1 Reyes 19:17 - Biblia Dc en Mixe de Quetzaltepec

¹⁷ Jëtu'un'äämpy ko pën jyakä'äka'anëty ma ënety ja Hazael yaj'ooka'anyën, yë Jehú yë'ë yaj'ookëtëp, e ko ënety pën jyake'eky ma ja Jehú, yë Elisejë yë'ë nëjkx yaj'ookyë.

Biblia Mixe de Quetzaltepec

¹⁷ Jëtu'un'äämpy ko pën jyakä'äka'anëty ma ënäty ja Hazael yaj'ooka'anyën, yë Jehú yë'ë yaj'ookëtëp, e ko ënäty pën jyake'eky ma ja Jehú, yë Elisejë yë'ë nëjkx yaj'ookyë.

1 Reyes 19:17 ပူးပေါင်းရင်းမြစ်များ

2 Reyes 13:22

Hazael, ëxëëk ojts mëk tëytyuny ja Israel ja'ayëty, ma ja Joacaz jam jyuuky'ätynyëm.

2 Reyes 13:3

Paaty ja Wintsën mëj këjää tukjoot'anpëjky ja Israel kajpn ets jekpyaat tkë'ëyäjky ma ja Hazael yajkutukyën, jam Sirië ets ma ja y'u'unkën Ben-adad.

2 Reyes 8:12

ets ja Hazael yajtëëwë: ¿Tii ko myä'äxy Wintsën? Tä ja Elisejë y'ëtsooy: Jä'ä ko nija'apës wa'ats ko mijts ëxëëk nëjkx jëna'a xytyuny yë Israel ja'ayëty, nëjkxëp yë nyaax kyajpn ets tsyënaaytyakn xynyino'kë ets y'ëna'ktëjk xyaj'o'k xyajtëkooyë, yë'ëpaat yë pi'k ëna'k mëti'ipë je'eyë miinpnëmën naaxwiiny ets mëti'ipë jap tyaakjootjoty yajpatpnëmën; nëjkxëp ja to'oxytyëjktëjk ja jyot myääts xytsyujkë xyjyë'të.

Oseas 6:5

Piw nuukën të ntuunta'atë ko të ntuknikäxtë yë käjpxynyajxpëtëjkëty; yë mëtoow'ijtkës n'ayukës mëët të ntuknijawëtë ko m'oka'antë. Yë tëypyë jaantypë nipaye'eyënës jëtu'un jyäjy tä jëën tyi'kxyën.

2 Reyes 10:32

Jä'ä xëëw yë Wintsën ojts tjëpëjkë ja Israel ja'ayëty ja nyaaxjot. Yë Hazael ojts tnipëtë'ëky ja Israel ja'ayëty jampaat ma ja tsyëpa'an nyaxtën ets maajaty ja tsëpa'an tmëët'atën:

Apocalipsis 19:21

Ja wiinkpë, ojts y'o'kta'atë mëët ja tëypyujxn mëti'ipë jap y'aawjoty pëtsëëmpën mëti'ipë tyuk'u'unyääpyën ja poop kwaay ets ni'ëmukë tsyu'tstaayëtë ku'uxyë ja jëyujk mëti'ipë kääkëtijtëpën.

Amós 5:19

Jëtu'un nëjkx jää jyäty kyëpety tä ja'ay tkuke'ekyën yë kaa ets twinkuja'të yë osë, ëkë ko pën tyëkë tyëkoty ets jam kyëxajy ma tu'uk yë tsa'anyën ets tsyu'utsyë.

Amós 2:14

Oy jënu'un mjakä'äktëty poj'am myajnajtspaatëtëty; mëti'ipë jotmëk janäyjya'awëyëpën jëtu'unyë myëjaawkëxa'any, oy yë'ëjëty ja'ay mëti'ipë jotmëkën ka'ap tsyo'oka'any.

Jeremias 1:10

Ëjts yë n'aaw n'ayuk npëjktäkpy ma m'aaw myä'änën. Tyam ja kuttujkën nmo'oy ets mnëjkxëty ma yajpaatën ja naax kajpn ets mwijxë'ëk mnujkë'ëkëtëty ets xyajkutëkoyëty ets xytyukmä'ä xytyukjëtsëty ets näjyëtu'un xymyëët'atëty ja mëk'ajtën wi'ix mkojëty mma'kxëty ets wi'ix mpänëty mkojëtyën.

