën winë ets tääjës ja n'ënä'ämën ntëyajtën myinyën, jëtu'un tä ja mteety winë tuunyën oy, yë'ë jëtu'un ja David, mijts jeky nyajjuuky'ata'any.

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Reyes 8:25

E paaty yam mijts Wintsën nmëpëjktsoy mëti'ipë ja Israel ja'ayëty y'ëwtajtëpën, tun mëyajtën yaj'atëw ja m'aaw m'ayuk ma ya'atë mtuunpën, jëtu'un tä ojts ja mtuunpë David xytyukwinwanën. Ko xy'ënëmaay ko ja David jä'ä y'u'unk y'ëna'k ka'ap y'ëmaaytya'aka'any ets yë'ë ja kutujktakn tmëwë'ëmtëty je'eyëp ko yë'ë pën tyuuntëp winë mëtëy.

1 Reyes 8:61

Näyjyëtu'un miitsëty ja mjot mwinma'any xëmë xyaj'itëty ma Wintsënën, mëti'ipë n'ëwtajtëmën ets mye'eytyëty mnaxtëty jëtu'un tä yë'ë tsokyën ets xytyuntëty ja y'ënä'ämën tyiyajtën tä tyamën.

1 Reyes 9:4

Pën mijts xymyëtuunpës oy tä ja mteetyën David xymyëtuunyënës, winë aaw winëjot ets pën mpatuunpy ja tëyajtën tä myinyën këxja'ay ets pën mëtoow'ijtyp ja n'ayukës,

2 Reyes 12:3

Je'eyëp tëy ko ka'ap ojts yajijta'ay ja tëjk ma ja'ay ijty t'ëwtatën ja ka'apë Wyintsënëtyën, jä'ä ko ja ja'ayëty je'eyëm jam ja wyintsë'kën ets ja pyoom tyaktë.

2 Reyes 12:4

Tëkok yë Joás, t'ënëmaay ja teetytyëjkëty: Yajmuktë tëkokyë ja wit meeny mëti'ipë yë ja'ayëty myëmiintëpën jap tsajptëkoty, mëti'ipë yojxtëpën ets mëti'ipë nätyukukëpäjtëtëpën ets tëkokyë ja mëti'ipë wyaantaktëpën jap tsajptëkoty ets ja Wintsën tukmëjjawëtë, ets xy'amëtowtëty yë ja'ayëty mëti'ipë jap winë y'ijxtëp tyuuntëp tsajptëkoty wä'än t'a'o'oyëtyä'äy winë mëti'ipë jap tuunpën.

2 Reyes 14:3

Yë Amasías oy ojts winë tuny, yë Wintsën ojts t'oy ixy, je'eyëp ko ka'ap tyimjëtu'unëty tä ja tyatitën David. Jä'ä ko näjyëtu'un ojts winë tuny tä ja tyeetyën Joás,

2 Reyes 14:4

ka'ap kyutëkooy ja nyitëjk ja wiinkëtypë ja tios, ja ja'ayëty je'eyëm tyajktë ja wyintsë'kënëty ets ja pyoomëty tno'oktë txamtë.

2 Reyes 15:35

ojts tyajkojy ja tsajptëjk'aaw jamtsow jëjp'am. Je'eyëp ko ka'ap tjëpëjktaay ja jëën tëjk ma ënety y'itën ja ka'apë tyiosëtyën ma ja ja'ay ja wyintsë'kën tyajktën ets ja pyoom tyajtoytyën.

2 Reyes 15:4

Je'eyëp ko ka'ap ojts tyajjëwa'kta'ay ja tëjk ma ja wiink tios tyaj'itën, ma ijty ja ja'ayëty ja wintsë'kën ets ja poom tyaktën ets tukwintsë'ëkëtë ja ka'apë Wyintsënëtyën.

2 Reyes 18:22

E pën m'ënantëp miitsëty: yë Wintsën mëti'ipë ëëts nTios'ajtëpën yë'ëjës ntuk'ijxpäjtëp, ¿këtii yë'ëjëty yë Ezequías ja Wintsën ja tsyajptëjk ets ja wyintsë'këntyakn ojts tjijtë'ktaayë ets t'ënëmaay ja naax kajpn ko jämyë mëpaat yë Wintsën yaj'ëwtaty ma ja wintsë'këntyaknën jam Jerusalénkë?

2 Reyes 18:4

Ojts tjijta'ay ja tëjk ma ja awinax y'itën, tyukpu'ujëtyääy ja tsaa mëti'ipë ënety tyijtëpën kënu'kxy, jëtu'unyë tpu'utaktaay ja Aserá ja y'awinax ets ja tsa'any mëti'ipë aak pujxnën mëti'ipë ënety ja Moisés të tyajkojyën; wa'ats tyajma'taay, yë'ë ijty yë Israel ja'ayëty wyino'k wyinxaamtëp mëët yë poom, jä'ä tijtë Nehustán.

