1 Reyes 2:32 - Biblia Dc en Mixe de Quetzaltepec

³² Yë Wintsën yë'ë kë'ëm tukëpätanëp mëët ja tyuuntëko'oyën, mëët ko nimäjtsk yë ja'ay tyaj'o'ky mëti'ipë ënety ka'ap poky tmëët'atën ets y'ooktëty ets mëti'ipë ënety oy yë nteetyës të tmëtuntën. Ka'ap tuknija'awëtyë nteetyës, yë'ë jëtu'un ja Abner yë Ner yë myaank, mëti'ipë ënety nyiwintsën'ajtypyën ja tsiptuunpëtëjk ma ja Israel ja'ayëtyën ets ja Amasá, myaank yë Jéter, mëti'ipë nyiwintsën'ajtën ja tsiptuunpëtëjk mëti'ipë Judá ja'ayëtyën.

Biblia Mixe de Quetzaltepec

³² Yë Wintsën yë'ë kë'ëm tukëpätanëp mëët ja tyuuntëko'oyën, mëët ko nimäjtsk yë ja'ay tyaj'o'ky mëti'ipë ënäty ka'ap poky tmëët'atën ets y'ooktëty ets mëti'ipë ënäty oy yë nteetyës të tmëtuntën. Ka'ap tuknija'awëtyë nteetyës, yë'ë jëtu'un ja Abner yë Ner yë myaank, mëti'ipë ënäty nyiwintsën'ajtypyën ja tsiptuunpëtëjk ma ja Israel ja'ayëtyën ets ja Amasá, myaank yë Jéter, mëti'ipë nyiwintsën'ajtën ja tsiptuunpëtëjk mëti'ipë Judá ja'ayëtyën.

1 Reyes 2:32 ပူးပေါင်းရင်းမြစ်များ

Génesis 4:11

Paaty tyam poky mwë'ëmëty ets ëxkexy ma ja it naaxwiinyëtën, ma ja m'uty ja nye'pny të xytyääm të xyjyä'tsën, mëti'ipë të xyaj'ookyën.

Génesis 42:22

Ënet yë Rubén t'ëtsooy ja myëkä'äxtëjk: Ëjts ojtsës nja'ëna'any ets jeexyë ka'ap wi'ix ntu'unëmë, e miitsëty ka'apës ojts xykyäjpxymyëmëtowtë, e ëëtsajtëm kwanë ënät n'ëtsoowinpijtmëty yë y'o'kën tyëko'oyën.

Génesis 9:6

Pën yë myëku'uk yaj'o'kpy, nän ja'ay nëjkx yaj'ookyë. Jä'ä ko yë naaxwiinyëtë ja'ay jëtu'un yë të kyojy ijxtëm yë Dios kë'ëm y'ixëtyën.

2 Samuel 1:16

tä ja David ojts y'ënä'äny: Tyam ya'atë Amalec ja'ay të y'ooky, kë'ëm jëtu'un të nyätyunyë, ko të y'ënä'äny ko të tyaj'ooky mëti'ipë ënä'ämpën, mëti'ipë ja Wintsën wyin'ijxën.

2 Samuel 17:25

Absalón yë'ë ënety të tuknipëky yë Amasá ets yë'ë tniwintsën'atëty ja tsiptuunpë ja'ay. Jëtu'un tä jeexyë yë Joab yë'ë tyunyën. Amasá jä'ä ijty tyeety xyëëwajtyp Itra, Ismael ja'ay. Yë Itra ojts tmëëtsëënë yë Abigail, Nahas yë nyëëx yë'ë myëkä'äx yë Sarvia, Joab yë tyaak.

2 Samuel 3:29

Yë'ë tëy yë Joab, pokymyëët të wyi'imy ets y'u'unk y'ëna'k, jyëën tyëjk; yë ëyo'on jotmay ets pa'am ëyo'on ka'ap nëjkx y'ëxmatsëtë, tä yë ki'ix pa'amën pu'uts pa'amën, ixtëj pa'am, ëkë wä'än nëjkx pën yë y'u'unk y'ëna'k yaj'o'kxëtë, ëkë yuu xëëw jam y'itëty.

2 Samuel 3:37

Jä'ä xëëw ojts tja'akyukëtë ko ja David ka'ap ënety tii poky tmëëtëty mëët ko ja Abner të y'ooky, ja Ner ja myaank.

2 Samuel 3:39

Paaty oyxyëp yë Wintsën të xyjyapëjktakpës ënä'ämpë yajkutujkpë ma ja naax kajpnën ëjts ka'apës näjyawëty tii nkëjxmëty mëët ko ëxëëk y'ëtë'ëtstë y'ëna'antë yë Sarvia y'u'unk y'ëna'k. Yë Wintsën yë'ë nyija'ap wi'ix tukumëtoy ja ja'ay mëti'ipë winë tyuuntëkoopy kyajpxtëkoopyën.

2 Samuel 4:11

E mëët yë tyampë xynyikajpxtën, nän timjëtu'un ënät mjatëty mkëpätëty, miits ëxëëk ja'ay ka'oyjyä'äyëty, yaja'ay'o'kpë, ix pën të xyaj'ooktë ja ja'ay ka'apë tii poky tmëëtëtyën, japë ënety oy mëk myä'äy pyo'kxyën ma jyëën tyëjkën. Paaty miitsëty kopkpëky ets ënät xykyumëtowtëty mëët ja mëti'ipë të xytyuntën. Oy wi'ix mja'ënanëtë, kopkpëky ko m'ooktëty mtëkoytyëty.

