1 Reyes 2:2 - Biblia Dc en Mixe de Quetzaltepec

² Ëjts nëjkxanëpës ma tëkokyë ja'ay nyëjkxta'atën. Mijts amëk jotmëk mtimyajpaatëty, këtii mtsë'ëkëty ets oy winë tun.

Biblia Mixe de Quetzaltepec

² Ëjts nëjkxanëpës ma tëkokyë ja'ay nyëjkxta'atën. Mijts amëk jotmëk mtimyajpaatëty, këtii mtsë'ëkëty ets oy winë tun.

1 Reyes 2:2 ပူးပေါင်းရင်းမြစ်များ

2 Samuel 10:12

Këtii mtimtsyë'ëkëty, amëk jotmëk tim it, tsojk nkuwa'anëm yë nnaax'ajt nkajpn'ajtëm ets tsojk nitsiptu'unëmë yë Wintsën yë nyaax kyajpn. Wä'än yë Wintsën t'ix wi'ix të tuknipëjktaakë.

2 Samuel 12:23

E tyam ma të y'o'knën, tiijës ntuunta'akëp, oyës jënu'un n'ayuu'atëty etsës nu'kxta'akëty, ka'ap yë'ëkyëjxm ënät jyuukpyëkëty. Ëjts jamës jëna'a mëët näpyaatëtëty, e yë'ë ka'ap tjëkyepy jatëkok yaa min xypyäätyës.

1 Reyes 3:7

Mijts, Wintsën, mëti'ipës n'ëwtajtypyën, mijtsës të xypyëjktä'äky etsës n'ënä'ämëty nyajkutukëty tä ijty tyunyën ja nteetyës David, oyës n'ëk mutsknëmëty ets ka'apës tii oy njaty nnijawë.

1 Crónicas 22:13

Tëkokyë winë aak'oy mwinpëtsë'ëmxëtëty pën mtuumpy jëtu'un winë tä ja y'ënä'ämën kyutujkën myinyën mëti'ipë ja Moisés tyukmëwë'ëmën ja Israel ja'ayëty ets yë'ë tyajtuntëty. Mijts amëk jotmëkmës it ets këtii mayëty mtajëty.

1 Crónicas 28:10

Jot'at yajxon, ko mijts yë Wintsën të mwin'ixyë ets jyëën tyëjk xykyojëty mëti'ipë yë'ë tsajptëjk'atëpën. E tyam tii mtunëp, tuuntëkë ënät.

1 Crónicas 28:20

Ënet yë David t'ënëmaay yë Salomón: Amëk jotmëk mtimy'itëty ets oy mtunëty, tuuntsoon. Këtii nëkoo mwinmaaytyëkatsëty ets këtii nëkoo mtsë'ëkëty, jä'ä ko yë nWintsën, ëjts yë nTiosës, mëti'ipës n'ëwtajtypyën yë'ë yajpaataanp mëët mijts xëmë. Yë'ë ka'ap nijëna'a m'ëxmatsa'anyë ets ka'ap mpuwa'ktuta'anyë, koonëm wyimpëtsëm jyëjpëtsëmëty ja tuunk mëti'ipë të xyajtso'ontä'äkyën ma ja Wintsën ja jyëën tyëjk xykyojyën.

Job 16:22

Ëjts wäänës yë nxëëw njëmëjt jyaak wë'ëmy, tyimpatyp maas ëjts yaa ntsoona'anyën.

Job 30:23

Nnija'apës ko mijts xyaj'ookaanpës, ma kyukëxëtën mëti'ipë juuky'ajtëpën.

Salmos 89:48

Ka'ap pën kë'ëyxyëëw kë'ëyjyëmëjt jyuuky'äty, ets nijëna'a kya'ookëty. Ka'ap pën myäyëtëty nyäyaj'ëwaatsëpëtsëmëtëty ma o'kën.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

1 Corintios 16:13

Näy'ijx'itëtë näkyëwent'atëtë ets tu'ukyë xyaj'itëty ja mëpëjkën. Amëk jotmëk myajpaatëty, këtii mtsë'ëkëtëty.

Efesios 6:10

E tyam mëku'uktëjkëty, jam xy'ixta'atëty ja mëk'ajtën ma ja Wintsënën, ja mëk'ajtën mëkpë.

Deuteronomio 31:23

E ja Josué, yë myaank yë Nun, tyaa ojts y'ënë'ëmxëty yë Wintsën: Mijts jotmëkmës mtimyyajpaatëty, këtii ninu'un mtimtsyë'ëkëty. Jä'ä ko tëëjës ntuknipëjktaakë ko mijts nëjkx xywyoowja'ty yë Israel ja'ayëty jam ma ja it naaxwiinyëtën mëti'ipës yë'ë të ntukwinwanëtën, e ëjts nyakäämpyës yë näypyutëkë ma mijtsën.

1 Timoteo 4:12

Këtii xykyupëkëty ko pën mkawintsë'ëkëtëty ko mutsknëmëty; mijts ni'ikyë mëpaat ijxpäjtën xyäky ma mëpëjkpëtëjkëtyën, ko oy mkajpxëty, oy winë xytyunëty; mmëët'atëp ja tsojkën ja'awën ets ja mëpëjkën ets oy yajxon mnäyajjuuky'atëtëty.

2 Timoteo 2:1

Mijts, Timoteo, mëti'ipës n'u'unkja'apën, jam ja mëjaaw xyajtsoonëty ma ja Dios ja y'oyjyot y'oywyinma'anyën mëti'ipë të mtuk'ixyën mëët ja Kristë Jesús.

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Josue 23:14

Ëjts wäänës njaakjuuky'äty täätsës n'o'knëty, e jëyëjp ntsojkpyës ets yajxon xynyijawëtëty winë aaw winëjot ko yë Wintsën tëë winë oy tuunta'ay ijxtëm ojts twinwanën. Nitu'uk yë y'aaw y'ayuk të tkaninaxy.