1 Reyes 20:27 - Biblia Dc en Mixe de Quetzaltepec

²⁷ Näyjyëtu'un ja Israel ja'ayëty ojts t'ijxmuktë ja tsyiptuunpëtëjkëty ets tmooytyääytyë mëti'ipëjaty yajtunantëpën, tääts tnitso'ontë ja sirië ja'ayëty. Ko jam nyäpyëjktakëtë awinmtsow ma ja sirië ja'ayëtyën, jëtu'un je'eyë jëkäm yaj'ixtë may tsyajppax yowë jam tënaaytyëp mäjtsk këëyi'iky, jä'ä ko ja sirië ja'ayëty ni'iknimay ënety kyëxë'ëktë ets ojts tyajwintujkta'atë ja joyjyot.

Biblia Mixe de Quetzaltepec

²⁷ Näyjyëtu'un ja Israel ja'ayëty ojts t'ijxmuktë ja tsyiptuunpëtëjkëty ets tmooytyääytyë mëti'ipëjaty yajtunantëpën, tääts tnitso'ontë ja sirië ja'ayëty. Ko jam nyäpyëjktakëtë awinmtsow ma ja sirië ja'ayëtyën, jëtu'un je'eyë jëkäm yaj'ixtë may tsyajppax yowë jam tënaaytyëp mäjtsk këëyi'iky, jä'ä ko ja sirië ja'ayëty ni'iknimay ënäty kyëxë'ëktë ets ojts tyajwintujkta'atë ja joyjyot.

1 Reyes 20:27 ပူးပေါင်းရင်းမြစ်များ

Jueces 6:5

E komë nimay ijty yajxon myintë ets ko ja wyittëjk tpëjktakta'atë yajxon tyajwintujkta'atë ja it naaxwiinyëtë ets mëët ja jyëyujk tsyajpkaajëty, näjyëtu'un ets ja may jëyujk jëku'ux.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

1 Samuel 14:2

Yë tyeety jam ënety yajpaaty tunkëjxm ma tu'uk yë mëj kepypya'tkën, ma ënety yë ja'ay të tyajpajk'atën yë tsajpmok. Jam ënety näjyëtu'un yajpaatë yë tsiptuunputëjk nitëtujk mëko'px.

Jueces 7:8

Ënet ja Gedeón t'ënëmaay ja ja'ayëty mëti'ipë ënety ka'ap nyëjkxa'antën tsiptuunpë: Miitsëty oy mnëjkxtëty ma mtëjkëtyën. Yë'ë tëy yajwë'ëmtë ja mxutyëty, ja mnëë'apëjkënëty ets ja mtsajpkaawajëty. Tää ojts je'eyë mëët wyi'imy ja ja'ay nitëkëëk mëko'px ets ojts nyëjkxtë jam anëkëjxmtsow ma ja Madián ja'ayëty ënety të näpyëjkta'akëtën jamts yë'ëjëty nyäpyëjktakëtë, ma ja joyjyot jam tsyo'ontä'äkyën.

Josue 1:11

Tukjëtijtëtya'atë yë it naaxwiinyëtë maajëty tsyëënëtën yë Israel ja'ayëty ets xy'ënëëmëtëty wä'än tnäjyëjp'ixëtë mëët ja jyi'kxy pyikyëty tääts wëxtëjkm ja tso'onk y'itëty ets yajtuknaxëty ja Jordán mëjnëë ma ja it naaxwiinyëtë niwa'aka'anëmën mëti'ipë ja Wintsën të xymyo'oyëmën.

Deuteronomio 32:30

Tu'uk je'eyë ja myëtsip mëti'ipë nitu'kmil yajkekpyën ja myëtsip. ¿Wi'ix jëtää ko jyëtu'unëty? E ja mäjtskpë ja myëtsip majk mil tyajke'eky. ¿Näy wi'ix ko jyëtu'unëty? E ¿tiikyëjxm ko jëtu'un jyajnëtë kyëpäjnëtë? Yë'ë ko Wintsën jëtu'un të tuknipëjktaakë, mëti'ipë ijty këwent'ajtëtëpën. E tyam jä'ä ko tëë y'ëxmajtsënëtë, paaty o'ktëy jyajnëtë kyëpäjnëtë ma ja myëtsipëtyën.

Jueces 6:3

Xëmë winjëmëjt ko ënety yë Israel ja'ayëty muum yë pyëjktä'äky tyaj'itë ënätyë ijty myintë yë Madián ja'ayëty ets Amalec ja'ayëty jëtu'un ja pëjktä'äky yë'ë tyajnëkxta'atë.

Jueces 7:12

E ja Madián ja'ayëty, Amalec ja'ayëty ets tëkokyë jënu'un ënety jam tsyoontën xëëwpëtsëmtsyow ets të nyäpyëkëtë, tu'ukyë ënety jam joyjyotm të nyäpyëjkta'akëtë tä yë poomxots tyajwintukyën muum yë kam tu'u ko kyëtyeyä'äny. Yajxon ënety myäy'ajnë ja jëyujk jëku'ux, jëtu'un tä nëë'ajinën.

2 Reyes 3:6

Ënet ja Joram, Samaria yajkutujkpë t'ijxka'pxtaay ja tsyiptuunpëtëjk mëti'ipë Israel ja'ayëtyën.