1 Reyes 21:22 - Biblia Dc en Mixe de Quetzaltepec

²² E ëjts nän tim jëtu'unës ntuna'any ja m'u'unk m'ëna'k ets ja m'u'unk mto'oxytyëjk, mjëëky mëku'uk, tääjës ntuunyën ja Jeroboam, yë myaank yë Nabat ets tä yë Baasá, yë myaank yë Ahías, mëët ko ojts xyajjoot'anpëktë ko tyajpokytyuuntë ja Israel ja'ayëty.

Biblia Mixe de Quetzaltepec

²² E ëjts nän tim jëtu'unës ntuna'any ja m'u'unk m'ëna'k ets ja m'u'unk mto'oxytyëjk, mjëëky mëku'uk, tääjës ntuunyën ja Jeroboam, yë myaank yë Nabat ets tä yë Baasá, yë myaank yë Ahías, mëët ko ojts xyajjoot'anpëktë ko tyajpokytyuuntë ja Israel ja'ayëty.

1 Reyes 21:22 ပူးပေါင်းရင်းမြစ်များ

1 Reyes 12:30

E ya'atëts ojts ja Israel ja'ay yajpokytyunëtë, jä'ä ko ja ja'ayëty jam ja nyëjkxtaaytyë Betel ets Dan ets yë'ë t'ëwtajtë.

1 Reyes 13:34

Ya'atë jëtu'unpë ja tu'unën kajpxën, yë'ë ojts këjää yajpokytyunëtë ja Jeroboam ja y'u'unk y'ok, e paatykyëjxmën ojts ni'amukë kyutëkooytya'atë.

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

1 Reyes 15:34

Je'eyëp ko Baasá ëxëëk ojts winë tuny jam Wintsën wintum, jëtu'un winë tuuny ijxtëm ja Jeroboamën, ko tyajpokytyuuny ja Israel kajpn.

1 Reyes 16:11

Tim je'eyë ja Zimri tyëjkëy yajkutujkpë, tääts tyaj'o'ktaay tëkokyë ja y'u'unk y'ëna'k ets ja y'u'unk tyo'oxytyëjk yë Baasá, nitu'uk ojts tkayajwë'ëmy juuky ja ye'etyëjktëjk ma ja Baasá jyä'äyën, jyiiky myëku'ukën ets wyin'ixyën, mëti'ipë jeexyë mëpaat yaj'ookwinpityën.

1 Reyes 16:26

Jä'ä ko nän tim yë'ë poky ojts tuny mëti'ipë ja Jeroboam tyuunën; yë Nabat yë myaank, ko tyajpokytyuuny ja Israel kajpn, mëti'ipë Wintsën mëk yajpojkën, ja Israel ja'ay ja Tyiosëty, ko ja ja'ayëty ojts t'ëwtajtnëtë ka'apë jeexyë mëpaat t'ëwtatën.

1 Reyes 16:3

Paaty yam ntuknijawë ko tëëjës ntuknipëjktaakë ko nyajkutëkoyä'äny mijts ets ja m'u'unk m'ëna'k, mjëëky mëku'uk; jëtu'un ëxëëk nyajata'any tä ëxëëk jyäjtyën yë Jeroboam, yë myaank yë Nabat.

2 Reyes 10:10

E tyam yajxon xynyijawëtëty ko tëkokyë mëti'ipë yë Wintsën nyikajpxën wi'ix ënety jyata'any kyëpäta'anyën ja Ahab ja y'u'unk y'ëna'k ets ja jyiiky myëku'uk, nitu'uk kyaninaxa'any. Tëkokyë mëti'ipë tyam yaj'ijxp yajtuunpën tëë yë Wintsën tnikajpxta'ay mëët yë tyuunpë Elías.

2 Reyes 9:9

Jëtu'un yë Ahab yë yu'unk y'ëna'k ntunanë tä ja Jeroboam ojts ja y'u'unk y'ëna'k ntuunënës, yë Nabat yë myaank ets tä ja Baasá ja yu'unk y'ëna'k, yë myaank yë Ahías.

Proverbios 17:13

Kajëna'a yë ëxëëkpë kyajëwa'akëty ma ja'ay ja tyëjkën mëti'ipë ëxëëk yajwinpijtypën ja oypyë.