1 Reyes 20:21 - Biblia Dc en Mixe de Quetzaltepec

²¹ Ënet ja yajkutujkpë mëti'ipë jam ënä'ämpën Israel, tjä'ä'ajtaay ja mëti'ipë ënety ja Siria ja'ayëty të tnikäktu'utën, tä ja kwaayën ets ja pujxnwintëkäämpë mëti'ipë myëtsiptuuntëpën; jëtu'un'äämpy ja Siria ja'ayëty o'ktëy jyajtë kyëpäjtë ets ka'ap ojts y'ëkmëtaknëtë.

Biblia Mixe de Quetzaltepec

²¹ Ënät ja yajkutujkpë mëti'ipë jam ënä'ämpën Israel, tjä'ä'ajtaay ja mëti'ipë ënäty ja Siria ja'ayëty të tnikäktu'utën, tä ja kwaayën ets ja pujxnwintëkäämpë mëti'ipë myëtsiptuuntëpën; jëtu'un'äämpy ja Siria ja'ayëty o'ktëy jyajtë kyëpäjtë ets ka'ap ojts y'ëkmëtaknëtë.

1 Reyes 20:21 ပူးပေါင်းရင်းမြစ်များ

2 Reyes 3:24

E ko ja Moab ja'ayëty tyëjkëtyë ma ja Israel ja'ayëty ja jya'ajtaknëtyën, ënätyë nyipëtë'këtë ja Israel ja'ayëty. Yajxon yajkäk yajpujtëtë ets may yaj'o'këtë.

2 Reyes 3:18

Tyaapë tyäty wäänë yë'ë mëti'ipë yë Wintsën tyunäämpyën, jä'ä ko yë'ë ëpëky tkë'ëyaka'any ma miitsëtyën yë Moab ja'ayëty,

1 Samuel 17:52

Ënet ja tsiptuunpëtëjkëty mëti'ipë Israel ja'ayëtyën ets mëti'ipë Judá tso'ontëpën tyëjkëtyë yaxpë jojkpë ets tni'ënä'ämëtë ja tsip, tpatso'ontaaytyë ja myëtsip, tpaja'ajtë jampaat ma ja Gad ja y'itjot yajtuktëkën ets ma yajnitëkën ja kajpn mëti'ipë yajtijpën Ecrón. Tu'ktu'u aakyë'ë filistejë ja'ayëty yaj'ijxnëtë kujy jëpipy jëtu'un Saaraim ets yjä'ty Gad ets Ecrón.

Jueces 3:28

Ehud ojts y'ënë'ëmxëtë ets yë'ë tpanëjkxtëty jä'ä ko tëë ënety yë Wintsën tyajkutuky ko yë'ë myëta'aka'antë ma ja moapja'ayëtyën. Ënet ojts tpatsoontë ets tyaj'ëtujktaaytyë ja joy'it jampë yajpaatyën ma Jordán nëëjën ets ni pën tkayajnajxtë.

1 Reyes 20:20

Këëktu'uk ojts tyaj'ooktë ja myëtsipëty ets ja sirië ja'ayëty kyäktaaytyë. Tä ja Israel ja'ayëty tpatso'ontë, ojts mëktä'äky tjanajtspaatëja'antë ja Ben-hadad, yë'ë kwaaykyijxy ojts poj'am kye'eky, mëët nikanaak ja tsyiptuunpëtëjk aak këwaaykyijxëty.

1 Reyes 20:22

Ok ja Wintsën ja myëtuunpë jam jyä'äjty ma ja yajkutujkpën mëti'ipë jam ënä'ämpën ma ja Israel ja'ayëtyën ets t'ënëmaay: Nänyi''ixëty ets nipëjktaakë yë mtsiptuunpëtëjk, jä'ä ko jajëmëjt jatëkok wyimpita'antë tääpë sirië ja'ayëty ets mëët mijts tsyiptuna'antë.

Josue 10:20

Ok ojts ja Josué mëët tëkokyë yë Israel ja'ayëty tjaakyaj'o'kta'atë ja Amor ja'ayëty, e mëti'ipë juuky wë'ëmtën jam ojts jyaak käktso'oktën ma kyajpnëtyën.

Jueces 11:33

Jefté may ojts yë myëtsip tyaj'ooky, i'px ja kajpn tniwä'ky, yë Aroer, Minit ets Abel-queramim, jëtu'un tëkëëk yajnikäjpxy. Jëtu'un'äämpy yë Israel ja'ayëty ojts jam yë'ë y'ënä'ämtë ma Amón ja'ayëtyën.

1 Samuel 19:8

Ënet jatëkok ja tsip tsyontäky ets ja David ojts nyijkxy tsiptuunpë. Yë'ë ojts myëtä'äky, may ja filistejë ja'ay tyaj'o'ky ets may tyajkeky.