1 Reyes 20:7 - Biblia Dc en Mixe de Quetzaltepec

⁷ Ënet ja Ahab ojts twoowmujkta'ay ja mëjja'aytyëjk mëti'ipë jam yajpatëpën ma ja naaxjot tnitänën ets t'ënëmaay: Ijxtëm miits xynyijawëtën tääpë ja'ay yë'ë y'ixtääpy wi'ix ëxëëk njatëtyës nkëpätëtyës, tëëjës nja'ënëëmë ko oy yë'ë tjä'ä'atëty yë n'u'unk nto'oxytyëjkës, yë n'u'unk n'ëna'kës ets nwit nmeenyës.

Biblia Mixe de Quetzaltepec

⁷ Ënät ja Ahab ojts twoowmujkta'ay ja mëjja'aytyëjk mëti'ipë jam yajpatëpën ma ja naaxjot tnitänën ets t'ënëmaay: Ijxtëm miits xynyijawëtën tääpë ja'ay yë'ë y'ixtääpy wi'ix ëxëëk njatëtyës nkëpätëtyës, tëëjës nja'ënëëmë ko oy yë'ë tjä'ä'atëty yë n'u'unk nto'oxytyëjkës, yë n'u'unk n'ëna'kës ets nwit nmeenyës.

1 Reyes 20:7 ပူးပေါင်းရင်းမြစ်များ

2 Reyes 5:7

Ko ja yajkutujkpë jampë Israel tyaj'ëwatsy ja noky, ënät nyänyikë'tsë mëët ja joot'an ets ko ja amay jotmay tyuktëjkëyë: ¿Ti Tiosës jëtää ëjtsë, etsës tu'uk yë ja'ay nyajtuknikäxëtyë mëti'ipë pu'uts pa'am pëjkëpën etsës nyajtso'ok nyaj'akëtä'äkyëtyë? Ixtë yajxon, ko ya'atë ja'ay winma'any ixtääpy je'eyë paatyës nëkoo xymyëmayë.

Daniel 11:27

Ënet ja yajkutujkpëtëjk, ja winma'any tpaata'antë wi'ix myëta'aktëtyën ets nëjkx tu'ukyë kyääymyuktë ma ja kaaypyäjnën, nixim niyam nëjkx jyanäwyin'ëëna'anëtë je'eyëp ni pën nëjkx kyayajwin'ëëny jä'ä ko ka'ap tpaatynyëm jëtu'un ja nyixëëw.

Proverbios 24:2

Jä'ä ko yë'ëjëty yi'iyë myëmaay myëtajtëp wi'ix ëxëëk y'ëtë'ëts y'ëna'antëtyën, ets yi'iyë xëmë kyajpxtëp myëtyaktëp wi'ix winë tëkatsy tuntëtyën.

Proverbios 11:27

Mëti'ipë ja'ay oy winë tyuunpyën, oy ja'ay jyawëty; e mëti'ipë ëxëëk winë tyuunpyën, ëxëëk ja'ay y'ixyë.

Proverbios 11:14

Pën tu'uk yë yajkutujkpë ka'ap oy y'ëne'emy, yë naax kajpn o'ktëy jyäty kyëpety; ënät winë oy wyimpëtsëmy jyëjpëtsëmy ko nyimay'atë mëti'ipë najts'ë'ëw najtskajpxëtëpën.

Proverbios 6:14

Ja jyot wyinma'any ëxëëk yajpaaty, aakjä'ä myääpy tyäjpy wi'ix winë ëxëëk tunëtyën ets wi'ix pën tyajjoot'anpëkëtyën.

Salmos 140:2

mëti'ipë yi'iyë nyipëjktakëtyëpën yë jëën tsip ets janaam jatsojk je'eyë tsyip'ixta'atë.

Salmos 62:3

¿Jëna'apaat miitsëty xynyipëtë'ëka'antës ets xyajkëtawa'antës tä ja'ay tëjk potsy tjityën ëkë tä muum yë nakäm jëtu'unyë nyaaxmëkëtawën?

