1 Reyes 2:33 - Biblia Dc en Mixe de Quetzaltepec

³³ Yë Joab yë'ë poky tukëtakpätanëp xëmëkyëjxm, mëët ko y'ooka'any ets näjyëtu'un ja y'u'unk y'ëna'k. E yë'ë ënät, ma ja David ja y'u'unk y'ëna'kën ets ma y'u'unk tyo'oxytyëjkën, xëmë jam y'itëty ja jotkujk'ajtën ets näjyëtu'un jam ma ja kyutujkënën.

Biblia Mixe de Quetzaltepec

³³ Yë Joab yë'ë poky tukëtakpätanëp xëmëkyëjxm, mëët ko y'ooka'any ets näjyëtu'un ja y'u'unk y'ëna'k. E yë'ë ënät, ma ja David ja y'u'unk y'ëna'kën ets ma y'u'unk tyo'oxytyëjkën, xëmë jam y'itëty ja jotkujk'ajtën ets näjyëtu'un jam ma ja kyutujkënën.

1 Reyes 2:33 ပူးပေါင်းရင်းမြစ်များ

Mateo 27:25

Tääts ja ja'ay ni'ëmukë y'ëtsoowtë: Ëëëts yë xypyatëp mëëtës ja n'u'unk n'ëna'këty ko y'ookëty.

1 Reyes 2:32

Yë Wintsën yë'ë kë'ëm tukëpätanëp mëët ja tyuuntëko'oyën, mëët ko nimäjtsk yë ja'ay tyaj'o'ky mëti'ipë ënety ka'ap poky tmëët'atën ets y'ooktëty ets mëti'ipë ënety oy yë nteetyës të tmëtuntën. Ka'ap tuknija'awëtyë nteetyës, yë'ë jëtu'un ja Abner yë Ner yë myaank, mëti'ipë ënety nyiwintsën'ajtypyën ja tsiptuunpëtëjk ma ja Israel ja'ayëtyën ets ja Amasá, myaank yë Jéter, mëti'ipë nyiwintsën'ajtën ja tsiptuunpëtëjk mëti'ipë Judá ja'ayëtyën.

Lucas 2:14

Mëjjaw jaantyjawë ja Dios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Proverbios 25:5

Jëkäx yë ëxëëk ja'ay ma yajkutujkpën, ets mëtëy tunëty ja nipaye'eyën.

Salmos 132:12

Nëjkxëpës npëjktä'äky tu'uk yë m'u'unk m'ok mëti'ipë yajkutukëpën. Pën yë m'u'unk m'ok tyuuntëp ijxtëm ja n'aaw n'ayukës y'ënä'änyën, ets pën pyatuuntëp ja ënä'ämën tëyajtën mëti'ipës nmo'ojantëpën, näjyëtu'un ja y'u'unk y'ok nëjkx yajkutuktë xëmëkyëjxm.

Salmos 101:8

Winjëpom nyaj'ëwaanëja'anyës yë ja'ayëty mëti'ipë ëxëëk ëtëtstëp ënantëpën ma naax kajpnën; Nyajjëwa'akäämpyës yë ëxëëk tuunpë ëxëëk kajpxpë ma Wintsën yë nyaax kyajpnën.

Salmos 89:29

Yë y'u'unk y'ok, yë'ë nëjkx kyutëkëty ma yajkutujktaknën, ets yë'ë nëjkx y'ënä'ämtë mapaat jyää'atyën yë tsajp.

2 Reyes 5:27

Paaty, mëët ko jëtu'un ja winma'any të xypyääty, ja pu'uts pa'am mëti'ipë ja Naamán të tmëët'atyën jam ënät pyäjta'ajëty ma mnini'kxën ets ma m'u'unk m'ëna'kën winë xëëw. E paaty ko ja Guehazí, tim je'eyë jam tsyo'ony, tëë ënety ja pu'uts pa'am nyäpyataayënë, je'eyë yaj'ijxkojnë poop këëynyë jä'ä yowë pixyny.

Hechos 18:6

E ko ja jutiis ja'ayëty jyoot'anpëjktë ets t'ënëmaaytyë ëxëëkjaty ja Pablo, ënät ja Pablo wyit twinxijty, jëtu'un tpëjktäky tu'uk ja ijxpäjtën ko ka'ap y'oyëty mëti'ipë ja jutiis ja'ayëty tyuuntëpën ets t'ënëmaay: Mkë'ëmpoky miitsëty pën m'ëyoowtëp xëmëkyëjxm, ka'apës ma ëjts mpoky'atëty. Tyamës nnëjkxëty ma ja ja'ayëtyën mëti'ipë ka'ap jyutiis'atën.

2 Samuel 14:9

Tä ja to'oxytyëjk y'ëtsoowë: Mijts Wintsën mëti'ipës nkutujkpë'ajtypyën, ya'atë ja poky ëjts nkëpättëp mëëtës ja n'u'unk n'ëna'k, ka'ap myijtsëty mëj'ënä'ämpë ets ka'ap yë'ëjëty yë mkutujktakn.

Génesis 42:22

Ënet yë Rubén t'ëtsooy ja myëkä'äxtëjk: Ëjts ojtsës nja'ëna'any ets jeexyë ka'ap wi'ix ntu'unëmë, e miitsëty ka'apës ojts xykyäjpxymyëmëtowtë, e ëëtsajtëm kwanë ënät n'ëtsoowinpijtmëty yë y'o'kën tyëko'oyën.

Jueces 9:24

Jëtu'un'äämpy ja Abimélec tkëpätëty mëët ko yaja'ay'o'ky, ma tyaj'o'kyën ja nitëkë'px majkpë ja Jerubaal ja myaank ets ja Siquem ja'ayëty tkëpätëty näjyëtu'un mëët ko tputëjkëtyë ja Abimélec ma yaja'ay'o'kyën.

1 Reyes 2:44

Mja'amyejtsyp wi'ix ojts ëxëëkjaty xypya'ëy xypyakäjpxyën ja nteetyës David. E paatykyëjxm ënät tyam ja poky mëti'ipë mtuunën kë'ëm xykyumëtowa'any.

1 Reyes 8:32

Mijts Wintsën mmëtowëp jap tsajpjoty ets mijts kë'ëm mtunëp winë. Mijts mnipaye'eyëp ja m'u'unk m'ëna'k. Mtëytyunëp mëti'ipë ënety pokymyëëtën jëtu'un tä pyäätyën ja y'ëxëëktu'un y'ëxëëkkajpxën ets ja wa'ats ja'ay mëti'ipë ka'ap pyokymyëëtëtyën xynyipaye'eyëty.

1 Crónicas 17:27

ets mëj këjää ja mëyajtën të xytyuny ko të xykyënu'kxy ëjts ja nkutujktakn, näjyëtu'un maas ja n'u'unk n'okën mëti'ipë yajkutukantëpën ets ko m'ëna'any ko winë xëëw xyaj'ita'any ets xykyuwa'ana'any. Mijts Wintsën mijts kë'ëm të xytyimkënu'kxy ets kënu'kxy xëmë y'itëty.

Salmos 21:4

Tëë m'amëtoyë juukyajtën, ets yenyjuukyajtën të xymyo'oy, mëti'ipë jäjkpën.

Ezequiel 17:19

Ëjts Wintsën, njuukyajtënës yam ntukajpxpejtyp; tëë tukxi'iky ja käjpxytyu'unën mëti'ipës ojts mëët njatunyën ets ka'ap të tpatuny ja aaw ayuk ijxtëmës ojts xytyukwinwanën; paatykyëjxmës n'amëtoowta'aja'any maajaty të xymyëtëkoyës.