1 Reyes 22:31 - Biblia Dc en Mixe de Quetzaltepec

³¹ E ja yajkutujkpë mëti'ipë jamën sirië, tëë ënety tuk'ëne'emy ja i'px majkmäjtskpë ja tsiptuunpë wintsëntëjk mëti'ipë ja kepy wintëkäämpë yajye'eytyëpën ko këtii nëkooyë pën tyaj'ooktëty yi'iyë y'ixta'atëp ja mëti'ipë jam yajkutujkpën Israel.

Biblia Mixe de Quetzaltepec

³¹ E ja yajkutujkpë mëti'ipë jamën sirië, tëë ënäty tuk'ëne'emy ja i'px majkmäjtskpë ja tsiptuunpë wintsëntëjk mëti'ipë ja kepy wintëkäämpë yajye'eytyëpën ko këtii nëkooyë pën tyaj'ooktëty yi'iyë y'ixta'atëp ja mëti'ipë jam yajkutujkpën Israel.

1 Reyes 22:31 ပူးပေါင်းရင်းမြစ်များ

1 Reyes 20:24

Mëti'ipë tëy mëpaat xytyunyën mijts yajkutujkpë, yë'ë jam myajjëwa'kta'ajëp ja ënä'ämpëtëjk ma yajkutuktën ets jam xypyëjkta'akëty yë tsiptuunpë wintsëntëjk,

2 Crónicas 18:30

E ja Sirië yajkutujkpë, tëë ënety t'ënëëmë ja tyuunpëtëjk ko këtii nëkooyë pën tyaj'ooktëty, yi'iyë y'ixtëp tyuntëp pën jam ënä'ämpën Israel.

Jeremias 16:6

Mëj mutsk nëjkx ja'ay y'ooktë ma ya'atë naax kajpnën; ka'ap pën tyajnaaxtëkëja'any ja o'kpë ets ka'ap nëjkx pën ja o'kpë tniyä'äxy ets ka'ap ma pën nyäyajtsëtyuta'anyë ëkë ja wyääy tkääpa'any mëët ko ënety ja o'kpë tnimony tnituky.

1 Reyes 20:16

Kujkxyëëw ojts tsyoontë, tam ënety ja Ben-adad yajxon jyänty y'uuk jyänty pyëktë mëët ja myëkutujkpëtëjk, ma jam ja tëjkën nixo'ompyë mëti'ipë ënety jam të tkojtën,

1 Reyes 20:1

Yë Ben-adad, mëti'ipë jam yajkutujkpën Sirië, ojts may tyajmuky ja tsyiptuunpëtëjk ets mëët nyämyajtsë ni''i'px majk ja yajkutujkpëtëjk, mëët tëkokyë ja tsyiptuunpëtëjk mëti'ipë këwaaykyëjxm tsiptuuntëpën ets ja pujxnwintëkäämpë mëti'ipë myëtsiptuuntëpën ets ojts nyijkxy jam Samaria, tyajnatujky ets tnitëjkëy.

1 Samuel 30:2

Ojts tsuumta'atë ja to'oxytyëjkëty, pi'k ëna'këty ets ja mëjja'aytyëjkëty, je'eyëp ko je'eyë ojts tmënëjkxtë, ka'ap tjayaj'o'ktë.

Génesis 19:11

Tu'kë'ëyë ojts wyë'ëmta'atë ja ja'ayëty wiints jënu'un yë mëj ëna'këty ets mutsk ëna'këty, ojts y'ënu'kxëtyääynyëtë ko tjajanty'ixtaaynyëtë ja tëjk'aaw.

2 Samuel 17:2

Jääjës mëtëy ntukja'ta'any ma ënety yajxon të y'ënu'kxën ets ma ka'ap tii tuna'anyën; yajxonës n'ëk'ëtsë'ëkëtëty mëët ja ja'ayëty mëti'ipë jam mëët yajpaatyën ets kyäkta'atëty. Yi'iyës nyaj'ookankojpy yë ënä'ämpë ets ka'ap wiinkpë,

1 Reyes 22:32

E ko ja tsiptuunpë wintsën mëti'ipë ja pujxnwintëkäämpë yajye'eytyëpën t'ijxtë ja Josafat, jëtu'un tjëjp'ijxtë jä'ä yowë ja yajkutujkpë mëti'ipë jam tso'onpën Israel, ënät ënätyë tyajnatujktë ets tjamatsantë. Tä ja Josafat ënätyë yujk'ënany mëk, t'amëtoy ja näypyutëkë,