Salmos 36:4

Ko jam wyiitykyëjxm kyo'knë, tääts myäy tyäjy wi'ix ja ëxëëkpë tunëtyën; jä'ä ni'ik ja ëxëëkpë tsyojkën'ajtyp ets ka'ap t'ëk'ëxmatsanë.

Salmos 7:14

Ixtë ja ëxëëk ja'ay, jëtu'un ja pëjkën ijxën tmëëtëty tä to'oxytyëjkën mëti'ipë u'unk yajminäämpyën naaxwiiny. Je'eyëp ko ja ëxëëk ja'ay yë'ë myoxjoty myëët'ajtyp ja ëxëëkajtën ets yë'ë yajminäämpy naaxwiiny yë win'ë'ënën antakën.

Job 15:35

Ujts yajpaatë mëët yë ëxëëk jot ëxëëk winma'any tä tu'uk yë to'oxytyëjk yaj'ixyën mëti'ipë u'unk maay tyimy'äjtypyën ets tyajmina'any naaxwiiny yë ëyo'on jotmay; mëëtkyëjxm ko yi'iyë të tuunk'atë win'ë'ën winxajën.

1 Crónicas 28:1

David ojts tyajmujkta'ay jam Jerusalén tëkokyë ja kutuunktëjkëty, kopktëjkëty ets mëti'ipë kyutënaaytyëpën ja myëku'uktëjk; mëti'ipë tsiptuunpë wintsën'ajtëpën ma yajkutujkpën, mëti'ipë wyintënaaytyëpën ja tsiptuunpëty; mëti'ipë tu'kpëkyjyäty wyintënaaytyëpën ja tsiptuunpëtëjkëty, mëti'ipë ja naax kam yajtuknipëjktën tniwintsën'atëty ets ja jëyujk tsajpkaa ets ja y'u'unk y'ëna'këty ets ja ja'ayëty mëti'ipë ijtëpën naaxjoty kajpnjoty ets tëkokyë ja tsiptuunpëtëjkëty.

1 Crónicas 13:1

David ojts tyajtëy ja mëti'ipë nyiwintsën'ajtëpën ja tsiptuunpëtëjk, mëti'ipë wyinye'eytyëpën ja myëku'ukëty, ja mëti'ipë wintsën'ajtëpën,

1 Reyes 8:1

Ënet ja Salomón ojts tyajtu'ukmuky jam Jerusalén ja mëjja'aytyëjkëty ets kopktëjkëty mëti'ipë ja jyiiky myëku'uk nyikutuunk'ajtëpën, jampë yajpaatën ma ja Israel kajpnën; yë'ë yajtsoonantëp ja Wintsën ja kyaaxë jam Jerusalén, ma ja David ja kyajpnën.

1 Reyes 20:6

Ets ëpëky jëpom nkäxä'änyës yë ntsiptuunpëtëjkës jam ma mkutujktaknën ets nëjkx tuk'ix tukwoonëtë ja mkutujktakn ets ja jyëën tyëjkëty ja mwintsëntëjk mëti'ipë mëët mtuunmukyën, mëti'ipë ënety tsyojkën'ajtëpën yë'ë tjä'ä'ata'antë.

1 Reyes 20:8

Tä ja mëjja'aytyëjkëty y'ënantë: Këtii nëkoo xytyim mëjpëjktä'äky tä jya'ëna'anyën. Jëtu'un y'ëtsoowtë ja mëjja'aytyëjkëty ets ja mayjyä'äy.

1 Reyes 21:8

Tä ojts tja'ay may ja noky mëti'ipë kyäjxwa'kxën, yajxon tsaaytyääy mëët ja yajkutujkpë Ahab ja kyë'ëkaa, yajtuknikäjxtë ja mëjja'aytyëjkëty ets ja kopktëjkëty jampë yajpaatën ma Nabot kajpnën.