1 Reyes 20:1 - Biblia Dc en Mixe de Quetzaltepec

¹ Yë Ben-adad, mëti'ipë jam yajkutujkpën Sirië, ojts may tyajmuky ja tsyiptuunpëtëjk ets mëët nyämyajtsë ni''i'px majk ja yajkutujkpëtëjk, mëët tëkokyë ja tsyiptuunpëtëjk mëti'ipë këwaaykyëjxm tsiptuuntëpën ets ja pujxnwintëkäämpë mëti'ipë myëtsiptuuntëpën ets ojts nyijkxy jam Samaria, tyajnatujky ets tnitëjkëy.

Biblia Mixe de Quetzaltepec

¹ Yë Ben-adad, mëti'ipë jam yajkutujkpën Sirië, ojts may tyajmuky ja tsyiptuunpëtëjk ets mëët nyämyajtsë ni''i'px majk ja yajkutujkpëtëjk, mëët tëkokyë ja tsyiptuunpëtëjk mëti'ipë këwaaykyëjxm tsiptuuntëpën ets ja pujxnwintëkäämpë mëti'ipë myëtsiptuuntëpën ets ojts nyijkxy jam Samaria, tyajnatujky ets tnitëjkëy.

1 Reyes 20:1 ပူးပေါင်းရင်းမြစ်များ

1 Reyes 15:18

Ënet ja Asá tyajpëtsëëmtaay ja pu'ts pujxn ets ja poop pujxn mëti'ipë ënety jap të jyaakwë'ëmyën tsajptëkoty ets jap ma ja kutujkëntëjkën ets ja tyuunpëtëjk tukmëkäjxëy ets tmo'otëty ja Ben-adad, mëti'ipë jam yajkutujkpën Sirië, ja myaank ja Tabrimón, yë y'ok'u'unk yë Hezión, mëti'ipë jam tsënääpyën Damasco. Näyjyëtu'un ja aaw ayuk tuknikejxy:

1 Reyes 22:31

E ja yajkutujkpë mëti'ipë jamën sirië, tëë ënety tuk'ëne'emy ja i'px majkmäjtskpë ja tsiptuunpë wintsëntëjk mëti'ipë ja kepy wintëkäämpë yajye'eytyëpën ko këtii nëkooyë pën tyaj'ooktëty yi'iyë y'ixta'atëp ja mëti'ipë jam yajkutujkpën Israel.

1 Reyes 15:20

Ben-adad ojts tkupëky ijxtëm ja yajkutujkpë Asá y'ënë'ëmxëtyën, paaty tkejxy ja tsyiptuunpëtëjk ets ja Israel kajpn tnitëkëtëty, ojts kanaak ja kajpn tmëmëtä'äky: Iión, Dan, Abel-bet-maacá, tu'kkë'ëyë ja itjot ma txëëwatyën Quinéret ets ma ja Neftalí ja jyä'äy tnitänën.

Amós 1:4

Paatykyëjxmës nyajnitooytya'aja'any yë Hazael yë y'u'unk y'ëna'k ets jyiiky myëku'uk. Ja jëën näjyëtu'un yajnitooytya'ajäämpy yë kutujkëntëjk jampë Ben-hadad.

Daniel 2:37

Mijts yajkutujkpë mijts tu'uk mëj'äämpy mnajxp yajkutujkpë, jä'ä ko Wintsën mëti'ipë tsajpjoty yajpatpën yë'ë kuttujkën të mo'oyë ets tëë mo'oyë mëk'ajtën ets mëj'ajtën

Ezequiel 26:7

Ëjts, Wintsën jëtu'unës n'ëna'any: Nyajminäämpyës yë Nabucodonosor anëkëjxytsyow, mëti'ipë jam Babilonyë ënä'ämpën, mëti'ipë mëk ënä'ämpën yajkutujkpën ets tnitëkëja'any yë Tirë kajpn. Yajminäämpy yë kepy wintëkäämpë, kwaay ets mëti'ipë tyuk'u'unyääpyën, may tyajmuka'any yë jyä'äy.

Jeremias 49:27

Njëënmo'ojäämpyës yë Damaskë kajpn ets Ben-hadad kajpn yë kyumoontëjk.

Isaías 37:24

Je'eyë mtuunpë të xytyuk'ëne'emy ets të tnëxi'ik të tukxi'iktë yë Wintsën. Jëtu'un ojts m'ëna'any: Ëjts may kepy wintëkäämpë nmëët'atyës, jampaat muum kopkëjxm nja'tyës, jampaatës të nja'ty ma Líbano kyopk kupi'tykyën. Etsës të npujxë'ktaayë ja y'ajë kepy mëjëtypë ets tsiin kepy oyëtypë. Tëës ntukjëtijtëtyääyë tyun kyopk mëjëtypë ets yukjot kepyjyot mëti'ipë jëtu'un këxë'kpën pëjykyamën.

Isaías 10:8

Yë'ë tyaa y'ënä'äny: Tëkokyë yë yajkutujkpëtëjk aak'ëjts yë xymyëtuuntëpës.

Esdras 7:12

Tyam ja yajkutujkpë Artajerjes tkajpxpo'kxy ja teety Esdras, yaj'ijxpëjkpë, mëti'ipë nyija'apën ja ënä'ämën tëyajtën ja Wintsën ja jyä'äy tsajpjotmëpë yajpaatyën.

