1 Reyes 20:30 - Biblia Dc en Mixe de Quetzaltepec

³⁰ E ja mëti'ipë ojts jyaakwë'ëmtën juuky jam ojts nyaskääkëtë ma ja Afec kajpnën, je'eyëp ko ja kajpn napots ojts kyëtäy ets nyijijtpäjtaaytyë ja ni''i'pxmilpë ja sirië ja'ayëty mëti'ipë ënety të kyä'äktën. Ja Ben-adad ojts näjyëtu'un kye'eky ets jam jyä'äjty kajpntum, winjëën wintëjk ojts jyaaknäyu'utsyë.

Biblia Mixe de Quetzaltepec

³⁰ E ja mëti'ipë ojts jyaakwë'ëmtën juuky jam ojts nyaskääkëtë ma ja Afec kajpnën, je'eyëp ko ja kajpn napots ojts kyëtäy ets nyijijtpäjtaaytyë ja ni''i'pxmilpë ja sirië ja'ayëty mëti'ipë ënäty të kyä'äktën. Ja Ben-adad ojts näjyëtu'un kye'eky ets jam jyä'äjty kajpntum, winjëën wintëjk ojts jyaaknäyu'utsyë.

1 Reyes 20:30 ပူးပေါင်းရင်းမြစ်များ

2 Crónicas 18:24

E Micaías tyaa y'ëtsoowë: Jäänëm xynyijawëty ko ënety yu'utsy kë'ëy mjaakjëtity winjëën wintëjk.

1 Reyes 22:25

Ets ja Micaías y'ëtsooy: Jäänëm xynyijawëty ko ënety winjëën wintëjk mkäknë mpujnë.

1 Reyes 20:26

Kom jëmëjt yë Ben-adad t'ijxmujktaay ja Siria ja'ayëty ets ojts jam nyëjkxtë Efec, jamts mëët tsyiptuna'antë ja Israel ja'ayëty.

Lucas 13:4

Ets ja ja'ayëty mëti'ipë o'ktën nimajkmokxtëkëëk ma ja Siloé potsy nyijijtpäjtëtën, ¿wä'än jëtää ni'ik pyokyjyä'äy'atë ets ka'ap jyëtu'unëty mëti'ipë tsënaaytyë Jerusalénkë?

Amós 9:3

Ko jam jyanäyu'utsëtëty këjxm ma Carmel kopkën, mpaja'tëpës jampaat; ko jap pën jyanäyu'utsëtëty nëëpa'tkë'p, nëjkxëpës jap ntuknikäxtë yë nëë jëyujk mëjpë ets tsyu'utsëtëty;

Amós 5:19

Jëtu'un nëjkx jää jyäty kyëpety tä ja'ay tkuke'ekyën yë kaa ets twinkuja'të yë osë, ëkë ko pën tyëkë tyëkoty ets jam kyëxajy ma tu'uk yë tsa'anyën ets tsyu'utsyë.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Jeremias 48:44

Mëti'ipë ënety kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënety jutjoty pëtsëëmpën, jam nëjkx nyaskääkë ma yajxokyën, jä'ä koos ënety jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Isaías 24:18

Mëti'ipë ja käkpën jutjoty nëjkx kyukääkë, e mëti'ipë jutjoty ja pëtsëëmpën jam nitëyë nyëjkxa'any ma të yajxokyën. Mëk komtuu jam tsajpjotm tsoonaanp ets nëjkx ja naaxwiinyëtë y'ëtëtstä'äky.

Salmos 18:25

Mijts Wintsën oy winë xytyuny ma ja'ayën mëti'ipë oy winë tyuunpyën, ets tëyajtën winë xytyuny ma ja'ayën mëti'ipë tëyajtën winë tyuunpyën,

1 Reyes 20:20

Këëktu'uk ojts tyaj'ooktë ja myëtsipëty ets ja sirië ja'ayëty kyäktaaytyë. Tä ja Israel ja'ayëty tpatso'ontë, ojts mëktä'äky tjanajtspaatëja'antë ja Ben-hadad, yë'ë kwaaykyijxy ojts poj'am kye'eky, mëët nikanaak ja tsyiptuunpëtëjk aak këwaaykyijxëty.

1 Reyes 20:10

ja Ben-adad ojts jatëkok tnikäjpxykyäxë ja Ahab ets t'ënëmaay: Yë tiosës xytyiytyunëp, pën wë'ëmp jam yë naaxway Samaria mëti'ipës jeexyë nmoopyën këëk tu'knuuky ja ntuunpëtëjkës.

Josue 13:4

jampë yajpaatën apa'tkë'ëmtsow ma ja y'it nyaaxwiinyëtën ja Canaán ja'ayëty mëti'ipë jam tso'ontakpën ma yajpaatën yë Sidónja'ayëty ets jyä'ty jam Afec ma ja tsëpa'an tmëët'atën mëët yë Amor ja'ayëty.

1 Samuel 29:1

Ja filistejë ja'ayëty wa'ats nyäy'ijxmujktaayëtë jam Afec. E yë Israel ja'ayëty jam ojts jyajta'aktë ma tu'uk ja nëëwookyën, ma txëëwatyën Jezreel.

1 Reyes 20:29

Wëxtujk xëëw ojts jam y'itë ja sirië ja'ayëty ets Israel ja'ayëty nixim niyam nyäwyinku'ixëtë, kom wëxtujk xëëw ojts tsyiptuntë. Jä'ä xëëw yë Israel ja'ayëty ojts tyaj'ooktë yë sirië ja'ayëty mëti'ipë teky'am tsiptuuntëpën nitu'kmëko'px mil.

2 Reyes 10:24

Tääts tyëjkëtyë jap tsajptëkoty ja mëti'ipë mëtëy y'ëwtajtëpën ja Baal ets tmo'oja'antë ja wyintsë'kën, tukwinooka'an tukwinxama'antë ja jëyujk'ooky. E ja Jehú ojts tpëjktä'äky yë jyä'äy, tsiptuunpëtëjkëty ets t'ënëmaay: Pën yë ja'ay yajkekpy mëti'ipë miits tyam nkë'ëmooytyëpën ets xyaj'ooktëty, miits kë'ëm mkumëtowtëp.

Isaías 30:13

paaty miitsëty mmëët'ajtëp ja poky. Jëtu'un miitsëty tä tu'uk potsyën mëti'ipë të kyë'tstaaynyën, ma ënety ka'ap tii xymyäytyën xytyajtën jää kyëtawa'any;

Jueces 9:40

E ja Abimélec jëjp'ixy ënety jam tyimyajpaaty, jëtu'unyë tpawojpkäktaay ja myëtsip ets ja Gáal ojts kyuke'ekyë. Ënet tpatso'ony ets jampaat tpaja'ajty kajpn winkon, yajxon mayjyä'äy y'o'ktë jä'ä xëëw.

2 Samuel 18:8

Ja tsip yajxon ojts myëktaknë mëjwiin këjää jä'ä xëëw, ja yukjot ni'ik ja ojts yaja'ay'o'knë këtiinëm jyëtu'unëty ja tujn pujxn.

2 Reyes 9:2

ko jam mja'tëty, tääts xy'ixta'ajëty yë Jehú, yë myaank yë Josafat ets yë'ë y'ok'u'unk yë Nimsi. Jap mtëkëty tëkoty ma jap yajpaatyën, ëpëky xywoownëjkxëty, wiinktëjk;