1 Reyes 20:42 - Biblia Dc en Mixe de Quetzaltepec

⁴² Ënet ja käjpxynyajxpë y'ënëmaayë: Jëtu'un yë Wintsën y'ënä'äny: Mëët ko të xyajke'eky ja ja'ay mëti'ipë ënety ja Wintsën të tuknipëjktaakën ets y'ookëty, yë mjuukyajtën yë'ë ënät mëët xykyëpätëty ja pyoky ets mnaax mkajpn yë pyoky.

Biblia Mixe de Quetzaltepec

⁴² Ënät ja käjpxynyajxpë y'ënëmaayë: Jëtu'un yë Wintsën y'ënä'äny: Mëët ko të xyajke'eky ja ja'ay mëti'ipë ënäty ja Wintsën të tuknipëjktaakën ets y'ookëty, yë mjuukyajtën yë'ë ënät mëët xykyëpätëty ja pyoky ets mnaax mkajpn yë pyoky.

1 Reyes 20:42 ပူးပေါင်းရင်းမြစ်များ

1 Reyes 20:39

Ets ko jam nyäjxy ja yajkutujkpë, ënät ja Wintsën ja myëtuunpë mëk yujk'ënany: Yajkutujkpë, mijts yam n'ënëmääpy, ko jamës të nyajpaaty jëjp'am ma ja tsip të tyunyën, e jam ma ja tsiptuunpë jam të yajpaatën, jam tu'uk të pyëtsimy ja ja'ay mëti'ipës të xytyukniminyën tu'uk yë tsumjyä'äy. Etsës të xy'ënëëmë koos nkëwen'atëty tääpë tsumjyä'äy, e pën nyajkekpyës, ëjtsëk n'ëtsoowinpitëp mëët ja nkë'ëmjuukyajtënës, ëkë pën kajts n'ooka'anyës jyëkyejpy näjyuuypëtsëmëtëtyës mëët ja poop pujxn meeny tëkëëk mil

2 Reyes 8:12

ets ja Hazael yajtëëwë: ¿Tii ko myä'äxy Wintsën? Tä ja Elisejë y'ëtsooy: Jä'ä ko nija'apës wa'ats ko mijts ëxëëk nëjkx jëna'a xytyuny yë Israel ja'ayëty, nëjkxëp yë nyaax kyajpn ets tsyënaaytyakn xynyino'kë ets y'ëna'ktëjk xyaj'o'k xyajtëkooyë, yë'ëpaat yë pi'k ëna'k mëti'ipë je'eyë miinpnëmën naaxwiiny ets mëti'ipë jap tyaakjootjoty yajpatpnëmën; nëjkxëp ja to'oxytyëjktëjk ja jyot myääts xytsyujkë xyjyë'të.

2 Reyes 6:24

Ko jëtu'un y'ëkkëjxy y'ëknajxy, ja Ben-adad, jampë yajkutukyën Sirië, ënät tyajmujktaay nitëkokyë ja tsyiptuunpëtëjk ets tyajnatujktë ja Samaria kajpn.

1 Reyes 20:34

Tä ja Ben-adad y'ënëmaayë: Tyam jatëkok nmooytya'ajëty ja kajpn mëti'ipë ja nteetyës pyëjkëyën ja mteety; mijts oy jam mjuyëty mkëpätëty ëkë mtookëty myajkëty Damaskë, jëtu'un tä ja nteetyës jamën Samaria. Ëjts nän tyamës mijts n'ëxmatsëty, jëtu'un y'ëtsooy ja Ahab. Jëtu'un'äämpy ja Ahab tuuny ja käjpxytyu'unën mëët ja Ben-adad ets t'ëxmajtsy ets nyëjkxnë.

1 Samuel 28:18

Jä'äkyëjxm ko mijts ka'ap të xypyatuny ijxtëm ja Dios të mja'ëne'emyën, ni të xykyayajkutëkoy ja Ismael ja'ayëty, tä ojts mjayaj'ënëëmën. Paatykyëjxm yë Dios tyam ka'ap m'ëtsoyë.

2 Samuel 12:7

Ënet ja Natán y'ënëmaayë: Mijts tääpë ja'ay. Jëtu'un ja Dios të y'ënä'äny mëti'ipë wyintsën'ajtypyën yë Israel kajpn: Ëjts mijts të nwin'ixy ets xynyikopk'atëty yë nnaax nkajpnës, mijts ka'ap të n'ëxmatsy ets Saúl myaj'ook myajtëkoyëtëty.

1 Reyes 20:41

E ja käjpxynyajxpë poj'am nyätyukwinpëjktutë ja wyintum ets ja yajkutujkpë t'ijxy ko jä'ätëm ja ja'ay mëti'ipë ja Wintsën myëtuumpyën.