1 Reyes 20:24

Mëti'ipë tëy mëpaat xytyunyën mijts yajkutujkpë, yë'ë jam myajjëwa'kta'ajëp ja ënä'ämpëtëjk ma yajkutuktën ets jam xypyëjkta'akëty yë tsiptuunpë wintsëntëjk,

1 Reyes 20:16

Kujkxyëëw ojts tsyoontë, tam ënety ja Ben-adad yajxon jyänty y'uuk jyänty pyëktë mëët ja myëkutujkpëtëjk, ma jam ja tëjkën nixo'ompyë mëti'ipë ënety jam të tkojtën,

1 Reyes 16:24

Ojts tjuy tu'uk yë naax jam ma ja Samaria kopkën, yë'ë Semer jyä'ä, jä'ä tkujuuy tëtujk kilë aak poop pujxn; jam ojts tu'uk tkojy ja kajpn, ma ja näkyëwent'atë y'itëtyën, jä'ä txëëwmooy Samaria, jä'ä ko ja mëti'ipë ijty nyiwintsën'ajtypyën jä'ä ijty txëëwaty Semer.

1 Samuel 13:5

Yë filistejë ja'ayëty näjyëtu'un ojts nyäyajmujkta'ajëtë ets mëët tsyiptuna'antë ja Israel ja'ayëty. Ja ënety tmëët'atë i'px majk mil yë pujxnwintëkäämpë mëti'ipë myëtsiptuuntëpën, nitëtujk mil mëti'ipë jëyujk këjxy nëjkxtëpën ets ja mëti'ipë tekyye'epy nëjkxtëpën jëtu'un nyimay'ajnëtë nëë'ajinën. Tä nyëjkxta'atë jam Micmás ets jam awinmtsow Bet-avén, jam y'ijtakn tyaj'ixtaktë.

Jueces 4:3

Jabín jä'ä ënety tmëëtëty taxtujk mëko'px yë pujxnwintëkäämpë mëti'ipë myëtsiptuuntëpën, i'px jëmëjt ënety o'ktëy të tuny ja Israel ja'ayëty, koonëm yë Israel ja'ayëty ja wyintsën Dios tja'amyäjtstë ets pyutëkëtëty.

Jueces 1:7

Tääts y'ënäny: Ëjts tëkë'px majkës ojts näjyëtu'un yë kyë'ëkaa tyekykyaa njëjptsujkë yë yajkutujkpëtëjkëty. Ets yë'ëjës ojts ntukjë'kxtë mëti'ipës nkaaypyäjnpa'tkë'p ka'apën. E tyam näjyëtu'unës yë Dios të xytyuny tääjës yë'ë ntuuntën. Tää ojts jam tyajnëjkxtë ma Jerusalén kajpnën ets jam tyaj'o'ktë.

Deuteronomio 28:52

Ja mnaax mkajpn wa'ats nëjkx tyajnatujkta'atë, koonëm ja nyipotsy tjijtë'kta'atëty; ja potsy oy ënety jënu'un jyata'tspëkyëty ets jyakëjxmëty, mijts ka'ap tjëkyepy xytyukjotkujk'atëty. E jëtu'un jyata'any kyëpäta'any ja naax kajpn mëti'ipë ënety ja mWintsën të mjamo'oyën, ja mmëtsip nëjkx tjä'ä'ajnë.

Deuteronomio 20:1

Ko mnëjkxtëty tsiptuunpë ets xy'ixtëty yë mmëtsip ko nimay ni'ik tmëët'atë yë kyepy wintëkäämpë ets kyëwaayëty, këtii xytsyë'ëkëtëty. Jä'ä ko yë Wintsën yë'ë yajpatp mëët miitsëty, mëti'ipë ojts mjuutëtën jap Egiptë.

Éxodo 14:7

Tëtujk mëko'px ojts ja kepy wintëkäämpë tmënëjkxtë oyjyätyëtypë ets ëpëky ja wiinkëtypë ja kepy wintëkäämpë, tëkokyë mëti'ipë jap Egiptë yajpatëpën, aakmëët ja nyija'ayëty mëti'ipë yajye'eytyëpën.

1 Reyes 20:2

Ojts näjyëtu'un tkexy ja aaw ayuk jam kajpnjotm ets t'ënëëmëtëty ja Ahab, jampë yajkutukyën Israel: Jëtu'un yë Ben-hadad y'ënä'äny: Yë mwit meeny ëjtsës njä'ä'atäämpy ets näjyëtu'un yë mtoxytyëjktëjk ets m'ëna'ktëjk.

2 Reyes 6:8

Yë yajkutujkpë mëti'ipë sirië ja'ayën, tsip ënety yaj'ijtyp mëët yë Israel ja'ayëty, e jëtu'unts ojts tëkok tyajmuky yë tsyiptuunpëtëjk ets t'ënëmaay maa it nyäpyëjkta'akëtëty.

2 Reyes 8:5

Ja Guehazí yë'ë tyukmëmëtyäkpy ja yajkutujkpë wi'ix ënety tu'uk ja to'oxytyëjk ja y'u'unk të tyajjuukpyëjkën, ënätyë ja to'oxytyëjk kyuwa'këy ets t'amëtooy ja nyaax ets ja tyëjk. Ënet ja Guehazí t'ënëmaay ja yajkutujkpë: Yajkutujkpë, ya'atë jëtu'un ja to'oxytyëjk ets tyaapë y'u'unk'ajtyp mëti'ipë ojts ja Elisejë tyajjuukpyikyën.