1 Reyes 22:36 - Biblia Dc en Mixe de Quetzaltepec

³⁶ Tam ënety ja xëëw kyëtaknë ko ja aaw ayuk ojts pyaatëtë ja tsiptuunpëtëjkëty mëti'ipë Israel ja'ayëtyën: Wä'än tnëjkxta'atë ma nyaax kyajpnëtyën ets wä'än tpaatë tyëjkëty,

Biblia Mixe de Quetzaltepec

³⁶ Tam ënäty ja xëëw kyëtaknë ko ja aaw ayuk ojts pyaatëtë ja tsiptuunpëtëjkëty mëti'ipë Israel ja'ayëtyën: Wä'än tnëjkxta'atë ma nyaax kyajpnëtyën ets wä'än tpaatë tyëjkëty,

1 Reyes 22:36 ပူးပေါင်းရင်းမြစ်များ

2 Reyes 14:12

Ja Judá ka'ap yajmëtakë ja Israel, ënät kyäktaaytyë ja ja'ayëty ets nyëjkxtaaytyë ma tyëjkëtyën.

1 Reyes 22:31

E ja yajkutujkpë mëti'ipë jamën sirië, tëë ënety tuk'ëne'emy ja i'px majkmäjtskpë ja tsiptuunpë wintsëntëjk mëti'ipë ja kepy wintëkäämpë yajye'eytyëpën ko këtii nëkooyë pën tyaj'ooktëty yi'iyë y'ixta'atëp ja mëti'ipë jam yajkutujkpën Israel.

1 Reyes 22:17

Ënet ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

1 Reyes 12:24

ko ëjts yam jëtu'un ni'ënä'ämëp ko këtii yë myëku'uk nëkoo mëët tsyiptuntëty, yë Israel ja'ayëty. Nikë wä'än timwyimpijta'atë ma tyëjkëtyën jä'ä ko jëtu'unës të ntuknipëjktaakë. Ko jëtu'un tmëtoowtë, ënätyë ojts jyänty wyimpijta'atë, jëtu'un tä ja Wintsën ënety të tni'ënä'ämën.

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

2 Samuel 19:8

Ënet ja yajkutujkpë ojts pyëti'iky ets ojts nyijkxy jam ma ja kajpn yajnitëkën. E ko ja mayjyä'äy yajtuk'ëwa'anëtyë ko tam ja yajkutujkpë y'ëwxity jam kajpnpë'am, ënät ojts jam nyäwya'k jam myiinta'atë. E ja Israel ja'ayëty tëë ënety kyäkta'atë ets të nyëjkxta'atë ma tyëjkëtyën.

1 Samuel 4:10

Ënet ja filistejë ja'ayëty tyëjkëtyë tsiptuunpë mëët ja Israel ja'ayëty, ja filistejë ja'ayëty yë'ë ojts myëtakojnëtëpë; ja Israel ja'ayëty jëtu'unyë ja kyäktaaytyë ets nyëjkxtaaytyë ma ënety y'ijta'aktën. Nimay yajxon ja ja'ay y'o'ktë jä'ä xëëw. Mëti'ipë naaxkëjxy tsiptuuntën ja Israel ja'ayëty, jä'ä y'o'ktë ni''i'px majk mil.

Jueces 21:24

E ja nimaypyë ja Israel ja'ayëty ojts wyimpijnëtë ma ja nyaax kyajpnëtyën ets ma ja jyiiky myëku'ukëtyën, y'u'unk tyo'oxytyëjkëty.

1 Reyes 22:35

Ja tsip mëk ojts jä'ä xëëw tyunyë jyätyë, tänë xyëëwnajxy jam pujxnwintëkäämpëjotm ko jyä'äy jam tsyiptuntë mëët ja sirië ja'ayëty. Jënäkyxyëëw ojts y'o'knë jä'ä ko nëkooyë tyajxnë jam pyujxnwintëkäämpë jotm.

1 Reyes 22:37

jä'ä ko tëë ja yajkutujkpë y'ooky. Ënet ja yajkutujkpë ojts jam yajmënëjkxy Samaria, jam nyaaxtëjkëy.