1 Reyes 22:17 - Biblia Dc en Mixe de Quetzaltepec

¹⁷ Ënet ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

Biblia Mixe de Quetzaltepec

¹⁷ Ënät ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

1 Reyes 22:17 ပူးပေါင်းရင်းမြစ်များ

Mateo 9:36

Ko ja Jesús t'ijxy ja mayjyä'äy, tääts tpa'ëyooy ko tëë y'ënu'kxëtë ets ka'ap ja mëtakën t'ëkmëët'ajnëtë, jëtu'un tä may kupixynyën mëti'ipë ka'ap ja nyi''ijxpë nyikëwent'ajtpë.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Jeremias 50:17

Yë Israel kajpn jëtu'un tä tu'uk yë kupixyny tyëkoy'ityën mëti'ipë kaa papooyëpën. Yë'ë jëyëjp të myätsyë tä kaajën yë yajkutujkpë, Asiria ja'ay; ok yë Nabucodonosor, yë Babilonyë yajkutujkpë, mëti'ipë jëtu'un tä kaajën të tsyu'utsyën.

Jeremias 50:6

Yë nnaaxës nkajpnës jëtu'un ënety yajpaatë tä maykyupixynyën mëti'ipë të tyu'utëkoytyën, mëti'ipë ka'ap këwent'ajtpë oy të kyëwent'atëtën ets të ye'eywya'kxta'atë jam ujtsjotm. Ko jyatsoontë ma jam yajpaatën, wiinktsow nyëjkxtë ets ka'ap jya'të ma y'ijtaknëtyën.

Zacarías 10:2

Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

1 Samuel 9:9

Tëëyëp ko ijty ja Israel ja'ayëty tii tnija'awëja'antë ma Tiosën, tyaa ijty y'ëna'antë: Ja'amtë n'ijxëmë mëti'ipë winë nyajtsja'apën. Jä'ä ko ja mëti'ipë tyam yajtijpën käjpxynyajxpë, jä'ä ijty yajtijy najtsja'apë.

Ezequiel 1:4

Ënätës të n'ixy ko jam anëkëjxmtsow të tsyoony yë tuupoj, jap mëj yootsjoty pyëtsimy jëënën, jëtu'un y'atë'kxy wëtsukën ets na'ëwtityë mëk tyi'kxy. E jam jëënjotm jëtu'un yaj'ixy y'atë'kxy tsuxkpujxnën,

Marcos 6:34

Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënet t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënet tyaj'ijxpëjktso'ony kanaakjëjp.

1 Reyes 22:16

Ënet ja yajkutujkpë y'ënëmaayë: ¿Naak'okën mijts xytsyoky n'ënëëmëty ko yë'ëjës ntsojkpy etsës mijts xytyuk'ëwaanëty mëti'ipë mëtëyën ets yë'ë yë Wintsën mëët yë xyëëw xynyikajpxëty?

Isaías 13:14

Jëtu'un ja ja'ay kyä'äka'any pyuta'any tä kye'eky pyutyën yë wojny ëkë witsn, ëkë tä y'aye'eyëtyä'äyën yë kupixyny ets ka'ap pën wyoowmukyë. Nitu'ukjaty ja ja'ayëty nëjkxëp tniye'eyëtya'atë ja nyaax kyajpnëty, xim yam nëjkx kyukäkëtya'atë ma nyaax kyajpnëtyën.

Jeremias 28:8

Ja käjpxnyajxpëtëjkëty mëti'ipë tëëyëp juuky'ajtëpën ma ënety mijts ets ëjts ka'ap nmi'inëmën naaxwiiny, ojts t'akajpxtë ko jyää'ata'any ma naax kajpnën ja tsip, yuu xëëw ets pa'am ëyo'on.

Nahúm 3:18

Nëkooyë myaanëtë mëti'ipë myajkupixyny kyëwent'ajtypyën, mijts Asiria yajkutujkpë mijts n'ënëmääpy. Yë mtsiptuunpë wintsëntëjk tam tyam pyo'kxtë, yë mtsiptuunpëtëjk yë'ë jam jëtijtëp kopkkëjxm tä jeexyë ka'ap tmëët'atën pën yajtu'ukmukëtëpën.