1 Reyes 2:25 - Biblia Dc en Mixe de Quetzaltepec

²⁵ Ënet ojts ja Benaías, ja Joiadá myaank tuk'ëne'emy ets tyaj'ookëty ja Adonías, jëtu'un ja Adonías y'o'ky.

Biblia Mixe de Quetzaltepec

²⁵ Ënät ojts ja Benaías, ja Joiadá myaank tuk'ëne'emy ets tyaj'ookëty ja Adonías, jëtu'un ja Adonías y'o'ky.

1 Reyes 2:25 ပူးပေါင်းရင်းမြစ်များ

2 Samuel 8:18

E ja Benaías, yë myaank yë Joiadá, yë'ë ijty jam winë y'ijxpy tyuunpy ma ja Queret ja'ayëtyën ets ja peleteëja'ayëtyën mëti'ipë ja David këwent'ajtëpën. Yë David yë y'ëna'k aak teety y'ijtë.

1 Reyes 2:46

Tä ja yajkutujkpë t'ënëmaay ja Benaías, yë Joiadá myaank ets nëjkx ja Simí tyaj'ooky; tä ja Benaías tsyo'ony ets ojts tjanty yaj'ooky ja Simí. Jëtu'un ojts kyopkpëky ja Salomón ja kyutujkën.

1 Reyes 2:34

Jëtu'un'äämpy ja Benaías ojts tnitso'onë ja Joab ets tyaj'o'ky. Jam ja Joab nyaaxtëjkëy ma tyëjkën, jam të'ëts'itjotm.

1 Reyes 2:31

Tä ja yajkutujkpë y'ëtsooy: Tsojk nyajjotkujk'ajtëmë, nëjkx jap yaj'ook ets xyajnaaxtëkëty jëtu'un tyim yajjo'otsëty ja xyëëw maas ja nteety ja kyutujktaknën ets maas ja nkutujktaknën näjyëtu'un, mëët ja nëë poky mëti'ipë tyuuntëkooyën yë Joab, ko may ja ja'ay tyaj'o'ky.

2 Samuel 4:12

Tä ja David ni'ënä'ämëy, tuknipëjky ja tyuunpëtëjk ets tyaj'ooktëty; ojts tnëpujxëtë ja kyë'ë tyeky ets jam tëëyë'ktë winkon ma tu'uk ja nëëjut jam tukwa'ats yajpaatyën jam Hebrón. Ojts ja Is-boset ja kyëpajk tpëjkë'këtë ets tyajnaaxtëjkëtyë jam Hebrón winkon ma ja Abner ënety näjyëtu'un të nyaaxtëkën.

2 Samuel 1:15

Tääts ojts tu'uk ja tyuunpë tmëkäjpxy ets t'ënëmaay: Yaj'ook ya'atë ja'ay, tääts tjantyyaj'o'ky,

1 Samuel 15:33

E ja Samuel tyaa y'ënäny: Mëët yë mtëypyujxn may yë u'unktaak yë y'u'unk myääy xytyukyajni'o'ktuty. E timjëtu'un tä tääpë u'unktaak jyajtën, nän timjëtu'un tyam yë mtaak jyata'any. Tä ja Samuel t'apujx tukpujxëy ja Agag jam Guilgal, ma ja Wintsënën.

2 Samuel 12:10

Mëët koos ka'ap të xymyëj'ixy, ko të xypyëjkë ja Urías ja tyo'oxytyëjk, ja Hit ja'ay, jam ma mjëën mtëjkën itëp jam xëmë ja tsip äkë.

1 Reyes 2:29

E ojts ja yajkutujkpë Salomón yajtuk'ëwaanë ko ënety jap ja Joab të nyäyu'utsyë tsajptëkoty, ma ja wintsë'këntyakn jëxkën ets jap të jyaak kukääkë. Tä ja Salomón ënätyë ja Benaías, ja Joiadá ja myaank tuknikejxy ets nëjkx tyaj'ooky,

Jueces 15:12

Tä y'ëtsoowtë yë'ëjëty: E ëëtsëty paatykyëjxm të nmintës ets mijts nmatsa'antë ets nkë'ëyaka'antë ma filistejë ja'ayëtyën. Tää yë Sansón y'ëtsoowinpijty: Nikajpxtë yajxon Dios wintum ko miitsëty ka'ap xyaj'ooka'antës.