2 Crónicas 15:17

Oy jam Israel ka'ap tyajjëwa'ktaaytyë ja tsajptëjk jampë muum tunkëjxm kopkkëjxm yajpaatën, ma ijty t'ëwtatën ja wiink wintsën; yë Asá je'eyëm ojts nyëye'ey tyu'uye'ey oy,

Salmos 145:20

Yë Wintsën kyuwäämpy mëti'ipë tsojkëyëpën ja'awëyëpën, e yë ëxëëkja'aytyëjk yajkutëkoopy poj'am.

Salmos 31:23

Tsoktë jawëtë yë Wintsën, miitsëty ninu'un oy mtuntën. Yë Wintsën Kyëwent'ajtyp yë ja'ay mëti'ipë mëtëy winë kyäjpxypën, e ja mëti'ipë amëj akëjxm ja'ay'ajtpën tsyääty tyuunpy ijxtëm pyäätyën.

Mateo 22:37

Ets ja Jesús y'ëtsooy: Tsok ja Wintsën mëët tu'kë'ëyë ja mjot mja'awën, mjot mwinma'any ets mma'ayën mtajën.

Juan 14:15

Pën xytsyojktëpës miits, mpatuntëp ja n'ënä'ämënës.

Juan 14:21

Pën kyupëjkpy ja n'ënä'ämënës ets pyatuumpy, yë'ë yajnikëxë'kpy koos xytsyoky, ets pën xytsyojkpës, tsokanëp ja nTeetyës ets ntsokäämpyës näjyëtu'un ets nnänyikëxë'ëkanëp ëjts ma yë'ëjën.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

1 Corintios 8:3

Pën ja Dios tsyojkpy jya'ap, nija'awëyëp ja Dios.

Deuteronomio 10:12

E tyam miitsëty Israel ja'ayëty. ¿Tii ja Dios m'amëtoowëtëp? Dios yi'iyë y'amëtoopy ets xymyëjjawëtëty ets xypyanëjkxëtëty yë nyë'ë tyu'u, ko xytsyoktëty xyjyawëtëty ets xy'ëwtatëty winë aaw winëjot.

Deuteronomio 10:13

Ets xypyatuunëtëty yë y'ënä'ämën tyiyajtën ets kyutujkën jëtu'un'äämpy akujk jotkujk mjuuky'atëty.

Deuteronomio 11:13

Pën miitsëty mkuuytyuuntëp ja y'ënä'ämën tyiyajtën mëti'ipë tyam të nmo'otën, pën mtsojktëp mja'awëtëp ja Wintsën mëti'ipë miits mTiosajtëpën ets pën m'ëwtajtëp winë aaw winëjot.

Deuteronomio 30:16

Pën mtuuntëp ijxtëm yam ntuk'ënä'ämtën ets pën mtsojktëp mja'awëtyëp ja mWintsën mëti'ipë mTiosajtëpën ets pën mpanëjkxtëp ja nyë'ë tyu'u ets pën mpatuuntëp ja y'ënä'ämën tyiyajtën ets ja y'aaw y'ayuk, jotkujk nëjkx mjuuky'atë ets Wintsën mëti'ipë miits mTiosajtëpën nëjkxëp mkënu'kxëtë näjyëtu'un ja m'u'unk m'ëna'këty jam ma ja it naaxwiinyëtën mëti'ipë mjä'ä'atantëpën.

Deuteronomio 30:20

Tsoktë jawëtë yë mWintsën, mëmëtowtë ets tu'ukyë yë'ë xypyanëjkxtëkëtëty. Jä'ä ko, ënät mjuuky'atëty ets jeky jam mtsëënëtëty ma ja it naaxwiinyëtën, mëti'ipë ojts tukwinwanën mëët ja aaw ayuk ja kutujkënmëëtpë ja Abraham, Isaac ets Jacob mëti'ipë miits m'ap'ajt m'ok'ajtëpën.

Deuteronomio 30:6

Nëjkxëp jap tpëjktä'äky ja oy'aaw oy'ayuk ma ja mjot mwinma'anyëtyën ets ma ja m'u'unk m'ok ja jyot wyinma'anyëtyën. Yë'ë nëjkx tu'ukyë xytsyoktë xyjyawëtë winë aaw winëjot, tu'ukyë jot tu'ukyë winma'any ets nëjkx jotkujk mjuuky'ajnëtë.

Deuteronomio 6:5

Tsok jawë yë Wintsën Dios winë aaw winëjot, mëët tu'kë'ëyë mjot mja'awën ets tu'kë'ëyë mjot mmëjaaw.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Santiago 2:5

Mëku'uktëjkëty, mëtowtë ets ja'akyukëtë ya'atë: Dios tëë twinwitsy ja ja'ay mëti'ipë ëyoowtëpën yaa naaxwiiny ets ni'ik ja mëpëjkën tmëët'atëty ets t'ëxajëtëty ja kuma'ayën mëti'ipë Dios të tukwinwanën ja ja'ay mëti'ipë tsojkëpën;

1 Samuel 9:12

Tääts ja to'oxy'ëna'këty y'ëtsoowtë: Jëtu'un, yaa yajpaaty, je'eyëp ko wäänë mjaaknajtsye'eyëtëty. Nëjkxtë jotëkoy ets xypyaatëty, tyam tam ja ënät myina'any, jä'ä ko yë'ë ja wintsë'kën yakäämpy ma tsajptëjkën.