1 Reyes 21:2 - Biblia Dc en Mixe de Quetzaltepec

² Tu'kxëëw ojts yë Ahab t'ënëëmë yë Nabot: Mooykyës yë mkam ma jam xyaj'ityën yë mtsatym kyam, jamës ja një'kxy npëky npänëty nkojëty, paatyës ntsojkën'aty jä'ä ko winkon wyi'imy maajës yë nkutujktaknën. Tyam nmo'ojëty nän yë'ë tsatsymkyam je'eyëp ko jaakwäänë oy, ëkë pën m'ënaanp tyamës nkujuyëty.

Biblia Mixe de Quetzaltepec

² Tu'kxëëw ojts yë Ahab t'ënëëmë yë Nabot: Mooykyës yë mkam ma jam xyaj'ityën yë mtsatym kyam, jamës ja një'kxy npëky npänëty nkojëty, paatyës ntsojkën'aty jä'ä ko winkon wyi'imy maajës yë nkutujktaknën. Tyam nmo'ojëty nän yë'ë tsatsymkyam je'eyëp ko jaakwäänë oy, ëkë pën m'ënaanp tyamës nkujuyëty.

1 Reyes 21:2 ပူးပေါင်းရင်းမြစ်များ

1 Samuel 8:14

Nëjkxëp tniwa'any ja oyëtypë ja m'it mnaaxwiinyëtëty, ja mkam mtu'ujëty ma xyaj'itën ja tsatym ets ja olivë ets nëjkx tmo'oy jä'ä ja tyuunpëtëjk.

1 Timoteo 6:9

E mëti'ipë wit meeny je'eyë y'ixk'ajtypyën, jëtu'un kyuka'ajëtë ëxëëktum ijxtëm tii jëyujk kyukääkën ma y'o'ktaknën, ets ëxëëk jyäty kyëpety ko t'atsoky winë, ja atsojkën yë'ë ja'ay ëxëëk yajjajtyp yajkëpejtyp.

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Cantares 4:15

Mëti'ipë yë pëjykyam nyëëkopk'ajtypyën yë'ë mëti'ipë jam tso'onpën ma Líbano y'itjotmën.

Eclesiastés 2:5

Ojts mpëjktä'äky yë nkam ntu'u maas kë'ëm nyaj'ity nyajwintëyën yë aay ujts, aaytyëëm ujtstëëm.

2 Reyes 9:27

Ko ja Ocozías jëtu'un t'ijxy, mëti'ipë jam yajkutujkpën Judá, tä näjyëtu'un kyeky jamtsow Bet-hagan. E ja Jehú ënätyë pyatso'onë ets ni'ënä'ämëy: Yaj'ooktë näjyëtu'un tääpë. Tääts tyaj'o'ktë jap pyujxnwintëkäämpëjoty jam ma Gur kopkën, winkon ma näjyëtu'un txëëwatyën ja itjot Ibleam, Ojts jyajaakke'eky jampaat ma txëëwatyën Meguido. Jam ojts y'o'knë.

1 Samuel 29:6

Paatykyëjxm yë Aquis ojts tmëkäjpxy yë David ets t'ënëmaay: Timjëtu'un ijxtëm tyiyajtënëtyën ko yë Wintsën jyuukyëty, mijts oy yë jot winma'any të xyajkëxë'ëky mëët ëëtsëty. Ets ëjts janty oyës n'ixy njawë wi'ix mijts winë xytyunyën ma yaa ijtakn y'ityën. Ka'ap ma tii ma'at n'ixyës ma ju'unën yaa mijts xynyiminyës. E tyam mijts yajxon n'ënëëmëty ko yë kopktëjkëty ka'ap m'oyjawëty.

1 Samuel 8:6

Samuel ka'ap ojts t'oyjyawë ko jëtu'un ja Israel ja'ayëty y'ëna'antë, ko t'amëtowtë ja yajkutujkpë, paaty ojts ja Wintsën t'ëwaanë,

Deuteronomio 11:10

Ja it naaxwiinyëtë mëti'ipë miits mjä'ä'atantëpën, ka'ap jyëtu'unëty tä ja mëti'ipë jap Egiptë yajpatëpën, ma miits mtso'ontën; jap miits ijty kë'ëm ja mtëëmpt mniptëp ets jëkäm ja nëë xymyëtsoontë, mëti'ipë mtukyajxo'ktëpën ja mpëjktä'äkyëty, ma ja aay ujts jam yontën.

Deuteronomio 5:21

Ka'ap yë mëku'uk yë tyo'oxytyëjk xy'atsojkëty. Ka'ap xy'atsojkpëty yë jyëën tyëjk, kyam tyu'u, myëtuunpë kyupëjkpë, jyëyujk tsyajpkaa ets tëkokyë tii myëët'ajtypyën, nitii xykya''atsojkëty.

Éxodo 20:17

Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

Génesis 16:6

Tä ja Abram y'ëtsooy ja tyo'oxytyëjk: Yë mtuunpë mijts mkë'ë'am'ajtyp, mijts mnija'ap wi'ix xytyuna'any. Ënet ja Sarai tukjoot'anpëjky ja Agar ets koonëm tyajkeky.

Génesis 3:6

Ënet ja to'oxytyëjk t'ijxy, ko ja ujtstëëm janty'oy kyëxë'ëky ets janty oyjyë'kxnë. Tää tu'uk tnëtujky ets ojts tjë'kxy. Jä'ä ko y'atsojkpy ja këpetyajtën. Ojts tmo'oy näjyëtu'un ja nyiye'etyëjk ets ojts tjë'kxy.

1 Reyes 21:3

E ja Nabot tyaa t'ëtsooy ja Ahab: Ka'ap mëpaat yë Wintsën tyajkutuky etsës nyakëty mëti'ipës yë nteety të xytyukkumayën.

1 Reyes 21:6

Tä ja Ahab y'ëtsooy: Jä'ä ko tëëjës njamëtyä'äky mëët yë Nabot, nja''amëtoyës yë kyam, ma y'uvë tyaj'ityë etsës të nja'ënëëmë ko oyës wiinkpë nmo'ojëty ëkë oyës nkujuuyëty, e yë'ë ka'ap tkupëky.