1 Reyes 2:5 - Biblia Dc en Mixe de Quetzaltepec

⁵ E mijts wa'ats xynyijawë wi'ixës ja Joab yë Sarvia myaank ja wyinma'any të xytyuk'ixyën, ko tyaj'o'ky nimäjtsk ja tsiptuunpë wintsën ma ënety ka'ap tiitsip yajmëët'atyën: Yë Abner yë Ner yë myaank ets Amasá, yë Jéter myaank ets jëtu'un yaja'ay y'o'ky ets ëjts ja poky ntsëëmë'ky.

Biblia Mixe de Quetzaltepec

⁵ E mijts wa'ats xynyijawë wi'ixës ja Joab yë Sarvia myaank ja wyinma'any të xytyuk'ixyën, ko tyaj'o'ky nimäjtsk ja tsiptuunpë wintsën ma ënäty ka'ap tiitsip yajmëët'atyën: Yë Abner yë Ner yë myaank ets Amasá, yë Jéter myaank ets jëtu'un yaja'ay y'o'ky ets ëjts ja poky ntsëëmë'ky.

1 Reyes 2:5 ပူးပေါင်းရင်းမြစ်များ

2 Samuel 17:25

Absalón yë'ë ënety të tuknipëky yë Amasá ets yë'ë tniwintsën'atëty ja tsiptuunpë ja'ay. Jëtu'un tä jeexyë yë Joab yë'ë tyunyën. Amasá jä'ä ijty tyeety xyëëwajtyp Itra, Ismael ja'ay. Yë Itra ojts tmëëtsëënë yë Abigail, Nahas yë nyëëx yë'ë myëkä'äx yë Sarvia, Joab yë tyaak.

2 Samuel 18:12

E ja ja'ay tyaa t'ëtsooy ja Joab: Oy jeexyë mijts xyjyatimmyëjuupyës, ëjts ka'apës nëkoo nyaj'ookëty mëti'ipë yë David myaank'ajtypyën, mëti'ipë nkutuunk'ajtëmën. Tëë wa'ats yajmëtoy ko yë yajkutujkpë të m'ënë'ëmxëty mijts Abisai ets Itai ko mëk xykyëwent'atëty yë Absalón.

2 Samuel 18:14

Nëjkx, ka'ap yam je'eyë nmëëtmëtya'ka'any, jëtu'un y'ëtsooy ja Joab; ënät tëkëëk tkoonë'ky ja tsujkn u'unk ets tukmoxmëka'tsëy ja Absalón, jam ma jyuukyjotën jaakjuukynyëm ënety jam tyiiynyë xojkëjxm ma ja kepyxye'entyën.

2 Samuel 18:5

Ojts yë David, mëti'ipë ënä'ämpën, t'ënëëmë yë Joab, Abisai ets Itai ko mëk t'ixtëty ets ka'ap wi'ix tuntëty yë Absalón, ko jëtu'un yë David y'ënäny ojts yë ja'ay tmëtoowta'atë.

2 Samuel 2:13

E näjyëtu'un ja Joab, yë Sarvia myaank, tsyo'ony mëët ja tsyiptuunpëtëjk mëti'ipë myëtuuntëpën ja David; jam Hebrón tsyo'ontë ets ojts nyëjkxtë jam Gabaón, jam nyäpyëjktakëtë ma tu'uk yë nëëwookyën. Ënet ja tsiptuunpëtëjkëty poj'am nyänyi''ijxëtyë ets tsyiptuna'antë; tu'kpëky ojts wyi'imy awinmtsow ets tu'kpëky miin'aay.

2 Samuel 2:18

Jamts ënety yajpaatë ja Sarvia ja y'ëna'k, mëti'ipë xyëëwajtëpën Joab, Abisai ets ja Asael. Yë Asael wiinkëm ijty pyëyi'iky, jëtu'un tä tu'uk yë jëtyu'ujën.

2 Samuel 20:10

Amasá ka'ap niwi'ixtsow t'ijxy wi'ix ojts ja Joab ja yenypyujxn t'ëkëty jyuuty, ajotkumonë ojts yë Joab t'ëkëty tyukmoxmëtijë yë yenypyujxn ja Amasá, tääts ja tyiinty y'ixjëtäjtpëtsëëmy. Jëtu'un ja Amasá y'o'ky poj'am, ka'ap ja Joab mäjtsk'ok nyixajë'kë. Ko jëtu'un y'o'këtäky, tääts ja Joab mëët yë y'uty Abisai jatëkok tsyo'ontë ets tpanëjkxtë ja Sebá, yë myaank yë Bicri.

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

2 Samuel 3:39

Paaty oyxyëp yë Wintsën të xyjyapëjktakpës ënä'ämpë yajkutujkpë ma ja naax kajpnën ëjts ka'apës näjyawëty tii nkëjxmëty mëët ko ëxëëk y'ëtë'ëtstë y'ëna'antë yë Sarvia y'u'unk y'ëna'k. Yë Wintsën yë'ë nyija'ap wi'ix tukumëtoy ja ja'ay mëti'ipë winë tyuuntëkoopy kyajpxtëkoopyën.

1 Reyes 1:7

Ojts mëët yë Joab, yë myaank yë Sarvia tkajpxmuky mëti'ipë ënety wyinma'any'äjtypyën ets näjyëtu'un ja teety Abiatar, mëti'ipë ojts pyutëkëtyën.

1 Reyes 2:32

Yë Wintsën yë'ë kë'ëm tukëpätanëp mëët ja tyuuntëko'oyën, mëët ko nimäjtsk yë ja'ay tyaj'o'ky mëti'ipë ënety ka'ap poky tmëët'atën ets y'ooktëty ets mëti'ipë ënety oy yë nteetyës të tmëtuntën. Ka'ap tuknija'awëtyë nteetyës, yë'ë jëtu'un ja Abner yë Ner yë myaank, mëti'ipë ënety nyiwintsën'ajtypyën ja tsiptuunpëtëjk ma ja Israel ja'ayëtyën ets ja Amasá, myaank yë Jéter, mëti'ipë nyiwintsën'ajtën ja tsiptuunpëtëjk mëti'ipë Judá ja'ayëtyën.

Jeremias 2:34

Aak ëxëëk ja mwit mtujkxy yajpaaty mëët ja ëyoopëja'ay ja jyot nye'pyny ets mëti'ipë ka'ap tii poky tmëët'atën, mëti'ipë nimaa të xykyakupaatën myeetsy.

Jeremias 6:15

Tsëtyuunëtëp jeexyë ko yi'iyë tyuuntëp ka'apës nme'kxyën. E ka'ap tsyëtyuntë, jëtu'un yaj'ixy ka'ap yowë nijawëtë tii tsëtyu'unën'ajtp. Paatykyëjxm koos ënety ntëytyuntë, je'eyë y'anäpëja'antë ets kyëtawa'antë jëtu'un tä jyatën yë wiink ja'ayëty. Ëjts, mëti'ipë Wintsën'ajtpën, ëjts ënaanp.

Mateo 3:4

Jëyujk jëku'ux ak ijty yë Juan nyixox'ajtyp, po'o wyëën'ajtyp, mu'u tsyu'tsyp ets uuxpa'ak y'ukpy.

Deuteronomio 27:24

Poky yë ja'ay wyë'ëmëty mëti'ipë yë jyiiky myëku'uk yaj'o'kpy yajtëkoopyën ets oy mëët të nyäjyawëty. Ënet ja ja'ay y'ëtsowtëty: Oy, jëtu'un'atëp.