1 Reyes 22:27 - Biblia Dc en Mixe de Quetzaltepec

²⁷ Jëtu'un xy'ënëëmëtëty ko ëjtsës yam ni'ënä'ämëp ets tpëjkta'aktëty pujxn tëkoty ets ka'ap tmo'otëty yë kääky uuky, koonëmës nwinpitëty oy mëk maas tyam nëjkxyën tsiptuunpë.

Biblia Mixe de Quetzaltepec

²⁷ Jëtu'un xy'ënëëmëtëty ko ëjtsës yam ni'ënä'ämëp ets tpëjkta'aktëty pujxn tëkoty ets ka'ap tmo'otëty yë kääky uuky, koonëmës nwinpitëty oy mëk maas tyam nëjkxyën tsiptuunpë.

1 Reyes 22:27 ပူးပေါင်းရင်းမြစ်များ

2 Crónicas 16:10

Ënet ja Asá yajxon tukjoot'anpëjky ja Wintsën ja kyäjpxynyajxpë, ojts tsumy tmatsy. Näy jä'ä xëëw ojts jam ëxëëk yë ja'ay tuny t'ënëëmë.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Efesios 3:1

Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.

Hechos 26:10

Jëtu'unës n'ëtëtsy jam Jerusalén, ja teety wintsëntëjk ojts xymyo'otës ja kuttujkën etsës ntsumëty nmatsëty mëti'ipë ja Jesús myëpëjktëpën ets ko yajpaye'eytyëty. Nyajkutujkpyës ijty ets y'ooktëty.

Hechos 5:18

ets tmajtstë ets ttsuumtë.

Lucas 3:20

Tääts ja Herodes ojts ja poky wiinkpë tjaaktimtyuny ko ja Juan tsuumy.

Jeremias 38:6

Ënet tmajtstë ja Jeremías ets jap tkujëpijpëtyë nëëjutjoty mëti'ipë yë Malquías jyä'ä'ajtypyën, yë yajkutujkpë myaank. Mëët yë tejpxy tkutëëynyajxtë. Jap nëëjutjoty ka'ap ënety jap tii nëë, yi'iyë nëë mo'onts, paaty yë Jeremías myo'onts jë'ënë.

Jeremias 37:15

Tääts tnipëtë'ktë ja Jeremías, ojts twoptë ets tsuumtë jam ma Jonatán yë tyëjkën, mëti'ipë jääpyën, ja tyëjk pujxntëjk ijty wyä'äny.

Jeremias 29:26

Mijts yë Wintsën të mpëjktä'äkyë ets mteety'atëty ets xykyutëkëty yë Joiadá ets mijts mniwintsën'atëp ja tsajptëjk ma yaj'ijx'ity yajkëwent'atyën. Ko pën ja'akyupoj myinëty ets tyëkëty ëëpë kajpxpë jëtu'un tä käjpxynyajxpën, ënätyë xymyatsëty ets xypyëjkta'akëty ma ja kepyën mëti'ipë pokyjyä'äy yajtukyo'ktsuumpën ets yë'ë mtukutsumëp yë pujxntä'äky.

Jeremias 20:2

ënät ni'ënä'ämëy ets Jeremías yajkox yajtsiikëty ets tkuwëëntëty mëët yë kepy yo'kntujpë yajkutsumyën jam ma ja Benjamín ja tyëjk aawën wiinkonpë yajpaatyën ma ja tsajptëjkën.

Isaías 30:20

Oy ënety ëxëëk të m'ëkjaty të m'ëkkëpety, ets të mmony të mtuky, yë'ë ka'ap nijëna'a m'ëxmatsa'anyë ets ka'ap jëkäm nyäpyëjkta'aka'anyë; m'ixëp ko ënety jëtu'un tuny.

Salmos 127:2

Ka'ap yë'ëjëty tsyowpaaty ko ja'ay tyunëty xëëwpaaty, pën oywyi'ix nyäyajkayë, yë'ë tsoowpatp mëti'ipë ja'ay Dios yajkaay yaj'ukëpën oy jyääjëty ko mya'atë pyo'kxtë.

Salmos 102:9

Kuuyjyaamës një'kxyp, jëtu'un ijxtëm jeexyë tsajpkääky nkayënës; ets maas yë n'uukyën, yë'ë mëët xyëpinyëty yë nwiinnëëjës,

Salmos 80:5

Yë nwiinnëëjëtyës yë'ëjës të xytyukjë'kxtë; ka'ap y'ëk'ëmaay'ajnë, mëpaatëpës n'uknëtë,

Deuteronomio 16:3

Ja jëyujk mëti'ipë ënety të wyintsë'kën'atyën yë'ë mtukpakaytyëp ja nyitsu'utsy yë tsajpkääky ka'apë tsyooymyëëtëtyën, wëxtujk xëëw y'itëty yë'ë mkaytyëp yë tsajpkääky ka'apë tsyooymyëëtëtyën, tääpë jëtu'unpë tsajpkääky jä'ä yajja'akyukë ëyo'owën jotëko'oyën mëët ko jap Egiptë poj'am mtso'ontë ets ka'ap ojts wintëy m'ëkkaay m'ëk'uknëtë jä'ä ko mjotëkooytyëp ënety. E jëtu'un'äämpy wi'ix jap Egiptë mtso'ontën mapaat mjuuky'atën.

Hebreos 11:36

Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

1 Reyes 22:26

Ënet ja yajkutujkpë jampë Israel, ni'ënä'ämëy ja Micaías: Matstë yë Micaías ets yajnëjkxtë jam ma Amón mëti'ipë yajkutujkpën ma naax kajpnën ets ok xyajnëjkxtëty ma Joas, yë nmaankës.

Jeremias 36:23

Ko ja Jehudí tkajpxta'ay ja noky tëkëëk taxk waats, tääts ja yajkutujkpë tuktsukë ja noky ets tjëënkupëky. Aakjëtu'un tuuntaay koonëm tno'ktaay.

1 Reyes 13:4

Ko ja Jeroboam tmëtooy wi'ix ja käjpxynyajxpë y'ënä'änyën mëëtpë ja wintsë'këntyakn jampë Betel y'ityën, ënät ja kyë'ë nëkooyë txajë'ky jam tyänë ma ja wintsë'këntyaknën ets y'ënäny: Matstë. E ja kyë'ë mëti'ipë ënety të txajtëyën jëtu'unyë ojts wyi'imy ka'ap t'ëkjëkyäjpnë t'otsëty.