1 Reyes 3:12 - Biblia Dc en Mixe de Quetzaltepec

¹² tyamës ntunëty tä të xy'amëtoyën: nmo'ojäämpy ja wijy'ajtën kujk'ajtën ets ja ixpëkyajtën këtiinëm jyëtu'un'atë mëti'ipë të jyuuky'atën ets mëti'ipë juuky'atantëpnëm.

Biblia Mixe de Quetzaltepec

¹² tyamës ntunëty tä të xy'amëtoyën: nmo'ojäämpy ja wijy'ajtën kujk'ajtën ets ja ixpëkyajtën këtiinëm jyëtu'un'atë mëti'ipë të jyuuky'atën ets mëti'ipë juuky'atantëpnëm.

1 Reyes 3:12 ပူးပေါင်းရင်းမြစ်များ

Eclesiastés 1:16

Ënätës ojts kë'ëm nämyä'äy nätyajxëty etsës n'ënany: Tyaajës, mëj'äämpyës n'ity, ni'ikës nwijyëty këtiinëm jyëtu'un'ajtë mëti'ipë y'ënä'ämtën tëëyëp yaa Jerusalén; maas winë këkpaat nmëmay nmëtajyën ets n'ijxpëjkta'ay winë winma'anymyëët ets näjyëtu'un tsuu pojës n'ëtë'ëtsy ets jä'äs ntuunpy ka'apë tyuunëtyën ets n'ik'ixa'anyës ko oymyëti'ipë ntimtyu'unmëty aak nëkoopë nyatëkë'aty.

Mateo 12:42

Näyjyëtu'un ko nëjkx ja naaxwiinyëtë ja'ay yajpaye'ey, tso'okaanp ja To'oxytyëjk yajkutujkpë jampë y'ëne'emyën ëpa'tkë'ëmtsow; jä'äkyëjxm ko jëkäm tsyo'ony ets ja Salomón tnimiiny ets tmëtoow'ita'any ja ëëwij kajpxwijën mëti'ipë wijy Salomón nyimëtyäkpyën ets mëti'ipë tyam yaa yajpatpën mëj'äämpy ni'ik këtiinëm jyëtu'unëty ja Salomón.

1 Reyes 5:12

Jëtu'un'äämpy ja Wintsën ojts tmo'oy ja Salomón mëjwiin këjää ja wijyajtën kujk'ajtën ets ixpëkyajtën, jëtu'un tä ënety të tukwinwanën. Salomón ets Hiram ojts ëpëky tu'uk tuntë käjpxytyu'unën ets oy nyäyaj'ita'anëtë.

1 Reyes 3:28

Ojts ja ja'ay tnijawëtë wi'ix ënety ja Salomón të tyaj'oyën ja jotmay ets wi'ix ënety ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënety ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Isaías 65:24

Ka'anëm ënety xymyëkajpxtës koos n'ëtsoowinpitëty, ka'anëm ënety kyajpxpëtsëmtë koos nnijawëty wi'ix y'ëna'ana'antën.

2 Crónicas 2:12

Ets ëpëky, ja aaw ayuk tjaaknikajpxëy ets y'ënäny: Kënu'kxy mëjjawë y'ity yë Wintsën, mëti'ipë y'ëwtajtëpën yë Israel ja'ayëty, mëti'ipë yajkoj pyëjktakën ja tsajp ets naaxwiinyëtë, jä'ä ko tëë tmo'oy yë yajkutujkpë David, tu'uk myaank mëti'ipë wijyën kujkën ets nyija'ap winë, mëti'ipë tyam tyuknipëjktakëpën tkoja'any tu'uk yë tsajptëjk, mëti'ipë tyukmëyoxäämpyën yë Wintsën ets näjyëtu'un tkojja'any tu'uk yë kutujkëntëjk ma y'ënä'äm yajkutukëtyën yë'ë kë'ëm.

Colosenses 2:3

Kristë mëët yajnijawë tu'kë'ëyë ja wijyajtën kejyajtën ets ja'aykyujkën mëtoowkujkën.

