1 Reyes 21:21 - Biblia Dc en Mixe de Quetzaltepec

²¹ Paaty tyam jëtu'un yë Wintsën m'ënë'ëmxëty: Nyajkëta'akäämpyës yë ëyo'on jotmay ma mijtsën ets nyajkëjxta'ajäämpyës yë m'u'unk m'ok, ja ye'etyëjktëjk wa'atsës nyajkëjxta'aja'any ma ja mnaax mkajpnën mëti'ipë mja'ay'äjtypyën.

Biblia Mixe de Quetzaltepec

²¹ Paaty tyam jëtu'un yë Wintsën m'ënë'ëmxëty: Nyajkëta'akäämpyës yë ëyo'on jotmay ma mijtsën ets nyajkëjxta'ajäämpyës yë m'u'unk m'ok, ja ye'etyëjktëjk wa'atsës nyajkëjxta'aja'any ma ja mnaax mkajpnën mëti'ipë mja'ay'äjtypyën.

1 Reyes 21:21 ပူးပေါင်းရင်းမြစ်များ

1 Reyes 14:10

Paaty ëjts, nyajkëta'akäämpyës ja ëyo'on jotmay ma ja m'u'unk m'okën; nyaj'o'kta'ajäämpyës ja ye'etyëjktëjk ma ja mja'ayën mëti'ipë yajpatëpën ma ja Israel kajpnën; nitu'uk nëjkx kyawë'ëmy juuky. Pe'ety jaaxyës nyajnaxa'any, jëtu'un ja ja'ay twinpätmukyën yë putsta'ak.

2 Reyes 14:26

Jä'ä ko yë Wintsën tëë ënety t'ixy wi'ix ja Israel kajpn o'ktëy jyajnën kyëpäjnën, mëti'ipë ka'ap ninu'un pën të tjëkyepy tkukä'äk tkuputëtyën ja ëyo'on jotmay ets ko yë Israel ka'ap nitiiputëjkën të tpaaty.

2 Reyes 10:30

Ënet ja Wintsën t'ënëmaay ja Jehú: Mëët ko mijts oy winë të xytyuny ets tëë jëtu'un xytyuny tä ënety ntsokyënës ja Ahab jyatëty kyëpätëty, tyamës nikäjpxy ko yë m'u'unk m'ok nëjkxëp yajkutuktë jeky, jäpaat ma ënety ja y'ok'u'unk y'ok'ëna'k jyuuk'atën.

2 Reyes 10:17

Ko jam tyëjkëtyë kajpnjotm, jam Samaria, wa'ats ja Jehú tyaj'o'ktaay ja Ahab ja y'u'unk y'ok mëti'ipë ënety juuky të jyaakwë'ëmtën. Ojts tyajkëjxta'ay jëtu'un tä ënety ja Wintsën të t'akäjpxyën mëët ja Elías.

1 Samuel 25:34

E tyamts yajxon n'ënëëmë mëët yë Wintsën xyëëwkyëjxm mëti'ipë yë Israel ja'ayëty tyios'ajtëpën, ko yë'ë të t'axajtuky ets mijts ka'ap nyaj'ëyo'onpaatëty. Ko jeexyë të mkajotëkoy maas yaa të xypyäätyën, jopy kajxyëp yë Nabal nitu'uk yë jyä'äy kyuxëënyë.

1 Samuel 25:22

Paaty ojts tnikäjpxy Dios wintum ets y'ënäny: Dios yë'ëjës xytyiytyunëp pën ëjts ka'apës tääpë ja'ay nyajkëjxta'ay mëët tëkokyë yë y'u'unk tyo'oxytyëjk, jyiiky myëku'uk.

Deuteronomio 32:36

Yë Wintsën nyiwaantu'utäämpy yë nyaax kyajpn, ko ënety t'ixy të y'ënu'kxëtyääynyëtë. Yë Wintsën pya'ëyowäämpy yë tyuunpë kyupëjkpë, ko ënety t'ix, ko ka'ap ma pën mëti'ipë ka'ap myëkëtyën ets mëti'ipë mëkëtyën.

1 Reyes 16:3

Paaty yam ntuknijawë ko tëëjës ntuknipëjktaakë ko nyajkutëkoyä'äny mijts ets ja m'u'unk m'ëna'k, mjëëky mëku'uk; jëtu'un ëxëëk nyajata'any tä ëxëëk jyäjtyën yë Jeroboam, yë myaank yë Nabat.

1 Reyes 15:30

Paatykyëjxm jëtu'un jyäjty kyëpejty, jä'ä ko ojts ja Jeroboam tëkatsy ets ëxëëk winë tuny, ko mëj këjää tyajpokytyuuny ja naax kajpn, mëti'ipë ja Wintsën, yë Israel ja'ay Tyiosëty ojts wiink tjawën ets mëk tyajpojkyën.

2 Reyes 21:13

Tin jëtu'unës ja Jerusalén kajpn ntuna'any o'ktëy tä ja Samaria kajpn të ntunyësën, maas të nyajkëjxta'ayën ja Ahab ja y'u'unk y'ëna'k ets ja jyä'äy; jëtu'unës nyajwë'ëma'any ja naax kajpn pe'ety jaaxy, tä ja'ay yë texy tukpo'otyën wa'ats ets tjupy.

Isaías 3:11

Janty mon janty tuk yajpaaty ja ëxëëk ja'ay, jä'ä ko ëxëëk jyata'any. Jëtu'un nëjkx ja Wintsën tyukumëtoyë tä ënety ja nyëë pyoky kyëjääjëtyën.