1 Reyes 22:24 - Biblia Dc en Mixe de Quetzaltepec

²⁴ Tä ja Sedequías, myaank yë Quenaaná, wyä'ätsë'ky ets tmëwinkoony ja Micaías, tääts tu'uk kë'ë t'amëkojxëy ets t'ënëmaay: ¿Maa jëtäätën ënät ja Wintsën ja myëk'ajtën y'oy'ajën të nyijkxy mëti'ipës të xy'ëxmatsyën ets jeexyë mijts mmëkäjpxy?

Biblia Mixe de Quetzaltepec

²⁴ Tä ja Sedequías, myaank yë Quenaaná, wyä'ätsë'ky ets tmëwinkoony ja Micaías, tääts tu'uk kë'ë t'amëkojxëy ets t'ënëmaay: ¿Maa jëtäätën ënät ja Wintsën ja myëk'ajtën y'oy'ajën të nyijkxy mëti'ipës të xy'ëxmatsyën ets jeexyë mijts mmëkäjpxy?

1 Reyes 22:24 ပူးပေါင်းရင်းမြစ်များ

Hechos 23:2

Ënet ja teety Ananías ojts t'ëne'emy ja ja'ay mëti'ipë jam winkon tënaaytyëpën ets t'akojxë'ëktëty ja Pablo.

Miqueas 5:1

Mijts Jerusalén kajpn, yajtu'ukmuk jatëkok yë mtsiptuunpëtëjk ets mnäkyuwa'anëtëty, jä'ä ko tëë yë mnaax mkajpn nyatuky, yë'ë mëk tyiytyunantëp mëti'ipë jam ënä'ämpën ma Jerusalén kajpnën.

Lamentaciones 3:30

ni'ikyë mëpaat wyiin jyëjp tyäky ma oypyën ets t'ëxajëty yë kajpxwijën oy ja'ay wi'ix y'ënë'ëxëtëty.

Juan 15:20

Ja'amyätstë ijxtëm të nëëmëtë: Ni pën tuunpë wyintsën tkawinaxy. Pën tëëjës xypyajëtijta'aktë, näjyëtu'un miits myajpajëtijta'aka'antë; ets pën tëëjës ëjts ja n'aaw n'ayuk xykyupëjkëtë, näjyëtu'un miits ja m'aaw m'ayuk yajkupëka'antë.

Juan 15:18

Ko miits mka'oy'ixëtëty ja mëti'ipë yajtuuntëpën ja naaxwiinyëtë winma'any, jëtu'un xynyijawëtëty koos ënety jëyëjp të xykya'oy'ixtë.

Marcos 14:65

Tam jënaakën mëti'ipë ojts twinkutsujëtën ja Jesús, ojts näjyëtu'un twinkutsumëtë ets twintäjx tjëjptäjxtë ets tyajtëëwtë: Nasjawë pën të mkoxyë. E ja tsajptëjk këwent'ajtpë ojts wyinkox jyëjpkoxëtë.

Mateo 26:68

ets t'ënëmaaytyë: Kristë, nasjawë pën të mkoxyë.

Mateo 5:39

Temë jëtu'un miits n'ënëëmëtë ko ka'ap xytyuunwinpitëty ko pën wi'ix mtunëtëty. Ko pën m'apojtsë'ëkëtëty ni'ikyë tuk'akë'ë wiinkpë m'apënuuky.

1 Reyes 22:11

Yë Sedequías, yë myaank yë Quenaaná, tëë ënety tyajkojy kanaak yë pujxn jëtu'unpë kyëxë'ëkyën tsajpkaawajën ets jap mëk jyänty kyu'ënanë: Jëtu'un y'ënä'äny yë Wintsën: Mëët ya'atë waj yë'ë mëët xyajkutëkoyëty yë sirië ja'ayëty.

Hechos 23:3

E ja Pablo ojts t'ëtsoy ja teety Ananías: Dios mijts m'akojxë'ëkëtëp ko mwin'ëëny. Mijts paatykyëjxm jam m'u'unyë ets mpaye'eyëty ijxtëm ja Moisés ja y'ënä'ämën y'ënä'änyën, e mijts mkë'ëmwinma'any jam myajtuunëp, ets xynyinaxy ja ënä'ämën ko m'ëna'any etsës nyaj'akojxë'ëkëty.