1 Reyes 21:27 - Biblia Dc en Mixe de Quetzaltepec

²⁷ Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

Biblia Mixe de Quetzaltepec

²⁷ Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

1 Reyes 21:27 ပူးပေါင်းရင်းမြစ်များ

2 Reyes 6:30

Ko ja yajkutujkpë tmëtoowpaty y'ënä'äny jëtu'un ja to'oxytyëjk, mëk ojts tjawë, kyë'tstaay ënätyë ja wyit mëti'ipë ënety jam nyijän'ajtypyën mëët ja mëkjotmay ets ja äkë. E jä'ä ko jam ënety potsykyëjxm, may ja ja'ay t'ijxtë ko ja wyit këëts tmëët'aty.

Génesis 37:34

Ënet yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënety të y'ooky të tyëkoy.

2 Samuel 3:31

Kom ok yë David ojts tuk'ëne'emy yë Joab ets Abisai ets tuktëkëtëty yë ëxëëk wit pakwit ets tnimon tnituktëty ko ënety ja Abner të y'o'knë, ja David ix'am ojts tpaye'ey ja o'kpë ko ojts yajmënëjkxnë ma nyaax tëkëja'anyën.

Joel 1:13

Miitsëty teetytyëjkëty, mëti'ipë wintsë'kën myajktëpën ma wintsë'këntyaknën, tuktëkëtë mwitëty mëti'ipë kuumpën u'kxpën ets mjë'ëtëty mya'axtëty mëët ja pëjkën ato'onën, jä'ä ko jap ma tsajptëjkën ka'ap jap tiinë yë tsajpmok ets tsatym nyëë mëti'ipë wintsë'kën'ajtpën.

Isaías 38:15

¿Ëjts wi'ixës na'ëna'anëty, yë'ëjës të xyajkojy? Tëës yë ntsuu jyatimkyäknë mëët ko je'eyë pyëjknë y'atoonë n'aaw njotës.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Job 16:15

Mon tukës yë nwit të nätyukxoxyë, mëti'ipë kuump u'kxpën etsës të nkutijë yë nkëpajk jap naaxwayjoty.

2 Reyes 18:37

Ënet ja Eliaquim, mëti'ipë kyëwent'ajtypyën ja kutujkëntëjk; ja Sebná, mëti'ipë ja noky myëët'ajtypyën ma jap winë kuja'ay myinyën ets ja Joah mëti'ipë ja yajkutujkpë jyääpyë'ajtypyën ja wyit tkë'tstaaytyë mëët ja monyëtukyë ets ojts tninëjkxtë ja Ezequías, tääts tukmëmëtyaktaaytyë tä ënety ja Asiria ja'ay, tsiptuunpë wintsën të y'ënä'änyën.

Jonás 3:6

Ko ja Nínive yajkutujkpë tnija'awëy ojts ënätyë tsyoony ma ja kyutujktaknën ets nyätyuknijääntutë ja wyit mëti'ipë myë''ëne'emypyën ets tuktëjkëy ja wit mëti'ipë kuumpën u'kxpën ets nyaaxwe'tsy naaxkëjxy.

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.

1 Reyes 21:28

Ënet ja Wintsën y'ënëmaayë ja Elías:

2 Reyes 19:1

Ko yë yajkutujkpë Ezequías ja ayuk pyatë, ënät ojts ja mëkjotmay tyuktëkëty ets ja wyit tyujkxy tkë'tstaay mëët ja jotmay aakjä'ä tyuktëjkëy ja xa'kwit mëti'ipë kuumpën u'kxpën ets ojts nyijkxy ma ja tsajptëjkën.

1 Crónicas 21:16

Ko ja David y'ijxë'ky, ënät t'ijxy ko tamtëm ja Wintsën ja kyukäjpxy yajpaaty, tam tkë'ëkë'ë'aty ja tyiypyujxn ets itkujky yajpaaty ma ja naaxwiinyëtë mëët ja tsajp nyäpyäätyë ets ja tyiypyujxn jamtëm tnajtstijë ma ja Jerusalén kajpnën. Ja David mëët ja mëjja'aytyëjk tëë ënety nyätyukxoxëtë wit këëtsëtypë ets twinkuxtënaaytyë ja Wintsën ja kyukäjpxy,

Jeremias 36:24

Yë yajkutujkpë ets ja wintsëntëjkëty mëti'ipë myëtoowtën wi'ix ja noky axaatsy jyä'äyëtyën, nijënu'un kyatsë'këtyë ets nitii tkamëkja'awëtyë.

Jonás 3:10

Ojts yë Dios t'ixy ko ja Nínive ja'ay jyotwinpijtë ets t'ëxmajtstë ja ëxëëktu'un ëxëëk kajpxën ets ojts y'ënä'äny ko ka'ap tyajkutëkoyanëpë ja Nínive kajpn jëtu'un tä ënety të tnikäjpxyën.

Éxodo 33:4

Ko ja ja'ayëty jëtu'un ja aaw ayuk tmëtoowtë, mëk ojts tjawëtë ets ojts myontë tyuktë. Ka'ap ojts ja nyantsëmëty, tyatsktëyëty, ëkë kyë'ëjiitsëty tpëjkta'aktë.