1 Reyes 20:13 - Biblia Dc en Mixe de Quetzaltepec

¹³ E ja Ahab mëti'ipë jam ënä'ämpën Israel, ënätyë ojts tu'uk ja käjpxynyajxpë nyiminyë ets y'ënëmaayë: Jëtu'un yë Wintsën të y'ënä'äny, ko oy jënu'un janty nimay xyjya'ixëty yë mëtsiptëjk, yë'ë nkëyakäämpyës yam ma mijts yë mkë'ë m'aawën ets jëtu'un xynyijawëty ko ëjts Wintsënajtp.

Biblia Mixe de Quetzaltepec

¹³ E ja Ahab mëti'ipë jam ënä'ämpën Israel, ënätyë ojts tu'uk ja käjpxynyajxpë nyiminyë ets y'ënëmaayë: Jëtu'un yë Wintsën të y'ënä'äny, ko oy jënu'un janty nimay xyjya'ixëty yë mëtsiptëjk, yë'ë nkëyakäämpyës yam ma mijts yë mkë'ë m'aawën ets jëtu'un xynyijawëty ko ëjts Wintsënajtp.

1 Reyes 20:13 ပူးပေါင်းရင်းမြစ်များ

1 Reyes 20:28

Ënet jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

Ezequiel 20:22

je'eyëp ko mëkës ojts nmä'kxtuky, këtiipës ja nxëëw nyipäxëtëkëty ma ja naax kajpnëtyën mëti'ipë y'ijxtën wi'ixës ënety ja Israel kajpn të nyajpëtsëmyën jap Egiptë.

Joel 3:17

Ënet nëjkx miits xynyijawëtë ko jamës ntsëënë Sión, ma ja kopkën kënu'kxypyë. Yë Jerusalén kënu'kxykyajpn y'ita'any: Ka'ap nëjkx nijëna'a yë myëtsip y'ëkmëmëtakënë.

Ezequiel 20:14

e ëjts koos yë nxëëw nkayajnipäxëtëkëja'any ka'apës jëtu'un ntuuny, këtiipë tëkatsy nwë'ëmëtyës ma ja wiinkëtypë ja naax kajpnën mëti'ipë ënety të t'ixtën koos jap Egiptë nyajpëtsëëmtë.

Isaías 37:20

E tyam, yajtsoktëk ëëtsëty ma yë'ëjëtyën, Wintsën, mëti'ipës nTios'ajtëpën ets tëkokyë ja naax kajpn nijawëtëty ko mijts tu'ukyë mWintsën'ajtp ets mTios'ajtp.

2 Reyes 7:1

Tä ja Elisejë y'ëtsooy: Mëtoow'it yajxon, wi'ix ja Wintsën y'ënä'änyën. Jëtu'un y'ënä'äny: Jëpom ko ya'atpë'atëty, jam ma Samaria kajpn yajnitëkën, jä'ä wëxtujk tsimpë ja tsajpmok tsyoowpaata'any tu'uk je'eyë nyipoop pujxn meeny; e yë majkmokx tsimpë yë cebadë jä'ä tsyoowpaata'any tu'uk je'eyë nyipoop pujxn meeny.

Éxodo 16:12

Tëës nnijawë ko yë Israel ja'ayëty je'eyë wiinkjaty myäytyë tyajtë. Paaty tyam kopkpëky ko xymyëkajpxëty ets xy'ënëëmëty: Ko jyënäkyxyëëw'atëty, ja tsu'utsy jää mtsu'utstëp, e ko jyopyëp'atëty yë tsajpkääky jää mkaytyëp, koonëm yajxon m'utstëty. Jëtu'unts xynyijawëtëty ko ëjtsë jëtu'un Wintsën mëti'ipë Tios'ajtpën.

Éxodo 14:18

Koos ënety jëtu'un të nyajkëxë'ëky ja nmëj'ajtënës ma ja mëj'ënä'ämpën, mëët nitëkokyë ja tsyiptuunpëtëjk ets ja kyepywyintëkäämpëty ets ja kyëwaayëty, ënätnëm nëjkx ja Egiptë ja'ayëty y'ëna'antë ko janty ëjtstëm jëtu'un Wintsën.

Ezequiel 6:7

Ko ënety xy'ixtë ja'ay may y'o'knë, täänëm nëjkx xy'ixkaptës ko ëjts jëtu'un Wintsënajtp.