1 Reyes 2:44

Mja'amyejtsyp wi'ix ojts ëxëëkjaty xypya'ëy xypyakäjpxyën ja nteetyës David. E paatykyëjxm ënät tyam ja poky mëti'ipë mtuunën kë'ëm xykyumëtowa'any.

1 Reyes 2:5

E mijts wa'ats xynyijawë wi'ixës ja Joab yë Sarvia myaank ja wyinma'any të xytyuk'ixyën, ko tyaj'o'ky nimäjtsk ja tsiptuunpë wintsën ma ënety ka'ap tiitsip yajmëët'atyën: Yë Abner yë Ner yë myaank ets Amasá, yë Jéter myaank ets jëtu'un yaja'ay y'o'ky ets ëjts ja poky ntsëëmë'ky.

1 Reyes 8:32

Mijts Wintsën mmëtowëp jap tsajpjoty ets mijts kë'ëm mtunëp winë. Mijts mnipaye'eyëp ja m'u'unk m'ëna'k. Mtëytyunëp mëti'ipë ënety pokymyëëtën jëtu'un tä pyäätyën ja y'ëxëëktu'un y'ëxëëkkajpxën ets ja wa'ats ja'ay mëti'ipë ka'ap pyokymyëëtëtyën xynyipaye'eyëty.

2 Crónicas 21:13

ni'ikyë winë aakjëtu'un xytyuunë tä ja yajkutujkpë y'ijtën mëti'ipë jam ënä'ämtën Israel; tyam mijts ja poky mtuka'ajëp ko ja Jerusalén ja'ayëty aak je'eyë ja nëë poky tuunëtë tkajpxnëtë jëtu'un tä ja Ahab ja jyä'äy y'ëtëtstën. Mijts ni'ikyë ja mmëku'uk mmëkä'äx të xyaj'o'knë mëti'ipë oy të jyuuky'atën ets mijts ëxëëk ja winma'any të xyajpëtsëmy.

2 Crónicas 21:14

Paaty tyam yajkëta'akäämpy ja Wintsën ja ëyo'on jotmay ma mijts ja yë mkajpnën, ma ja m'u'unk m'ëna'kën, ma m'u'unk mto'oxytyëjkën ets ma mkam mtu'ujën.

Ester 1:19

Pën yë yajkutujkpë y'a'ijxëp ets yajja'ajëty tu'uk yë noky, ma ja'ay yajtuknijawëtëty wi'ix ja ënä'ämën tëyajtën y'ënä'änyën ets jëtu'un jap wyë'ëmëty këxja'ay nokyjoty ma ja Medë ja'ay Persië ja'ay yajtuknijawëtën ko: Ja yajkutujkpë tyo'oxytyëjk Vasti, ka'ap nijëna'a t'ëkwinkuwa'kënëty ja yajkutujkpë. Ets ma yajtijyën yajkutujkpë nëjkxëp yajpëjkë jëtu'unpë ja xëëw ets yajmo'ojëty wiinkpë to'oxytyëjk.

Salmos 7:16

Ja y'ëxëëk'ajtën ets ja tsyiptu'un tsipkajpxën, kyëpajkëjxy kya'ataja'any.

Salmos 7:17

Nmëjpëjkta'akäämpyës yë Wintsën jä'ä ko oy winë tnipaye'ey; n'ëwäämpyës yë ëy mëti'ipë kyuuy'iipyën yë Wintsën yë xyëëw, yë xyëëw Ni'ik Këjxmëpë.

Ezequiel 17:19

Ëjts Wintsën, njuukyajtënës yam ntukajpxpejtyp; tëë tukxi'iky ja käjpxytyu'unën mëti'ipës ojts mëët njatunyën ets ka'ap të tpatuny ja aaw ayuk ijxtëmës ojts xytyukwinwanën; paatykyëjxmës n'amëtoowta'aja'any maajaty të xymyëtëkoyës.

Jueces 9:24

Jëtu'un'äämpy ja Abimélec tkëpätëty mëët ko yaja'ay'o'ky, ma tyaj'o'kyën ja nitëkë'px majkpë ja Jerubaal ja myaank ets ja Siquem ja'ayëty tkëpätëty näjyëtu'un mëët ko tputëjkëtyë ja Abimélec ma yaja'ay'o'kyën.

Jueces 9:57

Dios yë'ë ojts näjyëtu'un kë'ëm t'ëwa'atsy ets Siquem ja'ayëty ja pyokyëty tkëpätëty mëët ko ënety je'eyë të yajja'ay'ooktë. Jëtu'un'äämpy ojts y'atëy ja Jotam ja y'aaw y'ayuk, ja Jerubaal ja myaank, ma ojts tpokyën ja myëtsiptëjk.

1 Samuel 15:28

Ënet ja Samuel t'ënëmaay ja Saúl: Timjëtu'un tääjës yam yë nwit të xykyë'tsën, jëtu'un yë Wintsën tkëëtsy yë mkutujkën ma Israel kajpn. Ets të tmo'oy tu'uk yë mmëkukajpn mëti'ipë jaak'oy yë jot winma'anymyëët'ajtypyën këtiinëm mijts.