1 Reyes 20:23 - Biblia Dc en Mixe de Quetzaltepec

²³ E ja yajkutujkpë jampë y'ëne'emyën Sirië, ja myëkutuunktëjkëty ojts näjyëtu'un y'ënëmaayëtëpë ja tsyiptuunpëtëjk: Yë Wyintsënëty yë Israel ja'ayëty jä'ä ko jam yajpaaty kopkkëjxm tunkëjxm, paaty të xymyëmëtakëmë; tyam jä'ä ntu'unmëty jam mëët ntsipjëtu'unmëty joyjotm jëtu'unts nmëtakmëty ëëtsajtëm.

Biblia Mixe de Quetzaltepec

²³ E ja yajkutujkpë jampë y'ëne'emyën Sirië, ja myëkutuunktëjkëty ojts näjyëtu'un y'ënëmaayëtëpë ja tsyiptuunpëtëjk: Yë Wyintsënëty yë Israel ja'ayëty jä'ä ko jam yajpaaty kopkkëjxm tunkëjxm, paaty të xymyëmëtakëmë; tyam jä'ä ntu'unmëty jam mëët ntsipjëtu'unmëty joyjotm jëtu'unts nmëtakmëty ëëtsajtëm.

1 Reyes 20:23 ပူးပေါင်းရင်းမြစ်များ

1 Reyes 14:23

Jä'ä ko yë'ë ojts näjyëtu'un tnimëktä'äky ets ja ja'ayëty t'ëwtatëty mëti'ipë jeexyë ka'ap t'ëwtatën, ojts ja nyitsajptëjk tkojë ja awinax mëti'ipë yajtijpën Aserá, ojts tyajkojy ja awinax tsaapotsypë ets kepy tsetsypë, tpëjktäky jam muum tunkëjxm ets kepypya'tkë'ëm ma muum ja mëj kepy tyänën.

Isaías 42:8

Ëjts jëtu'un Wintsën, jëtu'unës ja nxëëw, ka'apës nkupëka'any ets pën wiinkpë yajmo'ojëty yë nmëj'ajt n'oyajtënës ets oynatii tios xy'ëwtatëty ijxtëmës ëjtsën.

2 Reyes 19:12

¿Tiosëm jëtää ojts tputëkë ja kajpn mëti'ipëjaty ja Asiria ja'ay nyitëjkëtyë, ëëts yë nteety n'apëty: tä yë Gozán kajpnën, Harán kajpnën, Résef kajpnën ets ja ja'ayëty jampë ijty yajpaatën Bet-edén, mëti'ipë jam tsënaaytyën Telasar?

1 Reyes 20:28

Ënet jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

1 Samuel 4:8

¿Tii ënät ntuuntakmëp? ¿Pën ënät xyajtsokmëp ko jam nka'amëty Dios kyë'ë'am mëti'ipë maaytyääyëpën winë? Wa'ats nija'awëmë ko yë'ë ojts tyaj'o'kta'ay tëkokyë yë Egiptë ja'ayëty jam të'ëts'itjotm mëët ja kanaaknaxpë ja pa'am ëyo'on.

1 Reyes 20:24

Mëti'ipë tëy mëpaat xytyunyën mijts yajkutujkpë, yë'ë jam myajjëwa'kta'ajëp ja ënä'ämpëtëjk ma yajkutuktën ets jam xypyëjkta'akëty yë tsiptuunpë wintsëntëjk,

1 Reyes 20:31

Ënet ja tsyiptuunpëtëjk y'ënëmaayëtë: Yajnijawë'ajtp ko yë Israel ja'ayëty kyuuytyuuntëp yë y'aaw y'ayukëty ko tii mëët nkäjpxy'ajtmëty; paaty tsojk ntuktëjkëmë tukwit tuktujkxy ets nätyukyo'kpëjkëmëty yë tejpxy, jëtu'unts ninëjkxmëty ja yajkutujkpë jampë yajpaatyën Israel ets n'ijxmëty kajekyën xynyapokymyä'kxmëty ma njuukyajtën'ajtëmën.

Isaías 36:20

¿Mëti'ipë tios ma tääpë naax kajpnën të tputëkë ja nyaax kyajpn ma ja Asiria yajkutujkpë mëët të tsyiptuntën? ¿Wi'ix ko m'ëna'antë ko yë Wintsën yë'ë yajtso'okäämpy yë Jerusalén kajpn?

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.