1 Reyes 3:1 - Biblia Dc en Mixe de Quetzaltepec

¹ Yë Salomón ojts tmëku'ukpëky yë faraón, japë y'ëne'emyën Egiptë, jä'ä ko ojts yë Salomón pyiky mëët tu'uk yë nyëëx yë faraón ets ojts jam tyajnëjkxy ma ja David ja kyajpnën, jää it ma ënety jam kyojnyëmën ja këmoontëjk, tsajptëjk ets ja Jerusalén kajpn ja nyapots.

Biblia Mixe de Quetzaltepec

¹ Yë Salomón ojts tmëku'ukpëky yë faraón, japë y'ëne'emyën Egiptë, jä'ä ko ojts yë Salomón pyiky mëët tu'uk yë nyëëx yë faraón ets ojts jam tyajnëjkxy ma ja David ja kyajpnën, jää it ma ënäty jam kyojnyëmën ja këmoontëjk, tsajptëjk ets ja Jerusalén kajpn ja nyapots.

1 Reyes 3:1 ပူးပေါင်းရင်းမြစ်များ

2 Samuel 5:7

David ka'ap tii mëj tja'awëy, ojts ja kajpn tnitëkë mëti'ipë ënety yajtijpën Sión, mëti'ipë tyam ja David kyajpn'ajtypyën.

1 Reyes 11:1

Ja Salomón ja tamën ënety ja tyo'oxytyëjk, ja yajkutujkpë nyëëx, je'eyëp ko ojts ëpëky wiinkëtypë to'oxytyëjk tsoky tjawë ka'apë tmëkukajpnëtyën, tä yë: Moab ja'ayëty, Amón ja'ayëty, Edom ja'ayëty, Sidónja'ayëty ets Hit ja'ayëty;

1 Reyes 2:10

Ojts ja David y'o'knë, jam nyaaxtëjkëy ma ja y'aptëjk nyaaxtëjkëtyën, ma yajtijyën David ja kyajpn.

1 Reyes 6:1

Salomón jää ja tsajptëjk tkojtso'ontä'äky ma ënety mëmajktaxk jëmëjt tyajtu'uye'eyën ja jyëmëjt ma y'ityën yajkutujkpë jam Israel, yë'ë ënety aanp yë po'o mëti'ipë tyijtëpën Ziv, yë mëmäjtskpë, ma të nyajxnën taxk mëko'px jëmëjt maju'unëm tsyoontën jap Egiptë.

1 Reyes 7:1

Salomón ojts kë'ëm kyumoontëjk tkojy, kom majktëkëëk jëmëjt tkoj'apejty.

1 Reyes 7:8

Ja kutujkëntëjk ma ja Salomón ijty tsyëënën, myëët'ajtyp tu'uk ja nyitëja'aw jap jëxkë'ptsow ets ja tu'uk ja nyitëkot mëti'ipë näjyëtu'un kyojyëtyën. E ja kutujkëntëjk mëti'ipë tyuknikojëyën ja Egiptë yajkutujkpë ja nyëëx, mëti'ipë mëët pyijkyën, nän timjëtu'un ijty kyojyëty.

1 Reyes 9:1

Ko ja Salomón tkojtaay ja tsajptëjk, ja këmoontëjk ets tyajwintu'upëjktaay tëkokyë ja tyuunk mëti'ipë ënety të tuknipëjktaakën,

1 Reyes 9:10

I'px jëmëjt ënety të nyäxy ma ja Salomón tkoj'apatëyën ja tsajptëjk ets ja akujktëjk,

1 Reyes 9:24

Ja nyëëx ja Egiptë yajkutujkpë ojts jam tsyo'onë ma ja David ja kyajpnën ets ojts nyijkxy ma ja akujktëjkën ma ja Salomón të tyuknikojëtyën. Jamts ja Salomón mëj ja naax t'akojë'ky.

1 Crónicas 11:7

Ënet ja David jam ja kyutujktakn tpëjktäky, ma ja kajpn ënety jemy të tniwä'äkyën mëti'ipë ta'tspëky yajpatpën ets yajxëëwmooy David kyajpn.

2 Crónicas 18:1

Josafat, mëj këjää ja wit meeny tpaty t'ijxy, jëtu'un'äämpy ojts mëj'äämpy ja ja'ay yajnaxyë ets yë'ë myë't'ajt Ahab.

2 Crónicas 8:11

Salomón ojts ja faraón ja nyëëx jam tyajtso'onë ma ja David ja kyajpnën ets ojts tyajnëjkxy ma ja kutujkëntëjkën mëti'ipë ënety të yajtuknikojën; jä'ä ko tyaa ojts myäy tyäjy ko ka'ap yowë y'oy'atëty ko jam tsyëënëty ma ja David ja kyajpnën, mëti'ipë të y'ityën ënä'ämpë yajkutujkpë ma ja Israel kajpnën, jä'ä ko maajaty ënety ja Wintsën ja kyaaxë të yajmënaxyën aak kënu'kxy ja yajpaaty.

Esdras 5:11

Yë'ëjëty jëtu'un të y'ëtsowtë ko yë'ë y'ëwtajtëp yë Wintsën tsajpkëjxmëpë ets naaxwiinypë y'ityën ets ko tyam yë'ë y'akojëtëp ja tsajptëjk mëti'ipë ojts tëëyëp kyojyën ma yajkutujkyën tu'uk ja mëj'ënä'ämpë ma Israel ja'ayëtyën.

Esdras 9:14

¿wä'än tääjën ëëts jatëkok n'ëkkäjpxykyutëjtëty mijts ja m'ënä'ämën mkutujkënë ets näjyëtu'un jatëkok winë ntuntëtyës tä ja ja'ayëty mëti'ipë ëxëëktuun ëxëëkkajpxtëpënë? ¿Këtii tääjën xytyukjoot'anpëktëtyësë ets këtii tääjën nëjkx xyajkutëkoytyësë ni'ëmukë?

Deuteronomio 23:8

Ja mëtëkëëk'okpë ënety nyajtsmin nyajtsja'tëtën naaxwiiny jyëkyäpëp tsyënaaytyaknpëktëty ma miitsëtyën, ma ja Wintsën ja nyaax kyajpnën.