1 Reyes 20:31 - Biblia Dc en Mixe de Quetzaltepec

³¹ Ënet ja tsyiptuunpëtëjk y'ënëmaayëtë: Yajnijawë'ajtp ko yë Israel ja'ayëty kyuuytyuuntëp yë y'aaw y'ayukëty ko tii mëët nkäjpxy'ajtmëty; paaty tsojk ntuktëjkëmë tukwit tuktujkxy ets nätyukyo'kpëjkëmëty yë tejpxy, jëtu'unts ninëjkxmëty ja yajkutujkpë jampë yajpaatyën Israel ets n'ijxmëty kajekyën xynyapokymyä'kxmëty ma njuukyajtën'ajtëmën.

Biblia Mixe de Quetzaltepec

³¹ Ënät ja tsyiptuunpëtëjk y'ënëmaayëtë: Yajnijawë'ajtp ko yë Israel ja'ayëty kyuuytyuuntëp yë y'aaw y'ayukëty ko tii mëët nkäjpxy'ajtmëty; paaty tsojk ntuktëjkëmë tukwit tuktujkxy ets nätyukyo'kpëjkëmëty yë tejpxy, jëtu'unts ninëjkxmëty ja yajkutujkpë jampë yajpaatyën Israel ets n'ijxmëty kajekyën xynyapokymyä'kxmëty ma njuukyajtën'ajtëmën.

1 Reyes 20:31 ပူးပေါင်းရင်းမြစ်များ

Génesis 37:34

Ënet yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënety të y'ooky të tyëkoy.

2 Samuel 14:2

paaty ojts tnikäxë tu'uk yë to'oxytyëjk kuwinma'anypë ets këpetypë, jam Tekoa kyukajpnëty. Ets t'ënëmaay: Yë'ë yam mpëjktsowäämpy ets mnäpyëjkta'akëtëty tä jeexyë mëk ja monyëtukyë xymyënaxy xyajnaxyën, yë'ë mtuktëkëp yë tukwit ets këtii yë on mnätyukjaaxëtëty këtiipë mpa'akxuukëty, jä'ä ko jëtu'un mëpaat mkëxë'ëky tä jeexyë ja monyëtukyë mtuktëjkëyënën mëët ko ja o'kën tëko'oyën të y'ity.

2 Samuel 3:31

Kom ok yë David ojts tuk'ëne'emy yë Joab ets Abisai ets tuktëkëtëty yë ëxëëk wit pakwit ets tnimon tnituktëty ko ënety ja Abner të y'o'knë, ja David ix'am ojts tpaye'ey ja o'kpë ko ojts yajmënëjkxnë ma nyaax tëkëja'anyën.

1 Reyes 20:23

E ja yajkutujkpë jampë y'ëne'emyën Sirië, ja myëkutuunktëjkëty ojts näjyëtu'un y'ënëmaayëtëpë ja tsyiptuunpëtëjk: Yë Wyintsënëty yë Israel ja'ayëty jä'ä ko jam yajpaaty kopkkëjxm tunkëjxm, paaty të xymyëmëtakëmë; tyam jä'ä ntu'unmëty jam mëët ntsipjëtu'unmëty joyjotm jëtu'unts nmëtakmëty ëëtsajtëm.

1 Reyes 20:32

Ënet tuktëjkëtyë ja tukwit tukpatsy ets nyätyukyo'kpëjkëtë ja tejpxy, tä jam ojts nyëjkxtë ma ja yajkutujkpën jam Israel ets t'ënëmaaytyë: Jëtu'un yë Ben-adad y'ënä'äny, ko mëpaatëk jeexyë xytyuny yë mëyajtën ets xynyimä'kxëty yë jyuukyajtën. Tä ja Ahab y'ëtsooy: ¿Tixë juukynyëmën jam yajpaatyë? Jëtu'unës të njawë tääjës yë nmëkä'äxën.

2 Reyes 5:13

Ko jëtu'un ja tyuunpë y'ijxëtë, ënät nyimiinëtë ets y'ënëmaayëtë: Wintsën, kooxyëp jeexyë tääpë ja'ay mëti'ipë Wintsën myëtuumpyën të mtuk'ëne'emyë mëti'ipë jaakwäänë tsip xytyunëtyën, ¿këtii jëtäätën jeexyë xytyunyë? E tääpë mtuk'ëne'emyën ka'ap yowë ijty ninu'un jyatsipëty, tim je'eyë jeexyë mtsi'iy ets mtso'okëty.

2 Reyes 7:4

Ko njatëjkëmëty jap kajpnjoty o'kën je'eyë nitëjkëmëp jä'ä ko yuu jap jëtijtp; e ko yääyë npo'kxmëty, nän o'kmëp je'eyëm. Nikë ja'amtë jam ma sirië ja'ayëty tsiptuunpëtëjkëty yajpaatën; ko xynyimä'kxmëty tääts njuuky'ajtmëty; e pën kajts, ëtsajtëm je'eyëm n'ooka'anëmë.

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kuttujkën mëti'ipë jää ijtpën. E pën xyaj'o'ktëpës, wä'än t'ixy.

Job 2:4

E ja tsajpjotmëtë kukäjpxy mëti'ipë ni'ë'ënëpën jëtu'un ja Wintsën t'ëtsooy: Ko ja'ay ka'ap tii jyäty kyëpetyë oy xëmë nyäjyawëty. Yë ja'ay nyajts'ijxëtyääpy oytyiijëty mëti'ipë myëët'ajtypyën, nëkoo ko kë'ëm nyäyajtso'okyë.

Salmos 69:11

e koos ënät nnäxyoxyë mon tuk etsës ntuktëkë yë wit mëti'ipë kuump u'kxpën, je'eyës nyajnëxi'iky nyajtukxi'iky.

Proverbios 20:28

Tu'uk yë yajkutujkpë janty mëk jam y'ity ma yajkutukyën, ko tuny winë mëët ja oyjyot oywyinma'any ets mëët ja tëyajtën.

Isaías 16:5

Yë David yë y'u'unk y'ok yë'ë nëjkx tpaaty ja kutujktakn, mëti'ipë yajkutukaanpën mëët ja tëyajtën. Mëtëy nëjkx winë tnipaye'ey, jëtu'un tä y'ixëtyën ja poky ets mëtëy tyaj'ita'any ja ënä'ämën tëyajtën.

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Isaías 37:1

Ko ja yajkutujkpë Ezequías tmëtoowpaty jëtu'unpë ja ayuk, ojts tkë'ëtswä'kxy ja wyit ets nyätyukxojxë ja wit mëti'ipë kuumpën u'kxpën mëët ko ëxëëk nyäjyawëty ets ojts nyijkxy ma ja Wintsën ja tsyajptëjkën.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Apocalipsis 11:3

Nkäxäämpyës nimäjtsk yë ijxpë tuunpë, yë'ë wyit'ajtëp yë wit mëti'ipë u'kxpën ets kuumpën ets nikajpxa'antë mëti'ipë tunan jatanëpën tu'uk mil ja mäjtsk mëko'px ja tëkë'px xëëw.