1 Reyes 21:7 - Biblia Dc en Mixe de Quetzaltepec

⁷ Ënet ja Jezabel, mëti'ipë ja Ahab tyo'oxytyëjk'ajtypyën y'ëtsoowë: Yaa Israel, mijts yaa m'ënä'ämp ¿këtiijë? Kay uuk akujk jotkujk. Ëjts nija'ap wi'ixës yam tääpë Nabot y'uvëkam mpatës ets mijts xyjyä'ä'atëty.

Biblia Mixe de Quetzaltepec

⁷ Ënät ja Jezabel, mëti'ipë ja Ahab tyo'oxytyëjk'ajtypyën y'ëtsoowë: Yaa Israel, mijts yaa m'ënä'ämp ¿këtiijë? Kay uuk akujk jotkujk. Ëjts nija'ap wi'ixës yam tääpë Nabot y'uvëkam mpatës ets mijts xyjyä'ä'atëty.

1 Reyes 21:7 ပူးပေါင်းရင်းမြစ်များ

Miqueas 7:3

Yi'iyë yaj'ijxpëjktëp wi'ix ëxëëkpë tuntëtyën, yë wintsëntëjkëty mëk tpatëkëtë kyuma'ayënëty, yë yajkutujkpëtëjk pojën yajtukwin'ëëntë meeny, yë ja'ayëty mëti'ipë mëk'ajtën kuttujkën myëët'ajtëpën jëtu'un y'ëtë'ëtstë y'ëna'antë tä tyimjot tyimwinma'anyëtyën ets ka'ap ja naax kajpn tyajjotkujk'atë.

Eclesiastés 8:4

Yë yajkutujkpë mëët jä'ä ko tmëët'aty kuttujkën ko kyäjpxy, ka'ap tjëkyepy pën yajtëwëtëty tii ko jëtu'un winë tuny.

Eclesiastés 4:1

Ënätës ojts n'ixy ntuny wi'ix ja'ay tyaj'ëyoyën yaa naaxwiiny naaxkëjxy. Ënätës ojts n'ixy ko mëti'ipë ja'ay ëyoopën jëëytyëp yaxtëp yë'ëjëty ets ka'ap pën pyutëkëty; mëti'ipë ja'ay myëku'uk yaj'ëyoopyën ëxëëk myëku'uk tyajjaty tyajkëpety ets ka'ap pën pyutëkëty mëti'ipë ëxëëk yajtuuntëpën.

Proverbios 30:31

yë këtseynyë'aaw, yë tsajppax yä'äypyë ets yajkutujkpë mëti'ipë jëyëjp nëjkxpën ma ja tsyiptuunpëtëjkën.

2 Samuel 13:4

Tu'kxëëw ojts yë Jonadab tyajtëy yë Amnón, t'ënëmaay: ¿Tiitën mjajtëp? ¿Ni'ikyë mpakixnë? ¿Këtiitën xytyuk'ëwaanëja'anyësë? Tä ja Amnón y'ëtsoowë: Jä'ä ko wiinkëmës ntsojkën'ajnë yë Tamar, yë n'utyës Absalón yë y'uty.

1 Samuel 8:14

Nëjkxëp tniwa'any ja oyëtypë ja m'it mnaaxwiinyëtëty, ja mkam mtu'ujëty ma xyaj'itën ja tsatym ets ja olivë ets nëjkx tmo'oy jä'ä ja tyuunpëtëjk.

1 Samuel 8:4

Ënet ja mëjja'aytyëjk ojts ye'eymyuktë ets ojts tninëjkxtë ja Samuel jam Ramá, tääts mëët myëtya'aka'antë

Jueces 19:6

Ënet nimäjtskëty ja pyu'uy yajmooytyë ets nyaaxwä'tstë kääpyë ukpë, tääts y'ënëmaayëtë ja to'oxytyëjk ja tyeety ets jyaakwë'ëmtëty ja tu'ktsuujën.

Rut 3:7

Booz ku'uxyë ojts kyäy y'uuky ets janty jotkujk nyäpyëjktakë. Jam nyäkyo'kë ma ja tsajpmok nyipetyën. Kom ok ja Rut myiiny ame'tsyë ets tnipä'äntuty ja Booz ja tyeky ets jam nyäkyo'kë.

1 Reyes 21:6

Tä ja Ahab y'ëtsooy: Jä'ä ko tëëjës njamëtyä'äky mëët yë Nabot, nja''amëtoyës yë kyam, ma y'uvë tyaj'ityë etsës të nja'ënëëmë ko oyës wiinkpë nmo'ojëty ëkë oyës nkujuuyëty, e yë'ë ka'ap tkupëky.

Amós 6:12

¿Wä'än jëtää yë kwaay tsaakëjxy ye'eytyëtyë? ¿Wä'än jëtää yë tsajpkaa nyajyu'umëty nëëjotyë? Miitsëty, të xyaj'awinpitë ja oypyë ja nipaye'eyën tä xëwätën ets ta'amëm të jya'awëkyëtä'äky ma tëkatsy winë të xypyaye'eytyën.