1 Reyes 20:22 - Biblia Dc en Mixe de Quetzaltepec

²² Ok ja Wintsën ja myëtuunpë jam jyä'äjty ma ja yajkutujkpën mëti'ipë jam ënä'ämpën ma ja Israel ja'ayëtyën ets t'ënëmaay: Nänyi''ixëty ets nipëjktaakë yë mtsiptuunpëtëjk, jä'ä ko jajëmëjt jatëkok wyimpita'antë tääpë sirië ja'ayëty ets mëët mijts tsyiptuna'antë.

Biblia Mixe de Quetzaltepec

²² Ok ja Wintsën ja myëtuunpë jam jyä'äjty ma ja yajkutujkpën mëti'ipë jam ënä'ämpën ma ja Israel ja'ayëtyën ets t'ënëmaay: Nänyi''ixëty ets nipëjktaakë yë mtsiptuunpëtëjk, jä'ä ko jajëmëjt jatëkok wyimpita'antë tääpë sirië ja'ayëty ets mëët mijts tsyiptuna'antë.

1 Reyes 20:22 ပူးပေါင်းရင်းမြစ်များ

1 Reyes 20:26

Kom jëmëjt yë Ben-adad t'ijxmujktaay ja Siria ja'ayëty ets ojts jam nyëjkxtë Efec, jamts mëët tsyiptuna'antë ja Israel ja'ayëty.

2 Samuel 11:1

Jëtu'un ojts tëkok tyunyë jyätyë xëkopkjoty, ma ënety yë ënä'ämpëtëjkëty tsyoontë jya'tën ets muum nyëjkxtë tsiptuunpë; paaty ja David tkejxy ja Joab mëët ja tsyiptuunpëtëjk jampë yajpaatën Israel. Ma ojts tsyiptuntën ojts tyajkutëkoytyë ja Amón ja'ayëty ets näjyëtu'un tyajkutëkooytyë ja Rabá kajpn. E ja David ojts wyi'imy jam Jerusalén.

1 Reyes 20:13

E ja Ahab mëti'ipë jam ënä'ämpën Israel, ënätyë ojts tu'uk ja käjpxynyajxpë nyiminyë ets y'ënëmaayë: Jëtu'un yë Wintsën të y'ënä'äny, ko oy jënu'un janty nimay xyjya'ixëty yë mëtsiptëjk, yë'ë nkëyakäämpyës yam ma mijts yë mkë'ë m'aawën ets jëtu'un xynyijawëty ko ëjts Wintsënajtp.

1 Crónicas 20:1

Tëkok ojts tyunyë jyätyë ma ënety xyëkopk'atyën, jää ijty ja yajkutujkpëtëjk muum nyëjkxtë tsiptuunpë. Ënet ja Joab ojts twoowtsoony ja tsyiptuunpëtëjk ets wa'ats tukjëtijtëtyääy ja Amón ja'ayëty ja y'it nyaaxwiinyëtë. Jam ojts tsyoony ets ja Rabá kajpn tnitëjkëy, wa'ats tjijtaay ja nyapots ets xit ko'ow tuuntaay. Ja David jam ënety yajpaaty kajpnjotm.

Isaías 42:8

Ëjts jëtu'un Wintsën, jëtu'unës ja nxëëw, ka'apës nkupëka'any ets pën wiinkpë yajmo'ojëty yë nmëj'ajt n'oyajtënës ets oynatii tios xy'ëwtatëty ijxtëmës ëjtsën.

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Isaías 8:9

Nämyukëtë naax kajpnëty, këtii yë'ë xytyukjotkujk'atëty jëën tsip, tsë'ëkëtë jawëtë; ja'akyukëtë ya'atë aaw ayuk miitsëty naax kajpnëty jëkämpë yajpaatën. Oy jënu'un mjatsiptuntëty ets mjamëta'aktëty, je'eyëm nëjkx mtsë'ëkëtë mjawëtë.

