1 Reyes 22:16 - Biblia Dc en Mixe de Quetzaltepec

¹⁶ Ënet ja yajkutujkpë y'ënëmaayë: ¿Naak'okën mijts xytsyoky n'ënëëmëty ko yë'ëjës ntsojkpy etsës mijts xytyuk'ëwaanëty mëti'ipë mëtëyën ets yë'ë yë Wintsën mëët yë xyëëw xynyikajpxëty?

Biblia Mixe de Quetzaltepec

¹⁶ Ënät ja yajkutujkpë y'ënëmaayë: ¿Naak'okën mijts xytsyoky n'ënëëmëty ko yë'ëjës ntsojkpy etsës mijts xytyuk'ëwaanëty mëti'ipë mëtëyën ets yë'ë yë Wintsën mëët yë xyëëw xynyikajpxëty?

1 Reyes 22:16 ပူးပေါင်းရင်းမြစ်များ

Hechos 19:13

Jam ënety jënaakën ja jutiis ja'ayëty jyëtitë kajpnjotm ets ja ku'oypyë tyajpëtsëmtë ma ja ja'ayëtyën. Näy jä'ä ja Jesús ja myëk'ajtën yajtuunëtëp, ets nëëmëtë ja ku'oypyë: Ëjts ënaanp Jesús xyëëwkyëjxm, mëti'ipë ja Pablo kyajpxwä'kxypyën, ëxmats yë ja'ay.

Marcos 5:7

Tääts ayaxp ajojkp t'ënëmaay: ¿Tii mtsojkpy mëët ëjts? Dios ni'ik këjxmëpë y'u'unk. Nmënu'kxtäkpy mijts, tun ja mëyajtën Tioskëjxm, këtiis xyajjotkëxy.

Mateo 26:63

E ja Jesús amonyë y'ijty. Tääts ja teety wintsën y'ënëmaayë: Ja juuky Dios yam ntukajpxpejtypyës ets tëy tëtä'äky xynyikajpxëty. Tuk'ëwa'anëtyëk ëëts pën mijtsëtën mKristë, ja Dios ja y'U'unk.

2 Crónicas 18:15

E ja yajkutujkpë tyaa y'ëtsoowë: ¿Naak'okën yam mijts n'ënëëmëty ets xynyikajpxëp Wintsën xyëëwkyëjxm yi'iyë mëti'ipë mëtëyën?

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.

Josue 6:26

Ënet yë Josué ojts yajxon timnyikäjpxy ya'atë aaw ayuk mëët yë Wintsën xyëëwkyëjxm ets y'ënäny: Poky nëjkx yë ja'ay wyi'imy mëti'ipë ok kyoj'o'oyëpën ya'atë Jericó kajpn. Ko tkojtsoonëty ja kajpn potsy'ëjx yë'ë nëjkx y'ooky ja kyä'äxkopk, e ko tpëjktaknëty ja nyi'akaj yë'ë nëjkx y'ooky ja kyutëëm.

1 Reyes 22:15

Ënet ojts jam nyijkx ma ja yajkutujkpën ets ja yajkutujkpë yajtëëwë: Micaías, ¿mijts wi'ix m'ëna'any, oyë Ramot yajnitsiptunëtyë, mëti'ipë jamën Galaad y'itjotmën, okë oy ka'apë? Ets ja Micaías y'ëtsooy: Nitsiptun, mijts mëta'akaanp, yë Wintsën mijts myajmëta'akanëp.

1 Reyes 22:17

Ënet ja Micaías y'ënäny: Tëës n'ixy wi'ix axit ako'owë yajpaatën yë Israel ja'ayëty jam tunkëjxm kopkkëjxm, jëtu'un tä yë kupixynyën ka'apë pën nyiwintsënën. Ets Wintsën të y'ënä'äny: Ya'atë ka'ap pën nyitu'uwinwoopë; nikë oy ko tyimwinpijta'atëty akujk jotkujk ma jyëën tyëjkëtyën.

Jeremias 37:17

Yë Sedequías yajkutujkpë ojts tni'ënä'ämë ets Jeremías yajmënëjkxëty jam ma kutujkëntëjkën. Ko jam jyä'äjty ma ja yajkutujkpën, ënät ame'tsyë yajtëëwë: ¿Jam tii ayuk xymyëëtëtyë mëti'ipë Wintsën të mmo'oyënë? Ets ja Jeremías y'ëtsooy: Tyapës ayuk nmëëtëty ets jëtu'unës yë Wintsën të xy'ënëëmë: Mijts jam myajkë'ëyaka'any ma Babilonyë yajkutujkpën.

Jeremias 38:14

Ënet ja Sedequías yajkutujkpë ojts tmëkäjpxy ja Jeremías käjpxynyajxpë ma ja mëtëkëëkpë ja tëjk'aawën ma ja kajpn yajnitëkën. Ets t'ënëmaay: Tu'ukës yë yajtë'ëwën ntuna'any ma mijtsën ets jä'äs ntsoky xy'ëtsoowinpitëty mëtëy.

Jeremias 23:28

Ko tu'uk yë käjpxynyajxpë wyinkuma'ajëty, wä'än t'ëna'any ko tëë wyinkuma'ay; e pën tëë t'ëxajë yë n'aaw n'ayukës, wä'än mëtëy tnimëtyä'äky. Ka'ap tu'knax tsyowpaaty yë tsajpmok ets nyikepy. Tä jëën tsyä'äyën jëtu'un yë n'aaw n'ayukës yajmëtoy ets tä pujxnka'tsnën mëti'ipë piw nuuk yë tsaa tyuunpyën. Ëjts Wintsën, ëjts ënaanp.