Salmos 83:18

Jëtu'un nijawëtëty ko mijts tu'ukyë mWintsën'ajtp, ko mijts tu'ukyë Ni'ik Këjxmëpë ma tëkokyë yë naaxwiinyëtë y'ëwtityën.

2 Reyes 13:23

E ja Wintsën ojts tpa'ëyoy ja ja'ay mëti'ipë jam ëxëëk yajtuun yaj'ënëmaaytyëpën, mëët ko tja'amyejtsy ja kyäjpxytyu'unën mëët ja Abraham, Isaac ets Jacob; ka'ap t'a'ijxëy kyutëkoytyëty ja jyä'äy ets ka'ap tjo'tsy. Tyampaat kä'äpyëm wi'ix tuny.

2 Samuel 10:13

Tä ja Joab ojts tnitsoony ja sirië ja'ayëty, ko ja sirië ja'ayëty t'ijxtë ko tam ja Joab nyiminëtë pojën ojts kyäkta'atë.

1 Reyes 20:14

¿E wi'ixës xytyukkë'ëtëkëja'any? Jëtu'un ja Acab tyajtëëy. Yë Wintsën jëtu'un të y'ënä'äny ko yë'ë ëna'ktëjk mëti'ipë pyutëjkëtyëpën yë yajkutujkpëty yë'ë wyinkuwa'akëjantëp yë mëtsip, jëtu'un y'ëtsooy ja Wintsën ja myëtuunpë. ¿E pën ëka'any yajtso'onta'akëp ja tsip? jëtu'un tyajtëëwkojnëpë ja Ahab. Mijts myajtso'onta'akëp, jëtu'un y'ëtsoowë ja Wintsën ja myëtuunpë.

1 Reyes 20:22

Ok ja Wintsën ja myëtuunpë jam jyä'äjty ma ja yajkutujkpën mëti'ipë jam ënä'ämpën ma ja Israel ja'ayëtyën ets t'ënëmaay: Nänyi''ixëty ets nipëjktaakë yë mtsiptuunpëtëjk, jä'ä ko jajëmëjt jatëkok wyimpita'antë tääpë sirië ja'ayëty ets mëët mijts tsyiptuna'antë.

Josue 10:8

ets ja Wintsën y'ënëmaayë: Këtii ninu'un mtimtsyë'ëkëty, ëjts tëëjës yë nkë'ëyäky tääpë ja'ayëty ma mijtsën ets ni pën tkajëkyepy ënät ëxëëk m'ëk tuunënëtëty.

1 Reyes 18:39

Ko ja mayjyä'äy jëtu'un t'ijxtë, ënät ni'ëmukë nyäkyoxtënaaytyääyëtë ets wyintak nyaaxkoowtë, y'ënantë: Yë Wintsën, yë jëtu'un Wintsën, yë Wintsën yë'ë jëtu'un Wintsën.

2 Reyes 3:18

Tyaapë tyäty wäänë yë'ë mëti'ipë yë Wintsën tyunäämpyën, jä'ä ko yë'ë ëpëky tkë'ëyaka'any ma miitsëtyën yë Moab ja'ayëty,

2 Crónicas 20:15

Mëtoow'itë ya'atë aaw ayuk mëti'ipës yam nikajpxäämpyën ma miitsëtyën Judá ja'ayëty, mëti'ipë yaa ijtëpën tsënaaytyëpën Jerusalén ets näjyëtu'un mijts Josafat. Jëtu'un m'ënë'ëmxëtë yë Wintsën: Këtii ninu'un mtimtsyë'ëkëtëty ma tääpë maymyëtsipën, jä'ä ko ma ya'atë tsip tyuna'anyën ka'ap myiitsëty mtsiptuna'antë, yë Wintsën yë'ë tsiptunaanp.

2 Crónicas 20:17

Ma ya'atë tsip tyuna'anyën ka'ap myiitsëty mtsiptuna'antë. Miitsëty je'eyëp ko mnëjkxtë ets jam mna'ix mnawoontëty, je'eyëp ko ënät xy'ixtëty wi'ix ja Wintsën tuna'anyën ya'atë kajpn ets wi'ix myajtso'oka'anëtën. Miitsëty Jerusalén ja'ayëty ets miitsëty Judá ja'ayëty, këtii ninu'un mtsë'ëkëtëty; nëjkxtë jopy wiinkuwa'akëtë tääpë mëtsip, yë Wintsën yë'ë mëët myajpaata'antë.