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

Proverbios 18:10

Yë Dios yë xyëëw, jëtu'un yë'ë tä tu'uk yë mëjpotsyën mëti'ipë mëk tënääpyën ma kyäktso'oktën ja'ayëty mëti'ipë juuky'ajtëp mëët yë tëyajtën.

Salmos 27:14

Tuk'ijxpät yi'iyë yë Wintsën. Jotmëk it. Këtii mmay mtajy. Tuk'ijxpät yë Wintsën.

2 Crónicas 25:11

Ënet ja Amasías kë'ëm tsyo'ony mëët ja jyä'äy ets ojts nyëjkxtë jam ma tijtën Kaanjoyjotm, majk mil ojts ja Seir ja'ay tyaj'ooky.

2 Crónicas 25:8

E mijts pën jëtu'un të xytyuknipëjktaakë ko yë'ë mëët tääpë ja'ay nëjkx ja tsip xywyinkuwa'akëja'any, kë'ëm oy xymyëmay xymyëtajëty jä'ä ko mijts ka'ap mëta'aka'any, yë Wintsën myëët'ajtyp yë mëk'ajtën ets xyajmëtakmëty ëkë xyatëko'oymyëty.

2 Reyes 6:12

Tu'uk ojts jam yujk'ëtsoy: Ka'ap pën, Wintsën. Je'eyëp ko jam ma Israel kajpnën, jam tu'uk yë ja'ay tsyëënë mëti'ipë xyëëwajtypyën Elisejë, yë'ë myëtuumpy yë Wintsën, yë'ëts tëkokyë winë tyuk'ëwa'anëtyääpy yë yajkutujkpë jampë yajkutukyën, oy yë'ëpaatëty tnija'awëtyä'äy mëti'ipë mijts nkäjpxypën mëtyäkpyën ma ma'ay mpo'kxyën.

1 Reyes 22:8

Tä ja yajkutujkpë jampë tyunyën Israel t'ëtsooy ja Josafat: Tä tu'uk mëti'ipë jyëkyejpy njaakyajtë'ëwmëty. Jä'ä txëëwaty Micaías, yë y'u'unk yë Imlá. Je'eyëp ko ëxëëkës tääpë ja'ay n'ixy, jä'ä ko ka'ap ninu'un tii oypyë tnikäjpxy, aakyë'ë ëxëëkpë nyikäjpxyp. E ja Josafat tyaa y'ëtsoowë: Këtii jëtu'un m'ëna'any.

1 Reyes 20:38

Ënet ja Wintsën ja myëtuunpë ojts jam nyijkxy tu'u'am ets jam t'ëwxity ja yajkutujkpë jëna'a jam y'ëknaxy, je'eyë ojts nyäwyinkutsumëty.

1 Reyes 19:10

Tä ja Elías y'ëtsooy: Mijts Wintsën mëti'ipë maaytyääyëpën winë, yë'ëjës nmëkja'ap ets yë'ë ko ni'ikyë, paatyës yam nikäjpxy ko yë Israel ja'ayëty tëë tja'atyëkooynyëtë ja käjpxytyu'unën mëti'ipë tyuuntën mëët mijts, tëë tjijta'atë ja mwintsë'këntyakn ma myajmëjjawën ets tëë tyaj'o'kta'atë ja mtuunpëtëjk. Ëjtsyë atu'uk të njaakwë'ëmyës juuky, ets nän tääjës nyajpaajëtity etsës näjyëtu'un xyaj'ooka'antë.

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

1 Reyes 20:21

Ënet ja yajkutujkpë mëti'ipë jam ënä'ämpën Israel, tjä'ä'ajtaay ja mëti'ipë ënety ja Siria ja'ayëty të tnikäktu'utën, tä ja kwaayën ets ja pujxnwintëkäämpë mëti'ipë myëtsiptuuntëpën; jëtu'un'äämpy ja Siria ja'ayëty o'ktëy jyajtë kyëpäjtë ets ka'ap ojts y'ëkmëtaknëtë.