1 Reyes 2:27 - Biblia Dc en Mixe de Quetzaltepec

²⁷ Jëtu'un'äämpy ojts ja Salomón tyajjëwa'knë ja teety Abiatar ma ënety tyeety'ätyën, jëtu'un ojts y'atëy ja ayuk mëti'ipë ënety ja Wintsën të tnikäjpxyën mëëtpë ja Eli wi'ix nëjkx ja y'u'unk y'ok jyäty kyëpetyën.

Biblia Mixe de Quetzaltepec

²⁷ Jëtu'un'äämpy ojts ja Salomón tyajjëwa'knë ja teety Abiatar ma ënäty tyeety'ätyën, jëtu'un ojts y'atëy ja ayuk mëti'ipë ënäty ja Wintsën të tnikäjpxyën mëëtpë ja Eli wi'ix nëjkx ja y'u'unk y'ok jyäty kyëpetyën.

1 Reyes 2:27 ပူးပေါင်းရင်းမြစ်များ

Salmos 78:60

ojts t'ëxmatsy ja tsyajptëjk mëti'ipë jamën Siló, mëti'ipë ënety tyëjk'ajtypyën ma ja naaxwiinyëtë ja'ayëtyën.

Josue 18:1

Ja Israel ja'ayëty jam ojts jya'ajtmujkta'atë Siló ets jam tkoja'antë ja Wintsën ja wyittëjk ma mëët ja näpyaatë y'ityën. Ja naaxwiinyëtë jampë yajpaatyën oy ënety të tjajä'äpëjkta'atë,

Juan 19:28

Ko jëtu'un jyäjty kyëpejty, ets ko nän nyija'ap ënety ja Jesús ko tëë tyuunta'ay jyajta'ayë winë ets tam mëti'ipë jaaktëkoy'ajtpën paaty y'ënäny: Tëtsëpës.

Juan 19:24

Ënet ja tsiptuunpë nyäy'ënanëtë: Ka'ap ntukë'tsëmëty, je'eyë nni'ëyë'kmëty ets n'ijxmëty pën tuka'ajëp. Jëtu'un tyuunë jyajtë ets y'atëëy ja Dios ja y'aaw y'ayuk mëti'ipë këxja'ay miinpën: Ojts tpëjkwa'kxtë aak yë'ëjëty ja nwitës ets tëë tni'ëyë'ëktë ja nipitës. Jëtu'un ojts ja tsiptuunpë winë tuntë.

Juan 12:38

Paaty jëtu'un tyuunë jyajtë ets y'atëwëty ja Jeséas ja y'aaw y'ayuk, Dios käjpxynyajxpë: Wintsën, ¿pën jëtää y'ëkmëpëjkpy ja n'aaw'ajt n'ayuk'ajtëmë? ¿Pën jëtää ja Wintsën të tuknijawë ja kyutujkën?

Mateo 26:56

Paaty ya'atë jëtu'un tyunyë jyätyë ets y'atëwëty ja aaw ayuk mëti'ipë ja Dios ja kyäjpxynyajxpëtëjk jyääytyën. Ënet ja Jesús ja y'ijxpëjkpëtëjk ni'ëmukë tsyo'ontaaytyë ets kyäktë.

1 Samuel 22:20

Ojts tu'uk myaank kye'eky ja Ahimélec, jä'ä xyëëwajtyp Abiatar, jam ojts pëyi'ikyë nyijkxy ma ja David ënety jam yajpaatyën.

1 Reyes 2:35

Tä ja Salomón ojts yë'ë ja Benaías tpëjktaknë ets tnikopk'atëty ja tsiptuunpëtëjk jëtu'un tä ja Joab ënety të y'ityën ets ja teety Sadoc jä'ä yajpëjktäky tä ijty tyunyën ja Abiatar.

1 Reyes 4:4

Benaías, yë myaank yë Joiadá, yë'ë ojts niwintsën'aty yë tsiptuunpëtëjk; yë Sadoc ets Abiatar, yë'ë ojts y'itë teety;