1 Reyes 22:6 - Biblia Dc en Mixe de Quetzaltepec

⁶ Ënet ja yajkutujkpë twoowmujktaay ja Wintsën ja myëtuunpëtëjk, jä'ä nyiwinë'atë nimajktaxk mëko'px ets tyajtëëy: ¿Wi'ix oyës yë Ramot nitsiptunëtyë, ëkë ka'apë? Ets yë'ëjëty y'ëtsoowtë: Oy, nitsiptun, jä'ä ko yë Wintsën tëë tkë'ëyäky.

Biblia Mixe de Quetzaltepec

⁶ Ënät ja yajkutujkpë twoowmujktaay ja Wintsën ja myëtuunpëtëjk, jä'ä nyiwinë'atë nimajktaxk mëko'px ets tyajtëëy: ¿Wi'ix oyës yë Ramot nitsiptunëtyë, ëkë ka'apë? Ets yë'ëjëty y'ëtsoowtë: Oy, nitsiptun, jä'ä ko yë Wintsën tëë tkë'ëyäky.

1 Reyes 22:6 ပူးပေါင်းရင်းမြစ်များ

1 Reyes 18:19

Yë'ë yam mijts ntuk'ënëëmëjäämpy ets xykyäxëty yë mja'ay wä'än tyajtu'ukmujkta'ay yë ja'ay jam ma kopk txëëwatyën Carmel ets jam näjyëtu'un nyäwya'këxë'ëkëtëty yë ja'ayëty nimajktaxk mëko'px ja wëxtyikxy majkpë mëti'ipë yë Baal myëtuuntëpën ets näjyëtu'un yë nimajktaxk mëko'px ja wëxtyikxy majkpë ja ja'ayëty mëti'ipë myëtuuntëpën yë Aserá, mëti'ipë yë Jezabel myëët'ajtypyën ets yajkääpy yaj'ukpyën.

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënety ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

2 Timoteo 4:3

Jä'ä ko pyatäämpy ja xëëw po'o ko ja ja'ay ka'ap tmëmëta'aka'antëty ja oypyë ijxpëjkën, kyë'ëm tsojkën yajtuna'antëp ets t'ixta'aja'antë kanaakjëjp ja yaj'ixpëjkpëtëjk ets tyuk'ijxpëkëtëty mëti'ipë yë'ë tsyojktëpën.

Mateo 7:15

Näkyëwent'atëtë ma tääpë win'ë'ëmpëtëjkëtyën mëti'ipë nätyijëtëp ko Dios myëtuuntëp. Jëtu'un janty yujy janty tëtä'äky mniminëtë kupixynyën, e jap jyootjoty jëtu'un jyä'äy'atë pa'ukën.

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

2 Crónicas 18:14

Tä nyäwya'këxë'kë jam ma ja yajkutujkpën ets ja yajkutujkpë y'ënëmaayë: Micaías, ¿wi'ix myäyëp ëëts nitëkëtëty yë Galaad kajpnë, ëkë ka'apë? Ënet ja Micaías y'ëtsooy: Nitëkëtë, mijts mëta'akaanp, jä'ä ko yë Wintsën tëë y'ënä'äny ko mijts tääpë naax kajpn mo'oja'anyë.

1 Reyes 22:15

Ënet ojts jam nyijkx ma ja yajkutujkpën ets ja yajkutujkpë yajtëëwë: Micaías, ¿mijts wi'ix m'ëna'any, oyë Ramot yajnitsiptunëtyë, mëti'ipë jamën Galaad y'itjotmën, okë oy ka'apë? Ets ja Micaías y'ëtsooy: Nitsiptun, mijts mëta'akaanp, yë Wintsën mijts myajmëta'akanëp.

1 Reyes 22:5

Je'eyëp tëy ko jëyëjp yë Wintsën yajnitëwë.

1 Reyes 22:10

Ja yajkutujkpë mëti'ipë jam ënä'ämpën Israel ets ja yajkutujkpë mëti'ipë xyëëwajtypyën Josafat jampë y'ëne'emyën Judá, aaktam ënety ja nyijänëty, jam pyo'kxtë pyëktë ma ja y'ënä'ämtaknëtyën, jam tëjk'ëkë'ëm ma yajnitëkën ja Samaria kajpn, e tëkokyë ja käjpxynyajxpëtëjkëty aak je'eyë ojts tyëkëtë a'ëëw akajpxpë.

2 Reyes 3:13

e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

2 Reyes 10:19

Paaty yam npëjktsoyës ets tëkokyë xymyëkajpxta'atëty ja ja'ayëty mëti'ipë yë'ë myëtuuntëpën ets y'ëwtajtëpën, näjyëtu'un mëti'ipë teety'ajtëpën ma Baal yë tsyajptëjkën, nitu'uk mëpaat kyatëkoy'äty, jä'ä ko tëëjës tu'uk ntuknipëjktaakë wintsë'kën mëti'ipës yë Baal ntukwintsë'ëkëjäämpyën. Pën tëkoy'ajtp nëjkxëp y'ooky. Je'eyëp ko yë Jehú paaty jëtu'un ja winma'any tpaty, mëët ko ënety të tuknipëjktaakë tyaj'o'kta'aja'any tëkokyë ja ja'ayëty mëti'ipë ja Baal y'ëwtajtëpën;

Isaías 36:10

Ets näjyëtu'un, ¿jä'ä mmay mtajyën ko ka'apës yë Wintsën xypyutëkë etsës yë mnaax mkajpn nyajkutëkoyëtyë? ¿Yë Wintsënës të xykyexy etsës ya'atë naax kajpn nyajkutëkoyëty.

1 Reyes 12:9

jëtu'un tyajtëëy: ¿Wi'ix miits m'ëna'antë, wi'ixës mëpaat n'ëtsoy tääpë ja'ayëty mëti'ipë ënantëpën koos nyajyu'unkëty ja tuunk mëti'ipës ja nteety ojts tyuknipëkëtën?

1 Reyes 18:20

Ojts ja Ahab tjanty wyoowmujkta'ay ja Israel ja'ayëty, ets t'ënëmaay ko jam tyu'ukmuktëty ma ja kopk txëëwatyën Carmel ets tëkokyë ja ja'ayëty mëti'ipë ja awinax myëtuuntëpën.