1 Reyes 20:39 - Biblia Dc en Mixe de Quetzaltepec

³⁹ Ets ko jam nyäjxy ja yajkutujkpë, ënät ja Wintsën ja myëtuunpë mëk yujk'ënany: Yajkutujkpë, mijts yam n'ënëmääpy, ko jamës të nyajpaaty jëjp'am ma ja tsip të tyunyën, e jam ma ja tsiptuunpë jam të yajpaatën, jam tu'uk të pyëtsimy ja ja'ay mëti'ipës të xytyukniminyën tu'uk yë tsumjyä'äy. Etsës të xy'ënëëmë koos nkëwen'atëty tääpë tsumjyä'äy, e pën nyajkekpyës, ëjtsëk n'ëtsoowinpitëp mëët ja nkë'ëmjuukyajtënës, ëkë pën kajts n'ooka'anyës jyëkyejpy näjyuuypëtsëmëtëtyës mëët ja poop pujxn meeny tëkëëk mil

Biblia Mixe de Quetzaltepec

³⁹ Ets ko jam nyäjxy ja yajkutujkpë, ënät ja Wintsën ja myëtuunpë mëk yujk'ënany: Yajkutujkpë, mijts yam n'ënëmääpy, ko jamës të nyajpaaty jëjp'am ma ja tsip të tyunyën, e jam ma ja tsiptuunpë jam të yajpaatën, jam tu'uk të pyëtsimy ja ja'ay mëti'ipës të xytyukniminyën tu'uk yë tsumjyä'äy. Etsës të xy'ënëëmë koos nkëwen'atëty tääpë tsumjyä'äy, e pën nyajkekpyës, ëjtsëk n'ëtsoowinpitëp mëët ja nkë'ëmjuukyajtënës, ëkë pën kajts n'ooka'anyës jyëkyejpy näjyuuypëtsëmëtëtyës mëët ja poop pujxn meeny tëkëëk mil

1 Reyes 20:39 ပူးပေါင်းရင်းမြစ်များ

2 Reyes 10:24

Tääts tyëjkëtyë jap tsajptëkoty ja mëti'ipë mëtëy y'ëwtajtëpën ja Baal ets tmo'oja'antë ja wyintsë'kën, tukwinooka'an tukwinxama'antë ja jëyujk'ooky. E ja Jehú ojts tpëjktä'äky yë jyä'äy, tsiptuunpëtëjkëty ets t'ënëmaay: Pën yë ja'ay yajkekpy mëti'ipë miits tyam nkë'ëmooytyëpën ets xyaj'ooktëty, miits kë'ëm mkumëtowtëp.

Proverbios 13:8

Yë kumeenyjyä'äy wyit myeeny muum yajpëtsëëmëp. Tu'uk yë ëyoopëja'ay kajëna'a pën kya'ëtsu'uxya'axëtëty.

Proverbios 6:35

Ka'ap tmëpëky oy pën wi'ix jya''ënëmaayënë ets oy tii jyayajmooynyë.

Salmos 49:7

e oyts tii may tjamëët'atë ka'ap yë'ëjëty yajtso'onka'anëtë, ets ka'ap tjëkyepy yë Dios tukmëjuytyëty ets ja jyuukyajtën nyitso'oktëty.

Job 36:18

Mëk yë mjuukyajtën xykyëwent'atëty ets këtii nëkoo wit meeny mnätyukwin'ëënëtëty, këtii yë wit meeny yë'ë may xytsyojkën'atëty.

1 Reyes 20:42

Ënet ja käjpxynyajxpë y'ënëmaayë: Jëtu'un yë Wintsën y'ënä'äny: Mëët ko të xyajke'eky ja ja'ay mëti'ipë ënety ja Wintsën të tuknipëjktaakën ets y'ookëty, yë mjuukyajtën yë'ë ënät mëët xykyëpätëty ja pyoky ets mnaax mkajpn yë pyoky.

Éxodo 21:30

E pën je'eyë tkukëpety ijxtëm jeexyë tyim'ookyën, jëtu'un tkëpätëty tä ënety yajtuknipëkyën ets ja jyuukyajtën tsyo'okëty.

1 Reyes 20:40

E ëjts jä'ä ko tamës ënety wiinkpë ja ntuunk, täätsës ja tsumjyä'äy të xykyuke'eky. E ja yajkutujkpë jampë y'ëne'emyën Israel, tyaa y'ëtsoowë: Mijts kë'ëm yam ja mpoky të xynyikäjpxy ets kë'ëm jëtu'un ja tëytyu'unën të mnätyuknikäjpxyë.

Jeremias 48:10

Poky yë ja'ay wyi'imy mëti'ipë ka'ap winë aaw winëjot tunyën mëti'ipë ja Wintsën të tyuk'ëne'emyën. Poky yë ja'ay wyi'imy mëti'ipë ka'ap jyam'atyën ko ja o'kën y'itëty.