1 Reyes 21:14 - Biblia Dc en Mixe de Quetzaltepec

¹⁴ Ënätyë tuk'ëwa'anëtyë ja Jezabel ko ja Nabot tëë yajkuka'atsy ets tëë y'ooky.

Biblia Mixe de Quetzaltepec

¹⁴ Ënätyë tuk'ëwa'anëtyë ja Jezabel ko ja Nabot tëë yajkuka'atsy ets tëë y'ooky.

1 Reyes 21:14 ပူးပေါင်းရင်းမြစ်များ

Eclesiastés 8:14

E jëtu'unts yaa jyäty kyëpety naaxwiiny naaxkëjxy, ko yë oyjyä'äytyëjkëty jëtu'un jyatë kyëpätë tä jeexyë y'ëxëëk ja'ay'atën ets ëxëëkja'aytyëjk jëtu'un xyony juuky'atë tä jeexyë y'oyjyä'äy'atën. Tyaapë nän nëkoopë yë'ë.

Eclesiastés 5:8

Këtii xytsyë'ëkëty ko muum ma naax ma kajpnën o'ktëy yajtunëty yë ëyoopëja'ay ets je'eyë yajwop yajka'atsëty jëtu'un tä jeexyë yajnipaye'eyën ets ijxtëm jyapaatë'atyën, jä'ä ko tu'uk yë yajkutujkpë tyuunpy winë ëxëëk ijxtëm yë jyot wyinma'anyën jä'ä ko tam yë mëj wintsën tmëëtëty mëti'ipë kuwanëpën ets yu'tsëpën ets mëti'ipë yu'tsëpën nän tam tmëëtëty mëti'ipë näjyëtu'un kuwanëpën.

1 Reyes 21:13

Tä myiintë nimäjtsk ja ja'ayëty mëti'ipë win'ëënantëpën ets tpokynyitija'antë ja Nabot, tukmëtoowtë ja mayjyä'äy; ko ja Nabot ëxëëkjaty ënety ja Wintsën të tijy ets näjyëtu'un ja yajkutujkpë. Ënätyë tju'të ja Nabot jam ma ja mayjyä'äyën ets jam kajpnpë'am ojts tyajnëjkxtë, jam tkuka'tstë.

1 Reyes 21:15

Ko ja Jezabel tnija'awëy, tä t'ënëmaay ja Ahab: Nëjkx ets jä'ä'at yë Nabot yë nyaax kyam jampë yajpaatyën Jezreel, mëti'ipë ënety ka'ap mtukmëtooka'anyën. Nabot ka'ap ja y'ëkjuuky'ajnë, tëë ja y'ooky.

2 Reyes 10:8

Ko jam jyä'äjty ja kukäjpxy, ënät t'ënëmaay ja Jehú: Tëë yajmëja'ty ja kyëpajkëty ja yajkutujkpë ja yu'unk y'ëna'k. Tä ja Jehú ni'ënä'ämëy: Jam nëjkx mäjtsk nikupupy pëjkta'aktë ma kajpn yajnitëkën, wä'än jam t'ity jopypyaat.