1 Reyes 22:37 - Biblia Dc en Mixe de Quetzaltepec

³⁷ jä'ä ko tëë ja yajkutujkpë y'ooky. Ënet ja yajkutujkpë ojts jam yajmënëjkxy Samaria, jam nyaaxtëjkëy.

Biblia Mixe de Quetzaltepec

³⁷ jä'ä ko tëë ja yajkutujkpë y'ooky. Ënät ja yajkutujkpë ojts jam yajmënëjkxy Samaria, jam nyaaxtëjkëy.

1 Reyes 22:37 ပူးပေါင်းရင်းမြစ်များ

1 Reyes 22:36

Tam ënety ja xëëw kyëtaknë ko ja aaw ayuk ojts pyaatëtë ja tsiptuunpëtëjkëty mëti'ipë Israel ja'ayëtyën: Wä'än tnëjkxta'atë ma nyaax kyajpnëtyën ets wä'än tpaatë tyëjkëty,

1 Reyes 22:38

Ja kepy wintëkäämpë ma kyu'o'këyën, jam ojts tpujtë ma tu'uk yë nëë awookën ma ijty tsyi'iwtën yë to'oxytyëjkëty mëti'ipë nyini'kx tyo'ktëpën jam Samaria, ja uk jä'ä ojts twe'eymyujkta'atë ja Ahab ja nye'pny, tääts jëtu'un y'atëëy tä ënety ja Wintsën të tnikäjpxyën.

1 Reyes 16:24

Ojts tjuy tu'uk yë naax jam ma ja Samaria kopkën, yë'ë Semer jyä'ä, jä'ä tkujuuy tëtujk kilë aak poop pujxn; jam ojts tu'uk tkojy ja kajpn, ma ja näkyëwent'atë y'itëtyën, jä'ä txëëwmooy Samaria, jä'ä ko ja mëti'ipë ijty nyiwintsën'ajtypyën jä'ä ijty txëëwaty Semer.

1 Reyes 20:42

Ënet ja käjpxynyajxpë y'ënëmaayë: Jëtu'un yë Wintsën y'ënä'äny: Mëët ko të xyajke'eky ja ja'ay mëti'ipë ënety ja Wintsën të tuknipëjktaakën ets y'ookëty, yë mjuukyajtën yë'ë ënät mëët xykyëpätëty ja pyoky ets mnaax mkajpn yë pyoky.

Salmos 34:21

Yë ëxëëkja'aytyëjkëty y'ëxëëk winma'any kë'ëm nätyuk yaj'o'këtëp; mëti'ipë y'ëxëëk'ijxypyën ja ja'ay oypyë jyuuky'atën kopkpëky ko nëjkx yajtëytyuny.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Ezequiel 13:6

Mëti'ipë wyin'ijxtëpën ka'ap myëtëyëty ets mëti'ipë y'akajpxtëpën ka'ap jyääntyëty. Jëtu'un y'ëna'antë koos xynyikajpx xynyimëtyaktëp, ka'ap y'ëjtsëty nkäxtë. Y'ëwxijtëp ets y'atëwëty yë y'aaw y'ayukëty.