1 Reyes 22:49 - Biblia Dc en Mixe de Quetzaltepec

⁴⁹ Ënet yë Ocozías yë myaank yë Ahab, t'ënëmaay yë Josafat ets jeexyë tkexy ja tyuunpëtëjk mëti'ipë ja nëë'aaw kyëwent'ajtëpën, je'eyëp ko Josafat ka'ap t'a'ijxëy.

Biblia Mixe de Quetzaltepec

⁴⁹ Ënät yë Ocozías yë myaank yë Ahab, t'ënëmaay yë Josafat ets jeexyë tkexy ja tyuunpëtëjk mëti'ipë ja nëë'aaw kyëwent'ajtëpën, je'eyëp ko Josafat ka'ap t'a'ijxëy.

1 Reyes 22:49 ပူးပေါင်းရင်းမြစ်များ

1 Reyes 22:48

Josafat ojts t'oytyuny kepy nëëwinye'epyë kanaak, jëtu'unpë tä jamën Tarsis ets yë'ë tuktsëëmina'any yë pu'ts pujxn mëti'ipë yajtso'ontëpën Ofir; je'eyëp ko ojts jyatsoontë ka'ap jam jyajtë jä'ä ko ojts ja mya'ta'ay jam Ezión-géber.

1 Reyes 22:50

Ojts ja Josafat y'o'knë, ko y'o'ky jam nyaaxtëjkëy ma ja kyajpnën ja David, ja y'apteety. Yë'ë ojts kyutëkëty yë myaank Joram.

2 Crónicas 20:35

Yë Josafat mëti'ipë ënety jam yajkutujkpën Judá, ojts ok mëët oy nyäjyawëty yë Ocozías, jampë yajkutukyën Israel, mëti'ipë ënety ka'ap oy jyä'äy'ätyën.

1 Reyes 9:26

Yë yajkutujkpë Salomón ojts näjyëtu'un may tkojy ja kepy nëëwimye'epyë jam Ezión-géber, winkon wyi'imy mëët yë Elád, ma ja mëjnëëpa'ajën mëti'ipë xyëëwajtypyën Ookpyë Mejy, ma y'itjot nyaaxjotmën yë Edom.

1 Reyes 9:27

Hiram ojts tyuunpëtëjk tkexy jap kepy nyëëwinyo'opyëjoty, jä'ä kyäjx ja ja'ayëty mëti'ipë nëë'ixyëtyën ets tyukjajtëpën wi'ix ja kepy nëëwinye'epyë tyajjëtitëtyën nëëjoty, tu'ukyë mëët ja Salomón ja tyuunpëtëjk,

1 Reyes 9:28

ets jam jyajtë Ofir, jamts may tpatë yë pu'ts pujxn, ojts jëtää tpaatë majkmäjtsk mil tsimën ets ojts tukninëjkxtë ja Salomón.

1 Reyes 10:22

Ëpëky ja yajkutujkpë tmëët'ajty ja kepy nëëwinye'epyë jam Tarsis, jam mejyjyotm, mëët ja kepy nëëwinye'epyë mëti'ipë jam Hiram tso'ontëpën. Wintëkëëk jëmëjtëty ijty tmëmintë ja pu'ts pujxn, poop pujxn, oyëtypë tsaa, patutkëty ets mikë.

Salmos 48:8

Jam ma ja Dios ja nyaax kyajpnën, yë Wintsën mëti'ipë maaytyääyëpën winë, tëës mëët yë nwiin ntimy'ixtë, mëti'ipës ënety tëë nyajtukmëmëtya'aktën: Dios yë'ë xëmë oy yaj'itëp yë Jerusalén kajpn.