1 Reyes 2:44 - Biblia Dc en Mixe de Quetzaltepec

⁴⁴ Mja'amyejtsyp wi'ix ojts ëxëëkjaty xypya'ëy xypyakäjpxyën ja nteetyës David. E paatykyëjxm ënät tyam ja poky mëti'ipë mtuunën kë'ëm xykyumëtowa'any.

Biblia Mixe de Quetzaltepec

⁴⁴ Mja'amyejtsyp wi'ix ojts ëxëëkjaty xypya'ëy xypyakäjpxyën ja nteetyës David. E paatykyëjxm ënät tyam ja poky mëti'ipë mtuunën kë'ëm xykyumëtowa'any.

1 Reyes 2:44 ပူးပေါင်းရင်းမြစ်များ

Ezequiel 17:19

Ëjts Wintsën, njuukyajtënës yam ntukajpxpejtyp; tëë tukxi'iky ja käjpxytyu'unën mëti'ipës ojts mëët njatunyën ets ka'ap të tpatuny ja aaw ayuk ijxtëmës ojts xytyukwinwanën; paatykyëjxmës n'amëtoowta'aja'any maajaty të xymyëtëkoyës.

Salmos 7:16

Ja y'ëxëëk'ajtën ets ja tsyiptu'un tsipkajpxën, kyëpajkëjxy kya'ataja'any.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Dios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.

1 Juan 3:20

pën nja'awëm jootjoty winma'anyjoty ko ka'ap tii oy ntu'unëmë, Dios wäänë mëj yë'ë këtiinëm ja njoot'ajt nwinma'any'ajtëmë, wa'ats nijawë tii ënety oy nkatu'unëm.

Romanos 2:15

jëtu'un tyajnikëxë'ëktë ko t'aaw'at tjot'atë ja ënä'ämën. Kyë'ëm winma'any yajnikëxë'këtëp ets kyë'ëm winma'any yajpokykya'ajëtëp ëkë kuwanëtëp,

Juan 8:9

Ko jëtu'un tmëtoowtë ets tsyo'ontë wintu'uk patu'uk, jëwyiin tsyo'ontë ja mëjja'aytyëjk. Ko ja Jesús ojts wyi'imy nätyu'uk mëët ja to'oxytyëjk mëti'ipë jam wintënaayëpën,

Oseas 4:9

Jëtu'un yë naax kajpn tyëkoy tä teetytyëjkëtyën, ëjts ntukumëtowäämpyës yë tyëko'oyënëty.

Proverbios 5:22

Yë ëxëëk ja'ay kë'ëm nyäyajtu'u'ëtukyë ko tii tkäjpxy tmëtyä'äky wiinkjaty. Yë poky mëti'ipë tyuunpyën, yë'ë nätyuktsuum nätyukmajtsëp.

1 Reyes 2:43

¿E tyam, wi'ix ko ënät ja m'ayuk të xykyapatuny mëti'ipë kë'ëm mnikajpxën mëët ja Wintsën ja xyëëw?

2 Reyes 11:1

Ko yë Atalía, ja Ocozías ja tyaak, tnija'awëy ko tëë ja myaank y'ooky, ënät ojts nyijkxy jam ma ja yajkutujkpë ja jyiiky myëku'ukën ets tyaj'o'ktaay jënu'un tpatyën.

2 Reyes 11:12

Tääts ja Joiadá ojts jap tyajpëtsëmy ja yajkutujkpë ja myaank ets tukujujpy ja kyujup mëti'ipë myëkutujkën'ajtëpën ets tpëjktäky ma yë'ëjën ja mëti'ipë yajtuk'ijxtëpën ko yë'ë yajkutuktë; ojts tukutemy ja on kënu'kxypyë ets ojts tkënu'kxy ets yë'ë yajkutukëty. Tääts tëkokyë ja ja'ayëty tyëjkëtyë yaxpë jojkpë, y'ëna'antë: Tyaa ja yajkutujkpë.

Salmos 109:20

Jëtu'un ja Dios nëjkx tukëpety ja nmëtsiptëjkës, ets tëkokyë mëti'ipë wiinkjaty xynyikajpx xynyimëtyaktëpësën.