1 Reyes 3:14 - Biblia Dc en Mixe de Quetzaltepec

¹⁴ Ets näjyëtu'un, pën mijts mtuumpy tääjës të ni'ënä'ämën winë ets tääjës ja n'ënä'ämën ntëyajtën myinyën, jëtu'un tä ja mteety winë tuunyën oy, yë'ë jëtu'un ja David, mijts jeky nyajjuuky'ata'any.

Biblia Mixe de Quetzaltepec

¹⁴ Ets näjyëtu'un, pën mijts mtuumpy tääjës të ni'ënä'ämën winë ets tääjës ja n'ënä'ämën ntëyajtën myinyën, jëtu'un tä ja mteety winë tuunyën oy, yë'ë jëtu'un ja David, mijts jeky nyajjuuky'ata'any.

1 Reyes 3:14 ပူးပေါင်းရင်းမြစ်များ

1 Reyes 11:34

E ëjts kajtsës tukë'ëyë ntimpyëjkëja'any ja kuttujkën, njaakyajtunäämpyës ets jyaak yajkutukëty mapaat jyuuky'ätyën, mëët koos ja David n'oyjyawë, mëti'ipës nwin'ijxën ets pyatuun ja n'ënä'ämënës ntëyajtënës.

1 Reyes 15:5

jä'ä ko ja David oy ënety winë të tuny Wintsën wintum, yë'ë ka'ap ojts nijëna'a tja'atyëkoy mëti'ipë ja Wintsën të tyuk'ëne'emyën, tu'k'ok ojts je'eyë tyëkoy ma Urías tyaj'o'kyën, mëti'ipë Hit ja'ayën.

1 Reyes 3:3

Salomón tsyojkpy jya'ap ënety ja Wintsën ets tyuunpy tä ja David të ënety të tyuk'ëne'emyën, oy jam ja wyintsë'kën xëmë tyäky ma ja tun kopkën,

1 Reyes 3:6

Tä ja Salomón y'ëtsooy: Mijts oy ojts ja nteetyës xyjyawë, ja David mëti'ipë oy tsuj mëtuunën; yë'ë ojts mëtëy jyuuky'äty ets oy ja jyot wyinma'any tyaj'ijxë ma mijtsën. Paaty xy'oyjya'awëy ets të xy'a'ixë tu'uk yë y'u'unk myääy t'ëxajëty ja kutujktakn, ijxtëm tyam yaj'ixy yajnijawën.

1 Crónicas 28:7

nyaj'itanëpës oy yë kyutujktakn xëmëkyëjxm pën tyuunpy oy ja n'ënä'ämënës ntëyajtënës jëtu'un ijxtëm tyam winë oy tunyën.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

2 Crónicas 29:2

Yë Ezequías oy tmëtuuny yë Wyintsën, jëtu'un tä yë David oy tmëtuunyën, mëti'ipë yë'ë y'ap'ajt y'ok'ajtën.

2 Crónicas 34:2

Yë Josías oy winë tuuny ma Wintsënën, jëtu'un tä David oy winë tuunyën, mëti'ipë yë'ë y'ap'ajt y'ok'ajtën, Josías ka'ap yë jyot wyinma'any tkë'ëyäjky ma ëxëëkpën.

Salmos 132:12

Nëjkxëpës npëjktä'äky tu'uk yë m'u'unk m'ok mëti'ipë yajkutukëpën. Pën yë m'u'unk m'ok tyuuntëp ijxtëm ja n'aaw n'ayukës y'ënä'änyën, ets pën pyatuuntëp ja ënä'ämën tëyajtën mëti'ipës nmo'ojantëpën, näjyëtu'un ja y'u'unk y'ok nëjkx yajkutuktë xëmëkyëjxm.

Salmos 21:4

Tëë m'amëtoyë juukyajtën, ets yenyjuukyajtën të xymyo'oy, mëti'ipë jäjkpën.

Salmos 21:5

Mëët yë'ë ko të xypyutëkë. Këjää tmëëtëty yë kuttujkën. Tëë xymyo'oy yë mëk'ajtën ets kuttujkën.

Salmos 91:16

ëjts nyajkutukäämpy ets tukxoonta'aktëty ja juukyajtën jekpyë, etsës nyajxoonta'aka'any ma ja nitsokënën.

Proverbios 3:16

Ja wijyjyä'äy pyätyp ja juukyajtën mëj këjää, ets näjyëtu'un ja wijyjyä'äy pyätyp ja wit meeny mëj këjää.

Proverbios 3:2

jëtu'un jeky mjuuky'atëty ets myajpaatëty xëmë jotkujk.

Zacarías 3:7

Jëtu'un yë Wintsën y'ënä'äny mëti'ipë maaytyääyëpën winë: Jam mye'eyëty mnaxëty maas yë nnë'ë ntu'ujën ets patun mëti'ipë të ntuk'ëne'emyën. Ko jëtu'un xytyunëty mijts nëjkx xymyëwë'ëmy yë tuunk maas yë ntsajptëjkën. Ets mijts nëjkx xynyikopk'aty yë ntuunpëtëjkës, anklëstëjkëty.

Hechos 13:22

Ënet ja Dios ojts pyëjkëty ja kyutujkën ets tpëjktäky ja David yajkutujkpë, mëti'ipë nyikajpxën: Tëës npaaty ja David, Jesé y'u'unk, mëti'ipës ntukjotkëtäkpyën. Yë'ë ënät tyunëp mëti'ipës ntsojkpyën.

Deuteronomio 25:15

Ko tii xykyijpxtëty ets xytyiytyëty, mëtëy mëpaat winë xytyiytyë xykyijpxtë. Jëtu'un'äämpy yë Wintsën jeky myajjuuky'atëtëty ma ja it naaxwiinyëtën, mëti'ipë myajmo'ojantëpën.

Deuteronomio 5:16

Wintsë'ëkë yë mtaak mteety jëtu'un tä yë mWintsën të tni'ënä'ämën, jëtu'un jeky ets jotkujk mjuuky'atëty ma ja naax kamën mëti'ipë ja mWintsën mo'ojanëpën.

Deuteronomio 5:33

Yë'ë ja në'ë tu'u panëjkxtë mëti'ipë ja Dios të mtukni''ixëtën ets jëtu'un jotkujk mjuuky'atëty jeky ma ja it naaxwiinyëtën mëti'ipë ja Wintsën të mmo'ojëtën ets xyjyä'ä'atëty.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.