1 Reyes 21:8 - Biblia Dc en Mixe de Quetzaltepec

⁸ Tä ojts tja'ay may ja noky mëti'ipë kyäjxwa'kxën, yajxon tsaaytyääy mëët ja yajkutujkpë Ahab ja kyë'ëkaa, yajtuknikäjxtë ja mëjja'aytyëjkëty ets ja kopktëjkëty jampë yajpaatën ma Nabot kajpnën.

Biblia Mixe de Quetzaltepec

⁸ Tä ojts tja'ay may ja noky mëti'ipë kyäjxwa'kxën, yajxon tsaaytyääy mëët ja yajkutujkpë Ahab ja kyë'ëkaa, yajtuknikäjxtë ja mëjja'aytyëjkëty ets ja kopktëjkëty jampë yajpaatën ma Nabot kajpnën.

1 Reyes 21:8 ပူးပေါင်းရင်းမြစ်များ

Nehemías 6:5

Ënätës ojts ja Sambalat tu'uk ja tyuunpë xytyimtuknikexy näjyä'ä ayuk tyukmëmiin tä ënety të y'ëk'ënaanpën ma ja mëmajktaxk'okpë ënety të xyjyakäjpxynyikäxtënës, ja noky jëtu'unyë ëwa'ats tkejyxy,

2 Crónicas 32:17

Ojts ja Senaquerib, näjyëtu'un tuknikexy yë noky yë Ezequías, ma wiinkjaty ojts tijyën ja Wintsën ets ma y'ënänyën: Jëtu'un tä ja tiosën mëti'ipë wiinkëtypë ja naax kajpn y'ëwtajtëpën ka'apës të xymyëmëta'aktën; yë Ezequías yë Tyios ka'ap tii tuna'any ma ëëtsëtyën ets Ezequías ja nyaax kyajpn tkuwa'anëty.

2 Reyes 10:11

E yë Jehú yë'ë ojts tjaakyaj'o'kta'ay ja Ahab ja jyiiky myëku'uk, ja tyuunpëtëjk mëti'ipë mëët oy ojts nyämyäyën ets ja mëti'ipë yajteety'ajtën jam Jezreel. Ni pën ojts tkayajwë'ëmy juuky.

1 Reyes 21:1

Nyäjxy jëtu'un ja xëëw jëmëjt, jam ënety tu'uk yë ja'ay tsyëënë Jezreel, jä'ä xyëëwajtyp Nabot, jam ijty tmëëtëty tu'uk yë tsatsymkyam, winkon ma ja yajkutujkpë Ahab ja kyutujktaknën mëti'ipë jam ënä'ämpën Samaria.

1 Reyes 20:7

Ënet ja Ahab ojts twoowmujkta'ay ja mëjja'aytyëjk mëti'ipë jam yajpatëpën ma ja naaxjot tnitänën ets t'ënëmaay: Ijxtëm miits xynyijawëtën tääpë ja'ay yë'ë y'ixtääpy wi'ix ëxëëk njatëtyës nkëpätëtyës, tëëjës nja'ënëëmë ko oy yë'ë tjä'ä'atëty yë n'u'unk nto'oxytyëjkës, yë n'u'unk n'ëna'kës ets nwit nmeenyës.

Mateo 27:66

Tääts ojts nyëjkxtë ets yajxon tyaj'ëtujktë ja o'kpë jut ets tku'ëtsaaytyë; ëpëky ja këwent'ajtpë ojts wyë'ëmtë.

Rut 4:2

Ënet ja Booz ojts ëpëky nimajk tmëkäjpxy ja mëjja'aytyëjk ets t'ënëmaay ets y'u'unyëtëty. Ko nyaaxwä'tstë,

1 Reyes 21:9

Ma ja nokyën tyaa jap y'ënä'äny: Ënëëmëtë ja ja'ay wä'än t'ayuu'atë ets xy'ënyääytya'aktëty ja Nabot itkujky.

Rut 4:11

Tä y'ëtsoowtë ja mëjja'aytyëjk ets ja mëti'ipë ënety jam yajpatëpën: Jëtu'un, tyam ëëts njanty'ixtë. Dios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.