1 Reyes 19:16 - Biblia Dc en Mixe de Quetzaltepec

¹⁶ e yë Jehú, yë y'o'k u'unk yë Nimsi ets yë'ë jam y'ënä'ämëty Israel; e yë Elisejë yë myaank, yë myaank yë Safat, jampë kyukajpnëtyën Abel-meholá, yë'ë kënu'kx ets yë'ë xymyëtunëtyës tä mijts tyam xymyëtunyënës.

Biblia Mixe de Quetzaltepec

¹⁶ e yë Jehú, yë y'o'k u'unk yë Nimsi ets yë'ë jam y'ënä'ämëty Israel; e yë Elisejë yë myaank, yë myaank yë Safat, jampë kyukajpnëtyën Abel-meholá, yë'ë kënu'kx ets yë'ë xymyëtunëtyës tä mijts tyam xymyëtunyënës.

1 Reyes 19:16 ပူးပေါင်းရင်းမြစ်များ

2 Samuel 21:8

E ojts tmatsy nimäjtsk ja Rizpa ja y'ëna'k, ja nyëëx ja Aiá, mëti'ipë ënety mëët të tsyëënën ja Saúl, ja y'ëna'k jä'ä xyëëwajtëp Armoni ets Mefi-bóset ets nimëkoxk ja y'ëna'k ja Merab, yë nyëëx yë Saúl, mëti'ipë mëët t'u'unk'ajtyën yë Adriel, yë myaank yë Barzilai jampë kyukajpnëtyën Meholá,

1 Reyes 1:34

e ko ënety ja teety Sadoc ets ja Natán tkënu'kxtë ets yë'ë yajkutukëty ma ja Israel kajpnën, mtukxu'uxtëp ënätyë ja tsajpkaawaj ets mëk m'ëna'antëty: Wä'än ja yajkutujkpë Salomón jeky tjuuky'äty.

1 Reyes 4:12

Baaná, yë myaank yë Ahilut, jam ojts t'atänë Taanac, Meguido ets ma tëkokyë ja Bet-sean tnitänën, wiinkonpë yajpaatyën ma Seredán, ëpa'tkë'ëytsyow ma Jesreel y'itjotmën ets tyimtsoony jam Bet-sean, tyimja'ty jampaat Abel-meholá ets jëtu'un nyijkxy Jocmeam;

2 Reyes 2:1

Ko ja xëëw tpaty ma ënety ja Wintsën tyajnëjkxanën ja Elías jam tsajpjotm, mëët yë pojxujtyk; ënät ja Elías mëët ja Elisejë jam tsyo'ontë Guilgal.

2 Reyes 2:15

Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënet ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,

2 Reyes 2:9

Ko tuknajxtaaytyë, ënät t'ënëmaay yë Elías ja Elisejë: Tuk'ëwa'anëkës tiijës ntunëp mëët mijts maas ka'anëm nyajjëpëkynyëm ma mijtsën. Tä Elisejë y'ëtsooy: Yë'ëjës ntsojkpy yë mkënu'kxypyoj tëkokyë jënu'un të xymyëët'atyën ets näjyëtu'un xyjyaakniyajkpätëty.

Lucas 4:27

Näy nimay ënety ja ja'ay ja pu'uts pa'am pyëkëtë yaa Israel ko jyää'ajty ja Dios ja kyäjpxynyajxpë Elisejë ets nitu'uk ojts kyatso'oktë ja pyu'uts, ja Naamán ojts yi'iyë ja pyu'uts nätyu'uk tsyo'oky, mëti'ipë jam Sirië kukajpn'ajtpën.

Jueces 7:22

ja nitëkëëk mëko'pxpë ja Israel ja'ayëty ni'ikë ja jyänty xyuux'ëtë'ëtstë, mëti'ipë tyukxuxtëpën ja tsajppaxwaj, ja Wintsën ojts kë'ëm tuknipëjktaakë ets ja Madián ja'ayëty tyëkëtëty tsiptuunpë aakyë'ë, yë Wintsën yë'ë ojts tuknipëjktaakë ets kyä'äktëty jampaat ma txëëwatyën Bet-sita, matsow yajninëjkxyën ja Sererá kajpn ets jampaat ma ja tsyëpa'an nyäxyën ja Abel-meholá winkon jam Tabat.

1 Samuel 18:19

E jääts ma ojts ja xëëw po'o tpatnën ma jeexyë ja Saúl tmo'oyën ja David ja Merab ets yë'ë tpëkëty t'uukëty. Jä'ä ojts tmooynyë ja Adriel mëti'ipë jam kukajpn'ajtpën Meholá.