1 Reyes 19:4 - Biblia Dc en Mixe de Quetzaltepec

⁴ E yë'ë ojts tsyo'onë, jamtsow ojts nyijkxy të'ëts'itjotm, tu'kxëëw ojts yajxon ye'ey, tä jam nyaaxwe'tsy kepypya'tkë'ëm. Nëkooyë y'ënu'kxënyë, mëpaatëp y'o'knë, paaty y'ënäny: Wintsën wä'än jääpaat, pëjkëkës yë njuukyajtën, jä'ä ko ka'apës jëtu'un ntsoowpaaty tääjës yë n'ap n'okën.

Biblia Mixe de Quetzaltepec

⁴ E yë'ë ojts tsyo'onë, jamtsow ojts nyijkxy të'ëts'itjotm, tu'kxëëw ojts yajxon ye'ey, tä jam nyaaxwe'tsy kepypya'tkë'ëm. Nëkooyë y'ënu'kxënyë, mëpaatëp y'o'knë, paaty y'ënäny: Wintsën wä'än jääpaat, pëjkëkës yë njuukyajtën, jä'ä ko ka'apës jëtu'un ntsoowpaaty tääjës yë n'ap n'okën.

1 Reyes 19:4 ပူးပေါင်းရင်းမြစ်များ

1 Reyes 13:14

Jam tnajtspatëy ma tu'uk xoj'ëjxën ets tyajtëëy: ¿Mijts jëtu'un mkäjpxynyäjxpë'ajtp mëti'ipë jam Judá tso'onpënë? Ëjts, jëtu'un y'ëtsooy ja käjpxynyajxpë.

1 Reyes 19:3

Elías ojts t'ixy ko nakutsë'ëkë ënety jam yajpaaty, paaty ojts nyijkxy jam Beerseba, mëti'ipë Judá jyä'äy nyitënaaytyëpën ets ja jyuukyajtën tyajtsoky, jam t'ëxmajtsy ja tyuunpë.

1 Reyes 19:5

Ets nyäkyo'kë jam kepypya'tkë'ëm, ojts myaanaxy. Ajotkumonë tu'uk yë Wintsën yë kyukäjpxy nyimiinë ets y'ënëmaayë: Pëtë'ëk, kay uuk.

2 Reyes 2:11

E tam ënety jëtu'un tyu'uye'eytyë ets myëtya'aktë, ko ojts ajotkumonë tu'uk yë pujxnwintëkäämpë t'ëkëty y'ijxpaatë jam tu'u ëkë'ëm jëënmëët, mëët yë nyikëwaay nän jëënmëët, mëti'ipë ojts yajwa'akwa'kxëtën, e jëtu'un'äämpy ojts ja Elías tsyajpäjnë mëët tu'uk pojxujtyk.

Job 6:8

Jääpëk jeexyë yë Dios xymyo'oyës mëti'ipës n'amëtoopyën; jääpëk jeexyë xymyo'oyës mëti'ipës të npëjktsoyën.

Job 6:9

Jääpëk yë Dios tuknipëjktaakë ets jeexyë xytyimyajnakës ets njuukyajtënës xypyëjkëty.

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Amós 6:2

Nëjkx ixtë yë Calné kajpn; ko jam mtsoontëty tääts mnëjkxtëty ma ja mëjpë ja Hamat kajpnën, jam mjënajkë'ëktëty ets mjëjpta'aktëty ma Gad kajpnën, ma filistejë ja'ayëty tsyëënëtën. ¿Ti ni'ik jëtää miitsëty mëj'äämpy m'itë ets ka'ap yë'ëjëty jyëtu'un'atë? ¿Ni'ik mëj'äämpy jëtää miits yë mkajpnëty këtiinëm yë'ëjëty yë kyajpnëtyë?

Jonás 4:3

Paatykyëjxm yam n'ënëëmë mijts Wintsën, ko xypyëjkëtyës yë njuukyajtënës. Tsoopaatëp ni'ik koos n'ookëty këtii koos njuuky'atëty.

Jonás 4:8

Ko ja xëëw pyëtsiimy, ënät ja Dios ja jëënpoj tyajmiiny, jamtsow pëtë'ëktsow, yajxon ja xëëw'an jam tyimkëxjajy ma ja Jonás ja wyiin jyëjpën, tääts nyäjya'awëy tim ookaanp yowë. Ets myäy tyäjy: Nikë oyës ntimy'ookëty.

Nahúm 3:8

¿Wä'än jëtää mijts ni'ik mtimmyëjëtyë këtiinëm jyëtu'unëty yë Tebas kajpnë, mëti'ipë yajpatpën winkon ma Nilë mëjnëëjën, mëti'ipë mëjnëë nanajxëpën ets yë'ë majts'ijtëpë?

Mateo 6:26

Ixtë ja joon mëti'ipë kääkjëtijtëpën pojotm: Ka'ap nyi'iptë kyojtë ets ka'ap tiipëjktä'äky tyajpëtë'ëktë ets muum tpëjkë'ëktë tëkoty, miits yë mTeetyëty tsajpjotmëpë yë'ë putëjkëtëp ets jyi'kxypyaatëty. Miitsëty wäänëni'ik mtsoowpaatë këtiinëm yë joonëty.

Juan 4:6

Jam ënety yajpaaty tu'uk ja Jacob ja nyëëtajy. Ënu'kxëp ja Jesús mëk jä'ä ko jeky ënety të ye'ey, paaty nyaaxwe'tsy jam ma ja nëëtajyën. Kujkyxyëëwën ënety.

Romanos 3:9

¿Wi'ix na'ëna'anmëty? Ko njutiis'ajtëmë, ¿wä'än jëtää ëëts ni'ik n'oyajtëmë ets këtiinëm ja ka'apë jyutiisëtyë? Niwi'ix'äämpy. Jä'ä ko tëë yajnijawë ko pokyjotm ëëts nyajpata'ayëmë wä'än timpyënëty, oy tjutiisëty kyajutiisëty.