1 Reyes 2:9

Mijts këtii xypyokymyä'kxëty, mijts ntuknipëjkyp tii mëpaat xytyuny, je'eyëp ko m'ixëp yajxon wi'ix mëpaat ëxëëk jyäty kyëpetyën ets jëtu'un oywyi'ix y'ookëty.

Eclesiastés 1:13

Etsës ojts ni''ijxpëjkëtyä'äy winë, n'ijxtaay ntuuntaayës ets nmëmaay nmëtajyës tëkokyë mëti'ipë yaa naaxwiiny naaxkëjxy yajtuunp yajkajpxpën. Mëktuunk ets je'emty tyimy yë Dios të xymyo'oyëmë ets yë'ë mëët xynyaxmëtijëmëty.

Salmos 10:17

Wintsën, mijts mëtoow'ijtyp yë ja'ay ko mëkäjpxyë mëti'ipë näypyutëkë yajmëyäjtypyën, ets xyajjotkujktä'äky ets xypyutëkë.

1 Reyes 2:6

Paaty yam mijts n'ënëëmë ko mëk ja mjot mkëpajk xyajtunëty këtiipë yë'ë y'akujk'at jyotkujk'atëty ets jëtu'un y'ënaanpëty ko jotkujk y'ookëty.

Proverbios 2:6

Dios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Daniel 1:17

Ya'atë nimajktaxkpë ëna'ktëjk, wijy ojts pyëtsëmtë ets këpety wyinja'awëtyääytyë wa'ats ja ijxpëjkën ets nija'awën. Yë Daniel nän yajniwijtääpy ijty yë kuma'ay ets ko tii yaj'a'ijxnaxy.

Deuteronomio 34:9

E yë Josué yë myaank, yë Nun, tëë ënety yë Moisés yaj'ijxpëkyë ets wa'ats tnija'awëtyä'äy wi'ix ja naax kajpn tu'uwinye'eyëtyën; tëë ënety ja Moisés ja kuttujkën myo'oyë ma jyaak juuky'ätynyëmën, paaty ja Israel ja'ayëty ojts y'ëna'antë ets yë'ë tmëmëtowa'antë, tä ja Moisés ënety të tyuk'ëne'emyën ja Wintsën.

1 Reyes 5:9

Yë ntuunpës yë'ë jam myëtsoontëp Líbano ets tmëja'tëty jam nëëmejy ëkë'ëm, jamts yajnëëkutsëmëty ets yë'ë myënëjkxëtëty ma ënety mijts xynyikäjpxyën. Ma ënety jyä'tyën jam mijts xytsyëëmë'ëkëty. Mëti'ipë tëy mijts mtunëp, yi'iyë myakëp ja ka'ayën ukën ets ja jë'kxy pëky mëti'ipës nyajtuntëpën maas ja nkutujkëntëjkëtyën.

1 Crónicas 29:25

Yë Wintsën yë'ë ojts kë'ëm tyajkutuky ets ja Salomón mëj'äämpy nyaxëty ma tu'kë'ëyë ja Israel ja'ayëty ja nyaax kyajpnën, akäjpxy ojts y'ity mëjwiin këjää këtiinëm jyëtu'unëty ja wiinkëtypë ja yajkutujkpë mëti'ipë të tyuntën ma ja Israel kajpnën.

Nehemías 13:26

Yë'ë jëtu'un ojts yë Salomón tpoky'äty mëti'ipë yajkutujkën ma Israel kajpnën. E oy nja'ijxmëty ja yajkutujkpë Salomón ka'ap pën myëpatë ijxtëm yë'ë yajkutujkyën ets ko ja nTios'ajtëmë mëk tsyojkë jya'awëy ets pyëjktakë ma ja Israel kajpnën ets jam yajkutukëty, e oy jyajëtu'un'ajty yë to'oxytyëjkëty mëti'ipë wiink naax wiink kajpn yajtso'onën yë'ëtsën ojts yajpokytyunyë.