Isaías 11:4

Nyipaye'eyäämpy ja ja'ay mëti'ipë yajpatëpën ëmaay paki'ix ets kyuwa'anäämpy ja ëyoopëja'ay ets ja mëti'ipë patëtëpën.

2 Reyes 9:14

Yë Jehú, mëti'ipë yë Josafat y'u'unk'ajtypyën, yë y'ok'u'unk yë Nimsi ojts tnikäjpxytyunë yë Joram. Ja Joram mëti'ipë ënety mëët ja Israel ja'ay të tkuwa'anyën ja Ramot mëti'ipë ja Galaad nyitënääpyën, ko ja Hazael yajnatujkëtë, mëti'ipë jam yajkutujkpën Sirië,

2 Reyes 8:8

Ënet ja yajkutujkpë t'ënëmaay ja Hazael: Jam ix tii jam mpëjkpy ets nëjkx xypyääty ja käjpxynyajxpë. Yajtëw wä'än mtuk'ëwa'anxëty wi'ix ja Wintsën y'ënä'äny, pën tso'okaanpës ëkë pën ka'ap.

2 Reyes 9:2

ko jam mja'tëty, tääts xy'ixta'ajëty yë Jehú, yë myaank yë Josafat ets yë'ë y'ok'u'unk yë Nimsi. Jap mtëkëty tëkoty ma jap yajpaatyën, ëpëky xywoownëjkxëty, wiinktëjk;

2 Reyes 9:20

Tä ja tsiptuunpë mëti'ipë jam këwent'ajtpën ojts jatëkok tnikäjpxy ets y'ënäny: Mëti'ipë tyam ok të nyijxyën tëë näjyëtu'un jam jyaja'ty, je'eyëp ko nän ka'ap wyimpity ets jëtu'un yaj'ixy mëti'ipë yë pujxnwintëkäämpë yajye'epyën yë'ë yowë Jehú, yë y'ok'u'unk yë Nimsi, jä'ä ko jëtu'un tyajye'ey yë kepy wintëkäämpë tä tu'uk yë ja'aykyupojën, jëtu'un ijxtëm jyä'äy'ätyën.

2 Reyes 9:25

Ënet ja Jehú ojts ja tyuunpë t'ënëëmë mëti'ipë xyëëwajtypyën Bidcar: Juut yë nyini'kx jap pyujxnwintëkäämpëjoty ets nëjkx jam xytyu'ujëjpjëpipë ma Nabot yë nyaaxjotmën mëti'ipë Jezreel nyitënääpyën, jä'ä ko nja'amyejtsypës ko ënety ëëtsajtëm pujxnwintëkäämpë nyajye'eyëmë mëti'ipë Ahab jyä'ä'ajtypyën, yë Joram yë tyeety, ojts yë Wintsën tyuknikäjpxyë ko ënety jëtu'un jyata'any, ko y'ënäny:

2 Reyes 12:17

Jä'ä jëmëjt yë Hazael mëti'ipë jam yajkutujkpën Sirië, ojts tkexy yë myaytsyiptuunpë ma nyaaxjotmën yë Gad ets tjä'äpëjky, jam tsyo'ony tääts ojty nyijkxy Jerusalén.

Jeremias 48:44

Mëti'ipë ënety kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënety jutjoty pëtsëëmpën, jam nëjkx nyaskääkë ma yajxokyën, jä'ä koos ënety jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Ezequiel 15:7

Mëtsipës nänyikajpxa'anyë ma yë'ëjëtyën. Jyakukä'äktëp tu'kpëky ja jëën je'eyëp ko nän jëënjoty nëjkx kyukääkëtë. E koos ënety ëjts nänyikäjpxyë mëtsip ma yë'ëjëtyën jäänëm nëjkx xy'ixkaptës ko ëjts Wintsënajtp.

2 Reyes 9:24

E yë Jehú ënätyë tu'uk tnajtsmajtsëy ja tyi'px ets pyatë ja Joram, jëxkë'ptsow ojts pyäätyë ets tim tuknajxë ja jyuukyjot, jëtu'un ja Joram jap y'o'ky pyujxnwintëkäämpëjoty.