1 Reyes 2:15 - Biblia Dc en Mixe de Quetzaltepec

¹⁵ Mijts wa'ats xynyijawë, jëtu'un y'ënäny yë Adonías, ko ja kuttujkën ëjts ënety xyjyapatp ets tëkokyë ja Israel ja'ayëty aakjëtu'un tjëjp'ixtë ets ntëkëtyës ëjts ënä'ämpë. Je'eyëp ko ja kuttujkën yë'ë ojts yajmo'oy ja n'utyës Salomón, jä'ä ko jëtu'un ënety ja Wintsën të tuknipëjktaakë.

Biblia Mixe de Quetzaltepec

¹⁵ Mijts wa'ats xynyijawë, jëtu'un y'ënäny yë Adonías, ko ja kutujkën ëjts ënäty xyjyapatp ets tëkokyë ja Israel ja'ayëty aakjëtu'un tjëjp'ixtë ets ntëkëtyës ëjts ënä'ämpë. Je'eyëp ko ja kutujkën yë'ë ojts yajmo'oy ja n'utyës Salomón, jä'ä ko jëtu'un ënäty ja Wintsën të tuknipëjktaakë.

1 Reyes 2:15 ပူးပေါင်းရင်းမြစ်များ

2 Samuel 12:24

Yë David ojts ja Betsabé jatëkok ja jotkujk'ajtën tmo'oy. Ojts tninëjkxy ets tmëët tsënaay, ënät ojts u'unk mëët wyi'imy ets tyajmëxu'unk'ajty tu'uk ja u'unk maay, mëti'ipë ja David ojts txëëwmo'oyën Salomón. Yë Wintsën ojts ya'atë mëxu'unk tsoky tjawë,

2 Samuel 15:13

Tu'ukës ojts ja ja'ay poj'am tuk'ëwaanë ja David ko jam ja Israel ja'ayëty nyikäjpxtyunëty mëët ja Absalón.

2 Samuel 15:6

Aakjëtu'un tmëkäjpxy ja Israel ja'ayëty mëti'ipë ja yajkutujkpë nyinëjkxypyën ets winë yajnipaye'eyëty, paatykyëjxm ja ja'ay ojts may tyajjotuky.

2 Samuel 16:18

Ka'ap tjëkyepy, jëtu'un y'ëtsooy ja Husai, jä'ä ko kopkpëky koos jam nwë'ëmëty ma ja ënä'ämpën mëti'ipë ja Wintsën të twin'ixyën ets mëti'ipë ja naax kajpn tyukjotkëtäkpyën.

2 Samuel 3:3

ja mëmäjtskpë, jä'ä xyëëwajt Quileab, yë'ë mëët t'u'unk'aty yë Abigail, ja to'oxytyëjk mëti'ipë ja Nabal nyi'o'ktutën jam Carmel; ja mëtëkëëkpë jä'ä xyëëwajtyp Absalón, yë'ë mëët t'u'unk'aty ja to'oxytyëjk mëti'ipë xyëëwajtypyën Maacá, ja nyëëx ja Talmai jampë y'ëne'emyën Guesur.

2 Samuel 3:4

Ja mëmajktaxkpë jä'ä xyëëwajtyp Adonías, yë'ë mëët t'u'unk'aty ja to'oxytyëjk mëti'ipë xyëëwajtypyën Haguit; ja mëmëkoxkpë jä'ä txëëwajtyp Sefatías, yë'ë mëët t'u'unk'aty yë Abital;

2 Samuel 7:12

e ko ënety tëë m'ënu'kxënyë ets ja m'o'kën wyinkoonë, ëjtsës kë'ëm nyajkutukäämpy ets tu'uk ja m'u'unk maay wyë'ëmëty ma ja mkutujktaknën, yë'ëtsës nëjkx xëmë nyaj'ëne'emy.

1 Reyes 1:25

Jëtu'unës n'ixy, ko yë'ë tëëtëm jam jyëjptä'äky ets tëë ja jëyujk tsajpkaa tyaj'ooky may ets tsajpkaa ëna'k ets tsajppax, kupixyny; tëë twoowta'ay kääpyë ja m'u'unk m'ëna'k, mtsiptuunpë wintsëntëjk ets ja teety Abiatar. Tyam tam yajxon kyäytyë y'uuktë ets ya'axtë jyoktë: Wä'än yë Adonías tyajkutuky.

1 Reyes 1:38

Ënet ja teety Sadoc ets ja käjpxynyajxpë Natán, ja teety Benaías, ja Joiadá ja myaank, ja Queret ja'ayëty ets ja peleteos ja'ayëty, mëti'ipë ja David ijty këwent'ajtëpën ojts tninëjkxtë ja Salomón ets jam tyajpäjtë jëyujkëjxy, mëti'ipë ijty ja yajkutujkpë David tyuk'u'unyääpyën, tä tyajnëjkxtë jam Guihón.

1 Reyes 1:39

Jamts ja teety Sadoc ojts tyajpëtsëmy tsajptëkoty ja tsajpkaawaj ma jap ja on y'ityën mëti'ipë ja ja'ay yajtukkënu'kxpën, yë'ë ja Salomón ojts mëët yajtukkënu'kxy. Tä tukxuxtë ja tsajppaxwaj ets tëkokyë ja ja'ayëty myäy'ënaantaaytyë: Wä'än ja yajkutujkpë Salomón jeky tjuuky'äty.

1 Reyes 1:5

E ja Adonías, tu'uk ja David ja myaank, mëti'ipë mëët t'u'unk'atyën yë Haguit, ojts tmëpëtë'ëky ja tëypyujxn ets ja ku'umën ets y'ënäny ko yë'ë kutujkpë'ataanp. Ojts tyaj'oyë pyuxn wintëkäämpë mëti'ipë myëtsiptuuntëpën ets ojts tmä'kxy yë kyëwaay ënyääpyëty ets ja'ay mëti'ipë nätyukëwent'ajtëpën, niwëxtyikxymyajk y'ijtë.

1 Reyes 2:14

Ets jyaak'ënany: Ayuk tu'uk nmo'ojäämpy. Oy nikajpx, jëtu'un y'ëtsooy ja Betsabé.

1 Reyes 2:16

E tyam mëyajtënës tu'uk n'amëtowäämpy. Këtiis xytyukkuwintuk'ookëty. Nikajpx, jëtu'un y'ëtsooy ja Betsabé.

1 Reyes 2:22

¿Wi'ix ko xy'amëtoy yë Abisag ets mëët tsyëënëty yë Adonías? Jëtu'un t'ëtsooy ja yajkutujkpë ja tyaak. Je'eyë jyaak tëkoy'äty ets xy'amëtowëtyës yë kuttujkën tääts yë'ë yajmo'ojëty, mëët yë'ëkyëjxm ko n'ajty'ätyës ets mëët yë'ë ko y'ëkputëkëty ja teety Abiatar ets Joab, yë Sarvia myaank.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Daniel 2:22

Yë'ë yaj'ijxëp ets yë'ë yajnikëxë'kpy ja jot winma'any tsipë ets yu'utsypë; nyija'ap mëti'ipë akootstuuy yajpatpën, jä'ä ko yë'ë myëët'ajtyp yë jajën të'kxën.